اساسيات

[الشيخة]

السلام عليكم ورحمة الله وبركاته


اقول وحدة منكم تتبرع وتعلمنا اساسيات الطبخ يعني الأشيا البسيطة كيف نقص الدجاج وكيف نسوي العجاين:1 (68):

المزيد من آخر المواضيع من نفس القسم:

• طريقة عمل بهارات المعمول في البيت
• طريقة عمل صوص المسخن سهل وشهي
• طريقة عمل بهارات الكاجون في البيت للدجاج...
• طريقة عمل صوص رانش لذيذ مثل المطاعم
• طريقة عمل صوص البيتزا في المنزل شهي مثل...
• طريقة عمل صوص التوت في المنزل سهل ولذيذ حصري
• طريقة عمل بهارات كاري في البيت
• طريقة عمل فشار بالجبن سريع ولذيذ
• طريقة عمل صلصة رانش بمذاق شهي
• طريقة عمل دبس الفليفلة

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[DesigneR StylisH]

فكره خاصه للي عنده باع طويل في الطبخ ..

[الشيخة]

لبش جيه محد يشارك ويعبرنا نحن محتلجين لخبرتكم

[!! بدوية !!]

السلام عليكم
انا بقولكم بعض من تجاربي ...
مثلا الملح ماينحط الا آخر شي على الاكلة اللي تحتوي لحم لانه يبطئ نضوجها ....
اذا زاد الملح في الاكل (الصالونة مثلا) قطعي بطاطا وضيفيه للاكلة عشان يمتص الملح الزايد..
عند نقص الماي في المرقه ..لاتضيفينه بارد...لازم حار عشان ماييبس اللحم والدياي...
خلي الخضرة الطريه (الكزبرة والبقدونس والشبت)لاخر شي عشان يحتفظ بفيتاميناته...
الديايه المثلجة طلعيها قبل بليله وحطيها في الثلاجة من تحت ...بجذيه تذوب وتحتفظ بفيتاميناتها....
ونفس الشي للسمج واللحم...
للمجبوس اغسلس العيش وعلى طول حطيه على الصالونة..لاتودنينه...عشان مايستوي هريس...(لين وايد)
اما إذا تبين العيش الابيض يستوي نثر ومب يابس اشخليه وهوه شبه يابس (يني بعده حب شوي) وهوه في المشخلة حطيله دهنه خنينه او زبدة او زيت واخلطيه شوي شوي ورديه الجدر وسكري عليه....
وبعد يوم بذكر شي بقولكم....

[أم الـغـالـي]

مشاء الله عليج الميانه

البطاطا في بعضهم يفورونها بخل وماي فتره بسيطه بعدين يقلونها ومنهم يحطونها بماي وملح بعدين يقلونها

[*أم اسمـــا*]

الله يسلم من الأساسيات في طبخ الأطباق غير الحلو.. البهارااااااات
شي تعلمته انه ببهارات قليلة تقدرين تسوين أكلة ولا ألذ.. يعني بكميات قليلة ربع ملعقة ولا نص
واكتشفت انه التخبيص فالبهارات يخرب الاكلة ما يعدلها..
الكركم ما ينحط فالاكل وايد لأنه يخلي الطعم مر
القرفة اذا حطيتيها ويا اللحم أو الدياي تغمق لونه.. أو على ما يقولون تخلي اللحم اسود خخخ

اذا بتفورين الدياي حطي وياه كم حبة هال ومسمار (قرنفل) عشان تخوز ريحتة
والدياي ترا بسرعة يستوي ما ياخذ وقت..
أما اللحم لازم تغسلينه زين ما زين عن الدم ونفس الشي اذا بتفورينه حطي وياه الهال والمسمار

اذا تبين الاكلة تاخذ طعم البهارات.. سكري الجدر وخليها على نار هادية
مثلا اذا حمستي البصل والثوم والزنجبيل حطي البهارات عليهم ووطي على النار وغطيهم

اممم شوبعد؟؟
اذا بتسوين العيش بالبخار.. حطيه في جدر قاعدته عريضه.. عشان العيش كله يستوي
لأنه اذا حطيتيه في جدر ياي على الطول.. العيش اللي فوق ما بيستوي بيتم يابس
وبعد شي ثاني لا تحطين العيش فالجدر الا اذا كان الماي اللي فيه يفور.. يقولون احسن

الاكل اذا بتحطينه فالفريزر طلعي الهوا عنه لانه يخربه وما يكون صالح للأكل

وان شالله الكل يستفيد

[!! بدوية !!]

رديت
دايما يوم تطبخين غطي الجدر ولا اتمين ترفعين الغطاة كل شوي ...الاكلة ماتستوي بسرعة جذيه...
يوم تبين تشوفين الملح او البهار زايد والا ناقص في الاكلة او تبين اتجربين بهار يديد خذي في المغرفة شوي وحطي واتطعمي وبعدين زيدي الملح والا البهار في نفس المغرفة وذوقي مرة ثانية وشوفي الطعم ياز لج والا لا..اذا لا ماتخسرين كل الاكله بس اللي في المغرفة

ولي عودة
الميانة

[!! بدوية !!]

اليوم يبت الكن فكرة اقصادية لزيت القلي
يوم اتحطين الزيت على التاوة عشان تقلين شي لا تخلينه يحمى لين يدخن ...سخنيه على دوبه لين يوصل للحرارة المطلوبة واتحملي يسخن لين ايدخن لان جزيئات الزيت تتفكك وتصير ضارة بالصحة والزيت ماينفع اذا احترق...
اما اذا موول مادخن واحترق طول فترة الطبخ... خليه يبرد وصفيه وصبيه في مرطبان زجاجي واستخدميه للقلي...هذا في حالة انج اتكونين قالية فيه شي بدون لحم ولا دياي ولا سمج عن يسوي ريحة في الاكل....
الزيت اللي ينقلى فيه البطاطا او الباذنجان او الكوسا او اي نوع من الخضار ..تقدرين تحتفظين به لاستعمال ثاني اذا ما دخن...وتقدرين بعد تقلين فيه اي نوع غير الخضرة ...
سلمت يداك يامولينكس ههههههه

[المخملية]

أتوقع البنات كفن وفن ........

السيخة أسألي أي سؤال فالطبخ وأنا حضره مستعدة

[شوق دبي]

... فديج الغاليه .. والله انا ما اعرف عدل

[الشيخة]

يسلموووووووو على المرور والمعلومات

[العيون الشهلة]

بصراحة مالي فالطباخ بس ريلي يحب ياكل من ايدي..ش سوي!!!!!!!!!!!!!!
ما اقدر اتفنن في الطباخ لانه ريلي مفروض وزنه يخف ما يزيد..بس ابي اطبخه شي خفيف عالغدا غير العيش يلا بنات شدوا الهمة محتاجتكم

[شيما]

البنات ماجصرن معاج السموحة

[القطوة]

تسلمييييين الغاليه ومشكوووووورة

[شهد غابش]

يعطيج الف عافيه الغاليه على المجهوووووووود الرائع,,,,,,,,,,,,