سفر مع تاجرة لتايلند

[ناعمة العين]

ربي يوفقج

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[قوت القلوب333]

انا توني يايه من تايلند والله ما ستوى
وكل شي غالي
بدياتنا والشغلات اللي عندنا احلا
شو ارخص والله صايره لبقه ما تتشاهد ولا ويوم اتقولين لهم نزلوا السعر شوي ولا هول سيل يقولج نونونو وبنفس خايسه بعد اللي يقول بشحت منه
اهنيه وحليلهم الهنود والبياعين ينزلون اشكثر واهو يضحك بعد
فديت ابلادنا والله
اهناك ما لوع جبدي الا وصاختها ولوعه الجبد والريحه
عافان الله شعب شرات النار تاكل كل شي جدامها ياكلون كل شي وكل وقت وكل ساعة ولا يمتنون
نعلهم صح اقولج لقيت في سوق البوتونام محل يبيع نعل تقليد ماركات وكلها فصوص شرات اللي عندنا ب 700 وزود وحصلتهم عندنا ب 60 و 70 عاد انا اسانست وخميت لي كم نعال يوم يييت اهنيه يا من كارتونههم الفصوص طابحه ولا لبستهم لبسه ولا 2 ونص الفصوص اشوفهم يطيحن
انا بصراحه ما عيبتني تايلند
يقولون ماليزيا صارت شوي ارخص من اهناك
وما يندره

[صاحبة الذوق]

بصراحه تايلند ما عيبتني مووووووووووول ... بس سبحان الله الناس اذواق ... الله يوفقج حبوبه

[نحل العسل]

ونا ودي ازو تايلند من كثر ماسمع عنها

[حورالامارات]

موفقة

[yasyeyah]

الله يوفقج
ختيه استخيري و ربي يجدم لج الخير

[ام أماني]

انا زرت تايلند بس ما كنت اتوقع انها بهذي الوصاخة تكرمون حتى اللي عندهم عنا نحن لا تبي عمرج بصراحة نصيحة

[freefree]

اغراض تايلند كلها في الامارات الصين يمدحونها اختي

[!! بدوية !!]

والله الغالية انا سايرتلها 3 مرات وزوجي اكثر من عشر مرات ...قبل ارخص وفيه اماكن روعه الشوبنق فيها مثل روبنسون و ام بي كي ... الاول يبيع كله ماركات وتقريبا مثل اسعارنا او ارخص شوي ... تلقين فيه اشياء غريبة وحلوة ... اما الثاني مثل نايف شوي وهوه عبارة عمن مركز تجاري من فوق لين تحت كله محلات وفيه اشيا رووووووعة واسعارها رووووعة ولا ارخص ....
وكذلك طوكيو سنتر و وورد سنتر ... فيهم اشيا خبال ... والسوق العايم (الفلوتنق ماركت) بس كاسريهم لين ايقولون بس ... عقي نصي الجيمة وزيادة ...
في روبنسون العود عبارة عن طوابق .. كل طابق جنه محل واحد متخصص في شي واحد ..
مثلا الطابق الاول ملابس رجالية (قمة في الروعة ) من الالف للياء
بعدين النسائية ...(الملابس الداخلية ماركات وارخص بوااايد عنا) مثلا ماركة تروموف الحمرا .. اهنيه الطقم يكلف 300 او 400 قطعتين هناك مايكلف اكثر عن 100 او اقل وتكون الاصلية مب التقليد ..
والطابق الثالث عجبة ... كل مستلزملت الاطفال بنات واولاد ( اي نكست اي مذر كير) شي روووووووعة .... ماخليت شي ماخذته لعيالي وكله غريب ومميز ... وخص ماركة ميني مان (بما انه عندي اولاد بس ) والحين يابوها في برجمان ...
شي روعة ... ماعليج من الوصاخة تراها الشوارع نظيفة بس ريحة الاكل اللي ينطبخ على الشوارع تلوع بالجبد ..(امبونج مابتاكلين اكلهم ) انتي بتسيرين لغرض معين ...
هذا اللي عندي قلته عسى اني افيدج ...
استخيري ودوريلج محرم ... والله يوفقج يارب ....

[d_khoonmeera]

بالتوفيق