مباشرة من ميونخ ،،، عندي سؤال ،،،،،

**شمس القوايل** · 2007-01-02, 16:25

السلام عليكم ورحمة الله وبركاته

واخير قدرت ادخل النت شوي ،،،

مباشرة من ميونخ ،،، والله يعين على هذا الجو البارد ،،،

شحالكم إن شاء الله بخير ،، بصراحة اشتقتلكم واشتقت للبلاد والاهل وامي وابوي واخواني وبيتي

إن شاء الله ربي بيسر اموري هني وارد وانا مبسوطة ومخلصة العلاج بنجاح ،،،

احس طولت عليكم بس لاني مشتاقة ،،،

بغيت اعرف لاني اول مره اقعد فترة طويله في مدينة اوروبية في هذا الوقت من السنة وفي هذا الجو البارد ،،، بقوللكم عن مشكلتي ،، ومااعرف شو الحل ،، جسمي ووجهي الصراحة متقطعين من البرد والماي بصراحة جسمي صار شكله مقرف والله اني استحي من ريلي ماكان جيه في البلاد بس الجو البارد سووى بلاويه في جسمي متشقق ومبقع ومتقطع وجاف ومااعرف كيف اتصرف او شو احط كريم او اي شي على جسمي ونفس الشي وويهي ،،،

وشكلي بعدني بطول شهر تقريبا فقولولي شو اسوي ،،،

بإنتظار تعقيبكم،،،

المزيد من آخر المواضيع من نفس القسم:

**الدلع العيناوي** · 2007-01-02, 18:31

اولن يحظج مسافره وان شاءالله تردين بسلامه لأهلج وكل من يعزون عليج...

بصراحه ما عندي فكره بس لو تراجعين دكتور جلديه احسن عسب يوصفلج علاج عسب ما تتاثر بشرتج وجسمج اكثر بالبرد....بس كثري من استخدام كريمات ترطيب وحاولي تدفين لبسي ثجيل والله يعينج ع البرد....

احنا مووول مب رايمين نتحمل البرد فالبلاد عيل انتي شووو!!!......الله يعيناااااااااااااا

**احلا وحده** · 2007-01-03, 22:14

هلا اختي
ان شاء الله اتردين بالسلامه وبخير وسهاله
اولا عليج بكريمات الحمايه يوم بتطلعين وبعدين خلي بشرتج دوم رطبه حطي طبقة فازلين او جلوسليد الاحمر عندهم في المانيا موجود وبعد نوعيته احسن عن اللي عندنا على فكره حتى في الفندق حطي مرطب لانه الدفايات بعد اتأثر على البشره وما تشوفين شر ان شاء الله

**جرناس** · 2007-01-03, 22:43

هلا أختي
الله يرجعج بالسلامه أنشاء الله، عليج بالكريمات حبيبتي ع قد ما تقدرين ،الفازلين واااايد زين كثري منه على جسمج عشان تخف التشققات.

وألف سلامه إنشاء الله.

**bent_dxb** · 2007-01-04, 03:48

سيري الصيدله في صيدليه بعد اسمها dm موجوده في كل مكان حتى في الاندر قراوند بتحصلينها ساليهم عن الكريم وبخبروونج وفي الصيف كنت في ميونخ 3 شهور مامليت منها والله بلاد حلوه بس بلادي احلى

**!!قلب طفل!!** · 2007-01-04, 04:10

هلا الغاليه ،، ترجعين بالسلامه ان شاءالله

الصرااااحه ماعرف ،، بس أحسن شي ،، أدهنين جسمج على طوووول ،، يعني أدهني بزيت الاطفال ،، و لا زيت اللوز ،، واااااااااااايد يمدحونه للبشره ،،
و أحس إذا رطبتي جسمج على طووول ،، و خاصه إذا كان الزيت شوي دااافي ،، بيخف ان شاءالله الجفاف و التشقق
و الله يردج للبلاد بالسلااااااامه ان شاءالله

**الاترجة** · 2007-01-05, 17:31

الله يرجعكم بالسلامة ان شاء الله .............. وعليج بالفازلين

**بنت بوظبي** · 2007-01-05, 19:06

الله يعينكم على هالبرد الصراحة نحن في الامارات مب متحملين البرد كيف عيل انتو هناك خاصة عاد ميونخ مملة وكئيبة في الشتاء انا كنت هناك شهر 11 وطفرت برد وكآبه
الغالية اللي استوالج من الجفاف بسبب برد على طول رطبي ويهج بالكريمات واذا انتي تستخدمين كريم نهار حطيه كل يوم واذا لا سيري الصيدلية وخبري اللي تشتغل هناك عن مشكلتج وان شاءالله بتوصفلج كريم زين لانه المانيا معروفه كريماتهم اوكي والله يردكم بالسلامة

**شمس القوايل** · 2007-01-06, 14:43

مشكورين خواتي وماقصرتوا خذت كريمات وبجربهم وإن شاء الله تترطب بشرتي ويروح الجفاف وصدق لو بلادهم حلوة بس الوطن ماله مثيل ،،،،

**شوق دبي** · 2007-01-12, 00:59

سييييري جمعيه دي ام !!!!! وخذي زيت لوز ودهني كل جسمج حتي ويهج !!

**رماسه** · 2007-01-12, 22:43

فديتج يا شمس القوايل توني انتبهت لموضوعج ان شاءالله تردين سالمه لنا يالغاليه
وماشاءالله البنات ماقصروا والفازلين الجديد يمدحونه ما عرف اسمه

والله يعينكم على البرد

**روح الوداع** · 2007-01-14, 18:40

هلا الغاليه ،، ترجعين بالسلامه ان شاءالله

الموضوع: مباشرة من ميونخ ،،، عندي سؤال ،،،،،

أدوات الموضوع

عرض

مباشرة من ميونخ ،،، عندي سؤال ،،،،،

المزيد من آخر المواضيع من نفس القسم:

المواضيع المتشابهه

خبيرات المانيا عندي استفسار بخصوص ميونخ !!

اهل ميونخ ممكن سؤال

سؤال عن ألمانيا ( ميونخ ) والنمسا ( زلمسي )

سؤال عن فندق يورو ستار في ميونخ

سؤال عن اسواق ميونخ