ويــــــــــش جاني

**ليانq8** · 2007-01-06, 14:54

[

مرحبـــا بناات حبيت اقدملكم هالقصيده واتمنى انهـــا تحوز على رضاكم

نـادوا سميّـك وارتبكـت وتغيّـرت
.............. كذا ! ولا ادري وقتهـا ويـش جانـي

سكّت / حتى اتصدّق انـي تباشـرت !
.............. كنت احسب انك جيت يمّي .. عشانـي

وانا من الموقف ضحكـت وتكـدّرت
.............. وبشايـري مـرت مـرور الثوانـي

مع السوالف يـوم طـروّك سافـرت
.............. سافرت لك وانـا مكانـي / مكانـي

قصّيـت للضيـق التذاكـر وغـادرت
.............. وقدّمـت شكـري للقـدر وامتنانـي

أثر الفراق اصعب من اللي تصـوّرت
.............. بـدت جيوشـه تستحـل المحـانـي

آمالي ان عاشت كذا مالها كـرت !!
.............. طاحت من عيـون البحـور الموانـي

ماني بـ ( قايل ) ليه فالوصل قصّرت !
.............. وليه انت متقلّـب وهـادم وبانـي !

اقول لك يوم انك لـ ( صدك ) اختـرت
.............. نسيتنـي .. والا نسـانـي زمـانـي

في سكتك واقف .. وفي سيري احترت
.............. قلي / ترى ماعاد لـي عمـر ثانـي

تراي في قيـود الرجـاء ماتحـررت
.............. علّقت فـي ذمتـك .. كـل الامانـي

الشاعر مشعل البراق

المزيد من آخر المواضيع من نفس القسم:

**درة الإمارات** · 2007-01-07, 13:25

ليان نقل ممتع ورائع

شكرا لكِ على هذه الذائقة الجميلة

انتظر المزيد من روائع ذائقتكِ

أرق تحية لكِ

دمتِ بكل ود

**ليانq8** · 2007-01-07, 16:56

درة الامارات
اشكرج على المداخله الجميلـــــــه
تقبلـــــي
تحيـــــــــــــــــــاتي

**سندريلا** · 2007-01-08, 13:33

تسلميين على النقل الرووووووووعه

**شوق دبي** · 2007-01-08, 15:02

أثر الفراق اصعب من اللي تصـوّرت
.............. بـدت جيوشـه تستحـل المحـانـي
مشكووره الغاليه على القصيده الرايعه

**ليانq8** · 2007-01-10, 12:20

شـــــــــــــوق دبي يامرحبــــــــــــا فيج يالغاليه

**ranean** · 2007-01-11, 08:45

نقل موفق بوركتى اختى
كلمات جميله ورائعه

الموضوع: ويــــــــــش جاني

أدوات الموضوع

عرض

ويــــــــــش جاني

المزيد من آخر المواضيع من نفس القسم:

المواضيع المتشابهه

كتبت هذا الكلام لما جاني الالهام