ممنوع الزواج من مطلقة؟

[دلوعه فزاع]

بنات انا مطلقه ومالي ذنب في طلاقي لان زوجي كان يخوني مع روسيات وغيره وماكان يصرف علي شرات باجي الرياييل اوكي في واحد يحبني موت واحس انه هو اللي بيسعدني بس المشكله امه وخواته رافضين الزواج لاني مطلقة وعيب واحد ماسبق له الزواج يتزوج مطلقة وعلى فكره نحن بنفس العمر ليش المطلقات مظلومات لاوم نوضح للمجتمع ان المطلقه والزوجه والبنت والعانس كلنا سوا.
انتو شو رايكم بالمطلقات خلونا نكون صريحين ليش الحريم يخافوا من المطلقات ؟ليش الام ماترضى تزوج ولدها لمطلقة؟ حد يجاوبني وياريت جواب مقنع!!!!!!!!!!!!!!!!!!

لاني صعب اقتنع بسهوله

المزيد من آخر المواضيع من نفس القسم:

• اهم النصائح التى تساعد المطلقة على إعادة...
• نصائح هامه للفتيات المتاخرات عن الزواج
• نصائح للمرأة المطلقة لتبدأ حياتها من جديد
• رسالة هامة إلى حاملة لقب مطلقة
• اهم نصائح لحل مشكلة المتأخرات عن الزواج
• نصائح هامة لكل مطلقة كوني منطلقة لا مقيدة
• الزواج الثاني للمطلقة وطرق التعامل معه
• اجمل دعاء لتيسير الزواج
• نصائح ذهبية لكل متأخرة فى الزواج
• هل يمكن البدء من جديد بعد الطلاق

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[قايده الغزلان]

نظرة المجتمع للمطلقة نظرة غريبة فعلا

مب دايما الخطا من المطلقة احيانا العيب من الريال

الغالية بالنسبة للي اشوفه.. وايد اعرف مطلقات بعد طلاقهن تزوجن وارتاحن

خلي نظرتج للحياة متفائلة وباين عليج بعدج صغيرة والحياة قدامج

واذا هذا الريال من نصيبج الله يكتب لج اللي فيه الخير وياه

[نــــوره]

المطلقة مالها ذنب

خصوصاً انج ذكرتي انه العيب فيه

مادري متى الناس بتصحى

و اختي عليج بالدعاء و الاستغفار

بإذن الواحد الأحد بيتحقق الي في بالج

[وردة الجاردينيا]

شو تسوين فتخلف بعض العرب

ممكن هالمطلقة تسعده اكثر من البنت

[نورا1]

هذا ثالث موشوع اقراه لج عن طلاقج
كل شوي تحطين موضوع غريبه انتى

[big_heart]

وايد اعرف مطلقات بعد طلاقهن تزوجن وارتاحن

[لحظات عابرة]

المجتمع ظااااااااااااااااالم دايم المطلقة هي المذنبة
حتى لو الريال فيه عيوب الدنيا كلها بيتم ريال وما فيه عيب
وتتحمل المطلقة الذنب كانها وحدة فيها جرب او مصابة بمرض خبيث معدي
والمصيبة الثانية المطلق يوم يتزوج يروح يدور له بنت مب متزوجة زين يا اخي خذلك مطلقة شو ذنبهن يالسات في بيوت اهاليهن اللي مب متزوج يبي مب متزوجة وانت مطلق وتبي بنت والارمل يبي بنت..والمطلقات منو بيراف بحالهن منو بياخذهن..طبعا هذا الكلام ما يعم كل الرييايل.
والله يرزق كل بنات المسلمين بالزوج الصالح

[shaikha75]

هاي نظرة المتخلفين من الناس شو يعني مطلقه يمكن اتكون ابرك من البنت اللي بياخذها ,لاتعورين راسج بالتفاهات ولاتلومين امه لأن كل أم تتمنى لولدها ياخذ بكر يعني وكاله عرفتي الفرق بس هو هذا ,وهي بتوافق إذا تم مصر ياخذج ولا ياخذ غيرج كم بتعاند مردها بتعيز وتوافق . الله يوفقج وتتعوضين عوض خير

