أسواق الكويت

**دلوعة 2005** · 2008-09-06, 21:04

بنات المنتدى الغاليات أنا بسافر الكويت ثاني يوم العيد بس ما أعرف وايد أماكن أبي منكم أدلوني على الاسواق والمحلات الزينه الي تبيع جلابيات حلوه تنفع للبيت و الطلعات وبعد أبي شغلات الكويتيين الحلوه ياريت محد يبخل علي بالردود

المزيد من آخر المواضيع من نفس القسم:

**دلوعة 2005** · 2008-09-06, 22:18

الله يسامحكم ولا رد ليش وينكم يابنات

**بطاقه** · 2008-09-06, 22:45

عندهم مجمع الكوت
وسوق شرق
والبستان
والافنيوز اكبرمجمع تجاري في الكويت

ورحله سعيده ولا تنسين الصوغات

**مــــيره دبــي** · 2008-09-06, 23:03

تم نقل الموضوع..

ورحله موفقه وسعيده

**طيبة الكويتية** · 2008-09-10, 02:19

سلام عليج اختي
الله يسلمج مجمعات الكويت وايد ماشاءالله. اذا تبين الدراريع و اسعارهم زينه, روحي الفروانيه. و السموحه منج ما اعرف اسامي المجمعات هناك. كل اللي اذكرهم الحمرا مول و العربيد
و عندج بعد مجمع النقره الجنوبي لما تدخلين من الباب الوراني عند مواقف السيارات في محل اول ما تدخلين يكون على يسارج عنده دراريع حلوه و اسعارها مناسبه.
و بنفس المجمع فيه بعد محلين على اليمين لما تدخلين من نفس الباب راح يكونون على اليمين. عندهم قمصان نوم و بجايم و دراريه للحريم.
المجمعات الباجي عندج, الرايه, سوق شرق. الفنار. مجمع زهره. الأفينيوز, العوضي. الصالحية, برج السحاب. و آخر ثلاث مجمعات للماركات.
عندج مجمع بيروت في حولي بعد عندهم مكان اسمه فاشن مل عندهم ملابس للأطفال و الكبار. الملابس للبيت طبعا و عن جد رخيصه والله يا اختي. انصحج فيه.
مو متذكره بعد شنو فيه, اذا عندج اي سؤال انا حاضرة و بالخدمه. طرشي لي على الخاص علشان ارد عليج اكيد.
و حياج بالكويت. و متى ما رحتي سلمي على الأهل و حبي لي الكويت.

**شوق _ زايد** · 2008-09-10, 02:52

للرفع

**غلا عيني** · 2008-09-12, 00:48

من سيراتي للكويت واللي اسمعه من اللي يسيرون الكويت الاتي

سوق المباركية سوق شعبي ( اكثر من سوق )حلو التمشي فيه وفي الاخر وجبة عشاء على كيف كيفج
السناتر _ ستي سنتر ( المعلم ) كويت ماجيك النقرة الجنوبي والنقرة الشمالي هذا اذا كنتي تريدين شغلات كويتية اسكارفات بلايز طويله العربيد للدراعات واسعارهم حلوه وعندج مركز الجوهره وفيشن ميل اغراض مختلغة واسعارهم حلوه مثل رامز واسواق الامارات وهناك العديد من السناتر كما ذكر سابقا
انصحج بمطاعمهم حلوه وايد منها ميس الغانم فريج صويلح مغل محل الصفدي وغيرها الكثير ولا تنسين مطعم الابراج وعندهم وجبة الافطار للنساء فقط وزوري المركز العلمي

هذا اللي اعرفه والسموحه على القصور

دمت بود

**ديور** · 2008-09-12, 02:24

ررررررررررفع

**ريشة** · 2008-09-12, 02:34

أي والله رفع ومثل أسواق الكويت ما شفت ولا بشوف بدول الخليج كلها ....

***ملايين*** · 2008-09-13, 10:28

الكوت وكويت ماجيك والمشر والافنيوز وشرق ومارينا والرايه والبحر سنتر واسواق الفروانيه والمباركه سوق شعبي يونس وعندج المهلب ومجمع بيروت ومري على معارض الحريم شغل كويتيات يعني في بيت شرق وبدره وبيت ديفا وعندج فيلا مودا شي راقي واذا تبين اي شي انا حاضره وحياج الله

***ملايين*** · 2008-09-13, 10:29

الكوت وكويت ماجيك والمنشر والافنيوز وشرق ومارينا والرايه والبحر سنتر واسواق الفروانيه والمباركه سوق شعبي يونس وعندج المهلب ومجمع بيروت ومري على معارض الحريم شغل كويتيات يعني في بيت شرق وبدره وبيت ديفا وعندج فيلا مودا شي راقي واذا تبين اي شي انا حاضره وحياج الله

**بنت الاحمدي** · 2008-09-15, 03:54

السموحه يالغلا ماعرف والله
بس حبيت اشارك

**الامل المفقود** · 2008-09-15, 05:01

مرااااااااحب...الغاليه ان شااااااء الله بتستانسين فالكويت لأنها واااااااااااايد روعه وأهلها نااااس طيبين ..أنا 3 مرات سااااافرت الكويت وان شاء الله بروح بعد العيد..اذا تبين بطرشلج أسماء المجمعات عالخاص لاني امسجله كل شي بورقه وباجر بدور عليها بس اللي أذكره مجمع الاوقاف فيه محلااات وايد واسعارهم مب وايد غاليه ...الكويت ماجيك عندهم محل ايبيع جلابيات وايد حلوه وفساتين بعد

الموضوع: أسواق الكويت

أدوات الموضوع

عرض