نوم العيال

**بنوتة العين** · 2008-09-12, 16:14

مرحبا بنات

بغيت أسألكن واستفسر عن شي
اللي هو
نوم العيال اللي يروحون المدارس خاصه في المرحله الاولى الابتدائية الدنيا(أول وثاني وثالث)

شو رايكم انتن ترقد عيالكن الظهر ولا لا
وإذاا رقدو متى يدرسون ويحلون الواجبات
طبعا ما ننسى الوقت المخصص للعب

وإذا ما رقدو متى يرقدون فالليل
ومتى يحلون اللي عليهم
وهل تلحقون ولا لا

بشوف من يرقد عياله ومن لا الظهر

المزيد من آخر المواضيع من نفس القسم:

**أم عذاري** · 2008-09-13, 00:56

انا ما ارقد عيالي الظهر
عسب يرقدون من وقت فليل
يعني على الساعة ثمان خلاص رقاد
واذا رقدوا اخليهم شوي واوعيهم اذا حسيت انهم تعبانين

**الصهبا** · 2008-09-13, 01:53

كل واحد غير عن الثاني مثلا ولدي لازم يرقد لانه ما يصبر ولو قلتله اقبض الكتب سيده بتشوفينه نود ورقد هههه
وخليه ساعة ونص حوالي واقومه ويحل الواجبات وهو مصحصح والفليل لااازم اراجع ليه وعادي يرد يرقد حوالي عشر...

اما البنت ما شاااءالله عليها فيها نشاط وحيويه يووم اتي من المدرسه تلعب وبعدين تحل الواجبات والمداكره وتركد من وقت حوالي الساعه ثمان او تسع

**بنوتة العين** · 2008-09-14, 00:21

الله يخليهم يا رب
أنا ولدي كنت العام ارقده الظهر وفالليل يرقد على الساعه عشر وشي
بس هذه السنه ما صار يرقد الظهر فقلت اجرب
بس فالليل يلعوزني ما يطيع يرقد مع انه في رقاد بس ما يطيح
حاولت انه يرد يرقد الظهر ما طاع يتم متوله على اللعب وعلى اخوه فديته
قلت برايه

بس المشكله في الدراسه
ما يدرس إلا الظهر وما يصدق ايي العصر عشان يطلع يلعب غصب امسكه عشان يدرس
متعبني
الله يعيني

**موزاااانه** · 2008-09-17, 06:38

أنا بنتي بعدها صغيره بس بقولج شو كنت أسوي بخواني

يوم يردون من المدرسه يغسلون إيدهم و ريولهم وويهم و يتغدون ولا بطيحهم العصا

بعدين يرتاحون ساعه و عقبها يلا دراسه و اللي يخلص يتكل

و المغرب يلا على الحمام سبوح و لا بيصيح الكف لين ما يحمر الويه للي يقول لا (( بس محد ييسر يقول لا ))

وبعدها المرحلهما قبل الاخيره و هو العشاء و اللي ما ياكل ياويله

و أخيرا و صلنا لنهايه و هو النوم وأبدأ أدخلهم الغرفه و ألحفهم و أشغل الأبجوره و أروح عنهم بس قبل لا أروح

أقولهم جملتي المأثوره عشر دقايق و أريد أحصلكم راقدين و اللي ما يرقد ياووووووووووويله

و أرجع بعد عشر دقايق و الحمد لله الكل راقد و علاماتهم في المدرسه الحمد لله زينه

و سأكمل هذه المسيره لأبنائي إن شاء الله

و قت الدلع دلع و وقت الجد جد

**منى الحمادي** · 2008-09-17, 10:48

انا عيالي اخليهم يرقدون الظهر احيانا وعندي ولدي الكبير ما يحب يرقد لانه ما يحب يسهر فيرقد في وقت مبكر

**ام شمشم** · 2008-09-17, 11:21

الصراحه احسن وقت للمذاكره والمراجعه الظهر يعني من يردون من المدرسه وعقب الغدا والراحه نص ساعه ابد وياهم المراجعه لان بعده النشاط فيهم ما خلص بس من إيي العصر ألقاهم متمللين \نصيحه مجربه الي فيها شده لمذاكرة والمراجعه لعيالها تبدا وياهم من عقب ما يتغدون ويرتاحون لان استيعابهم اكثر من الفتره المسائيه الي تكون فيه طاقتهم خلصت
والسموحه منكم

