ذبحتونا ياللي توصلن؟؟؟؟

[نفرات]

السلام عليكم ورحمه الله وبركاته

بصراحه هذي مب حاله شو سالفه اللي يوصلن البنات للجامعه...؟والله نحن مانشتغل كل ما اتصل على وحده ذبحتني بسعرها...الحمد لله الحاله الماديه زيه بس مب انهم يستغلون...يعني بالله وحده معاي بنفس المنطقه ومن منطقتنا لحد الجامعه فرة حصى ماياخذ 10 دقايق كانت تاخذ 380 كل يوم توصلني وترجعني...الاسبوع اللي طاف دقيت لها قالت بتاخذ 600؟؟؟؟؟؟؟

والثانيه قالت بحسب لج كل يوم روحه ورده بـ 15 درهم يوم حسبتها طلع لي 360 بس هي قالت لي تبا 500؟؟؟؟
ليش طيب شو انا مب راكبه جاكوار؟؟؟

وكلهم من نفس منطقتي وقريبه للجامعه يعي مابيكلف هالسعر
بتقولون يمكن حالتهم الماديه مب لين هناك...لا انا اللي تعاملت وياهن صراحه ماشاء الله حالتهم زينه ويبين من سوالفهم لي

ولو حسبنا كل يوم روحه ورده بـ 15 درهم فالشهر على 4 اريام بيطلع المجموع 360؟ شو هالنصب ليش هالاستغلال والله الواحد جدوله معتفس فوق تحت ومضطر انه يلاقي حد يوصله...الباص ايي الصبح بس وانا دوم مختبص حرام عليهم والله يستغلونا
اعرف ان البترول مرتفع بس مب انهن يرفعن الاسعار لهالدرجه وفوق هذا هن ماشاء الله يوصلن بنات وايد يعني منا ولا منا يكسبن ليش يعني تستغلونا ...خفو علينا ذبحتوونا والله

شو رايكم؟؟؟

المزيد من آخر المواضيع من نفس القسم:

• مندوب يختلس 800 ألف درهم من شركته
• والد طفلة يتهم مستشفى بارتكاب خطأ طبي عند...
• إلزام مطلقة برد 187 ألف درهم لطليقها
• التمييز في دبي تقر أحقية الدائن بالورقة...
• إطلاق ساعد لتخطيط الحوادث البسيطة برأس الخيمة
• الحبس والإبعاد لآسيوي اختلس 49 ألف درهم من...
• حكم بأحقية امرأة في أداء شيك حرره زوجها...
• محاكمة 3 آسيويين بتهمة ترويج المخدرات...
• يقتل صديقه تحت تأثير المشروبات الكحولية
• 100 ألف درهم تعويضا لعامل أصيب بحادث سير