[×أم حمدآن×]

بالعكس والله .. دامها مطلقة شيء طيب


ع الاقل بتكون عارفة وفاهمة اكثر


وبتكون علاقتها الزوجية في الزوج الي يباخذها افضل


لانها اكيد استفادت من تجربتها في الطلاق


ويوم انها بتتزوج راح تكون اكثر تعقلا في حل مشكلاتها


وبعدين انا ماشوف فيها شيء .. مطلقة ؟؟ وشوه يعني .. الله ماكتب لها تعيش العمر كله ويا الانسان الي خذته


وبعدين في اغلب عند البعض اذا بوافقون يالله يالله ولازم يعرفون شوه سبب الطلاق


وهالشي اصلا مايعينلهم ؟؟


والله ختيه الله يوفقج ياربي في هالانسان وياربي يجمعكم جريب بالحلال ان شاءالله


ولازم هوه يفهم هله .. مايتم طمة


وعقبل مانسمع خير زوآجج قريب ^_*

[أم سيفوه]

حياتي عيشى حياتج وماعليج من الناس وكل شىء نصيب ,,اذا ماخذتي نصيبج في الدنيا ان شاءاالله بالاخره يارب ,,وبعدين انتي بعدج صغنونه عليج بدراستج وشغلج خليها اولي اهتماماتج اما عن الزواج ان شاءاالله بيلج النصيب وبعدين ماعليج من حد المطلقه موب شرات قبل المطلقه لها حقوق اكثر ,,,وتغيرت نظره المجتمع والناس ,,,الا اذا في ناس متحجرين

[mazyo0na]

نظرة المجتمع تغيرت عن اول ... صح بعض الناس بعدهم يشوفون المطلقه بشوفه غريبه

انا اعرف وحده تمت ويا ريلها 3 شهور وطلبت الطلاق ليش لانها ما تحبه لا اكثر ولا اقل ... ومالمسها يعني بعدها بنت .. وتزوجت ريال ما سبق له الزواج واهله هم اللي خطبوووله البنت يعني هوو ما يعرفها هم اللي دوروله وهوو وافق لانها بنت ... والحين عايشه وياه احلى عييييشه واهله ايد طيبين معااااهااا وعمرهم ما عقوا عليها رمسه ولا شي

اتفائلي بالخير ... نظرة المجتمع تغيرت واااااااااايد عن اول وبعدهم في ناس الله يهديهم

واذا هذا ما أخذج بياخذج اللي احسن عنه .... ولا تحطين هالافكار في راسج

[الحلــوه]

يعني ماعرف المجتمع ليش لين الحين ينظر للمرأه المطلقه انها..(عار على عيالهم او اخوانهم)

بالعكس اختي لا تزعلين ولاتضايقين والله يرزقج بالزوج الصالح

[shawwagah]

مالج ذنب يا ختيه

عليج بربج ،، الحين رمضان وصلي القيام كل ليلة واطلبي ربي يسهل زواجج بهالانسان

مافيها شي دامه يبيج بالحلال

ربي يوفقج ياختي ويسهل اموركم

[عالية الغالية]

في اول شهر 8 سرت عرس واحد متزوج مطلقة وهو ما قط عرس قبل

بس شو عرس خباااااااااااااااااااااااااال


الكل فرحان الام والاخوات

وكان مسوي ليلة حنا وربشششششششششششششششششششششة




الام اللي تبغي سعادة ولدها ما بتهمها اذا كانت البنت مطلقة والا بجر



الله يهديهن



انا اخوي يحب وحدة مطلقة ونحن رضينا بالامر الواقع لكن المطلقة ما تباه مع انه شال ولدهاشل


في كل مكان معاه مب جنه ولد الحرمة تقولين ولده


والله انه مايسوي جذه في عيالنا انا واختي

[كيوت ومن]

الله يرزقكم ان شاءالله