**ossrine** · 2008-09-17, 11:32

السلام عليكم
انا ما برقدهم عشان ينامون بالليل
على الساعة ثمانية بكونوا نايمين

**بنوتة العين** · 2008-09-20, 22:27

المشاركة الأصلية كتبت بواسطة موزاااانه

أنا بنتي بعدها صغيره بس بقولج شو كنت أسوي بخواني

يوم يردون من المدرسه يغسلون إيدهم و ريولهم وويهم و يتغدون ولا بطيحهم العصا

بعدين يرتاحون ساعه و عقبها يلا دراسه و اللي يخلص يتكل

و المغرب يلا على الحمام سبوح و لا بيصيح الكف لين ما يحمر الويه للي يقول لا (( بس محد ييسر يقول لا ))

وبعدها المرحلهما قبل الاخيره و هو العشاء و اللي ما ياكل ياويله

و أخيرا و صلنا لنهايه و هو النوم وأبدأ أدخلهم الغرفه و ألحفهم و أشغل الأبجوره و أروح عنهم بس قبل لا أروح

أقولهم جملتي المأثوره عشر دقايق و أريد أحصلكم راقدين و اللي ما يرقد ياووووووووووويله

و أرجع بعد عشر دقايق و الحمد لله الكل راقد و علاماتهم في المدرسه الحمد لله زينه

و سأكمل هذه المسيره لأبنائي إن شاء الله

و قت الدلع دلع و وقت الجد جد

الله يعينهم
هههه اضحك عليج
بس المشكله عندي عيالي الصغار
يوم يخلص غدى يروح يتسبح واروح ارقد العيال مشكله ما يطيعون يرقدون قبل الساعه 3 ونصف ويوم ايي ادرسه ما يطيع يدرس بصعوبه
وما يكون عندنا وااايد وقت للعصر عشان بعد العصر على الساعه 5 يبدى يطلب انه يروح يلعب ويبدى الصياح والمناقز

**بنوتة العين** · 2008-09-20, 22:34

منى الحمادي

جربت ارقده الظهر
بس مشكلت خوانه يوم يقومون العصر يتم يلهونه عن الدراسه فاطر اطلعم برى
ويتم عينه برى يبا يطلع وما له خلق على الدراسه

أم شمشم

صدقج بالنسبه للطاقه
ما شاء الله ايي ولدي يبا يلعب ويناقز وغصب ارقده الظهر
لأني إذا في هذا اليوم ما رقدته يسويلي مناحه فليل يبا خوانه عنده
وخوانه يكونون راقدين الظهر فيسون ازعاج وما يخلونه يرقد

ossrine
مشكورة

**احلام محمد** · 2008-09-25, 02:41

انا ما ارقد عيالي الظهر
عسب يرقدون من وقت فليل
يعني على الساعة ثمان خلاص رقاد

**فطمطم** · 2008-10-01, 06:57

انا بنتي كيجي 1 وارقدها الساعه 9 ونص

اشوووفه احسن وقت .

**غــــلا عيمــان** · 2008-10-01, 09:22

الله يعينا عليهم...........

**sood_al3yoon** · 2008-10-02, 02:31

انا بصراحه اتبع مع ولدي اسلوب النوم المبكر... احسن
يرجع من المدرسه يتغسل ويتغدا بعدين يبدل ثيابه ونراجع ممع بعض شو خذ في المدرسه بعد مايخلص يلا على اللعب
من ياذن المغرب يدخل يتسبح واعشيه.. بعدها ينضف اسنانه ونقرا قصه مع بعض واحط له قران ونوم العافيه..
الصبح بسم الله عليه هوه اللي يوعيني شبعان رقاد وينتبه للي ينقاله...

الموضوع: نوم العيال

أدوات الموضوع

عرض

نوم العيال

المزيد من آخر المواضيع من نفس القسم:

المواضيع المتشابهه

مفاجاة لابو العيال و لكن غير غير ..و ممكن لام العيال و ليش لا مو هي ملكه البيت ^.^

صياح العيال

الصيف و العيال .....

حوض سباحه ,,,,,حق العيال

العيال