اثواب

[أم فزاع]

مرحبا حبوبه:

انا حق عيد الفطر سويت ثوب وكندوره من تصميمي وكانت عباره عن قطعه مرسومه او اي قطعه اتكون فيها ديزاينات او اللوان .. ويبت تور ابيض لانه خلفية القطعه بيضاء وخليت مشغل بالعين ايسويلي اياه تلي مع لولوا صغير الحجم الديزاينات القديمه مال اول بس الفكره انه الكندوره مخصره على الجسم جنه فستان والكم اليد بعد ضيج عقب ايطيح عليه التور المشغول , شي غريب بس يديد لانه فيه نكه عصريه مع الديزاين القديم واتيبين من اللولوا الصغير مثل العقد ينزل من جنب شعرج وكل حد شافه عيبه يتحرونه عند مصصممه او محل معروف لاني اول مره البس ثوب كندوره كله متعودين علي بفساتين من تصاميمي الغريبه ........

انتي سيري دوري قطعه حلوه بالالوان الي تحبينها وعقب يبي عليها التور ..............

والحين سويتلي بعد نفس جلبيات الفراشه المخصره والكم يوحي انه موديل الفراشه من القطع الماركه مثل بلجاري او لوي فيتون وفلنتينوا الحرير مع الشيفون ادخلين فيها احجار كبيره الملونه مثل احجار العقيق تنباع عند محلات لوازم الخياطه في نايف ومن ورى اتحطين نفس طرابيش الستاير نص الظهر اتكون طايحه عشان توحي لوحي اسطوري ...........على اللبس فظيعه ..........ودايما يوم بتصممين خلي القطعه تتكلم يعني موا شرط تدحبينها اشياء مرات من الخامه يطلعلج موديل ......

اتمنى فدتج من تجاربي وإذا طرت على بالي فكره ايديده بخبرج .................

تسلمين اختي على الفكرة

بس يا ريت لو تحطين لنا صورة للثوب وجلابية الفراشة اللي فصلتيها