الغربه

[فديتني دلوعه]

هلا خواتي في وااايد بنات بعد زواجهم يطرون يسافروون مع ازواجهم للاقامه برع لضروف الزوج مرات يكون يدرس برع ومرات يتشغل و دول مش عربيه ولا اسلاميه مثل فرنسا و لندن الي خاضت هتجربه تخبرني كيف كانت تقضي و قتها و ما كانت تحس بضيجه مع انهم يتمون شهووووووووووووووووووووووور برع لبلاد ابا نصايح

المزيد من آخر المواضيع من نفس القسم:

• لأنّه جعل الفقير ييعش مع المؤمنين لا مع...
• الإكتئاب طاعون العصر الحديث بحث مرجعي...
• كيف تكون إيجابيا ؟
• كيف تتعامل مع ذاتك بطريقة صحيحة؟
• كيف تقوي ذاتك؟
• كيفية تطوير الذات بطرق بسيطة
• افضل طرق لتطوير الذات وزيادة الثقة بالنفس
• اهم المهارات التي تحتاجها لتطوير الذات
• طرق تطوير الذات في مجال العمل
• اقتباسات ~ مُهرة القَصر

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[( درر )]

انا وايد عاااااااااااااانيت من الغربة ,,,

وما ارتحت الا بعد ما اقنعت ريلي بالاستقرار بالامارات ...

[اسوم القبيسي]

هلا اختي تحملي الغربه هب سهله

[dla3_nas]

الله يعيينج يا اختي ويسهل عليج

حاولي تتعرفين على عرب هناك..

حاولي تشغلين وقتج بمواهبج..وتسلي فيهم..

[حزن قلبي]

ما جربت و ما اعتقد اني بجربه.

[فديتني دلوعه]

شكرا ع الردود منو جربت تعيش في فرنسا و كيف قضت وقتها شهووووور هناك

[7anonah]

بتتعودين....
اشغلي وقتج, حاولي تنمين من عمرج.. أنا كمّلت 4 سنين في اوروبا..
حاولي تتأقلمين و بتستانسين

[rooza]

هلاا لغاليه حبيبتى الله يهون عليج غربتج...
والله حاسه فيج انا ماجربت بس أخوى بغربه وحرمته معاه بدولة غير أسلاميه وبعيده بعد ..
تمر عليها ايام تحس انها روحها بتطلع بس الغاليه تدرين حاولى تتعرفين على ربع اكيد بتحصلين وايد جاليات خليجية وأماراتيه وايد ناس أجتمعى معاهم غيرى روتين حياتج سووى جمعات مثلا

[عرقوبه]

الله يعينكم الصراحه
الغربه صعبه وااااايد

[دريمه]

انا قعدت في بريطانيا 7 شهور وقبلها في استراليا سنتين
الغربه صعبه
بس اذا استسلمت لهالاحساس ماراح تقدرين تستحملين
اشغل وقتي مع اليهال ماشالله عليهم مايخلون الواحد يرتاح .. بالاضافه لشغل البيت وطبعا ادخل النت عسب اسوي اكلات يديده منها اتسلى ومنها اتعلم ..
ركبت دش عربي وماشالله التلفزيون مايخلى دوم برامج حلوه ومسلسلات
اشغل وقتي بالنت يعني اشتركي في منتديات حلوه وبتشغل وقتج
ممكن تحفظين سور من القرآن انت ماحافظته
وطبعا نطلع لاماكن حلوه ونغير جو
اتعرفي على عرب هناك وبتتزاورون انت والحريم وبتتسلون

بالنسبه لفرنسا اخت زوجي هناك من ثلاث سنوات تقريبا وصح ملل بس الواحد شو يسوي يمشي اموره

[عود منثور]

ذكرتيني بربيعتي ميمي فديتها
عرست وسافرت ويا ريلها هناك
ماعندي حل بس اذكرتها يوم قريت موضوعج الله يسهل عليها ويقومها بالسلامه
ويهون غربتها وغربتج وغربة كل مسلم

[أم هزاع]

انا عشت في بريطانيا سنتين من 2004 إلى 2006 وكنت ارد كم اسبوع للبلاد

وعلى شهر 11 - 2008 برد مرة ثانية بريطانيا وبتم سنة كاملة ان شاء الله

بالنسبة لي اول 3 شهور كانت صعبة بس حاولت اتأقلم

اتعرفت على بنات عربيات مسلمات من كل البلدان خاصة السعودية و الكويت

واتعلمت الطبخ من النت و صرت اطبق لريلي وربعه عساس اخذ اجرهم

و في اوقات امتحانات ريلي يعني يوم يكون 24 ساعة مب فاضي

اتفق ويا البنات ونطلع رباعة السوق او الحدايق او المطاعم

و ريلي عرفني على حريم ربعة و اندمجت وياهم اكثر لأن ظروفهم مثل ظروفي

يعني يوم ريلي مشغول يعني رياييلهم مشغولين

وصرنا كل يوم في بيت وحدة والدور يمشي لين ما تعدي فترة الامتحانات

حتى مرات الرياييل يسهرون طول الليل اذا كانت المادة دسمة

وكنا نحن نسهر فبيت وحدة فينا

لدرجة انه عيالنا يرقدون فبيت هالجارة و نحن نتم نسولف و نتسلى مرات بالنت طول الليل

ومرات يدق ريل الحرمة اللي نحن عندها يقول زهبولنا اي شي ناكلة

اتخيلي مرات نطبخ مجابيس عالساعة 2 او 3 فليل جنة سحور

ومرات فطاير وسويتات و الشاي و القهوة كل شوي يطلبونه

وغالبا يوم يسهرون للدراسة تكون الشقة اللي متجمعين فيها الرياييل قريبة من الشقة اللي

متيمعات فيها الحريم

واذكر مرة كنت فبداية الحمل والرقاد بلا قياس

رقدت في بيت يارتنا لين الصبح

و الحياة حلوة وممتعة

غير الاجازات والويكند كنت ادور فالنت عن اماكن واظهرها حق ريلي و نسير نتكشت فيها

على فكرة انا يوم رديت البلاد نهائي في 2006 كنت اصيييييييييييح لأني بودر غربتي اللي اتعودت عليها

وليييييييييييين يومج اطري ذيج الايام و ان شاء الله في شهر 11 برجع في نفس المنطقة بالضبط

والله يعطنا العمر لين ما ايي هاليوم

و السموحة طولت عليج

[المزهريه]

الله يعينج و يعيني

[دلع ستايل]

احس حلوة الغربه مادري ليش بس اتمنى ادرس برع وله اعيش برع

حبيها ما بتملييين