ابغي اسوي تلقيح صناعي دلوني على دكتورة شاطرة

**هيااام** · 2006-12-29, 12:54

هلا وغلا
تعبت وانا انتظر الحمل مر على زواجي سنتين ونص وما حملت والحين قررت اسوي تلقيح صناعي ارجوووكم دلوني على دكتورة شاطرة في الشارقة والسعر التقريبي كم؟؟؟ انتظركم

المزيد من آخر المواضيع من نفس القسم:

**وغلاة قلبي** · 2006-12-29, 13:42

مرحبا اختي

انا سامعه عن مستشفى بدبي يسويها .. لان اعرف جماعه صارلهم 17 سنه ماعندهم عيال وسوا عنده والحمد لله نجحوا ..

بسأل وبرد عليج

**feelingsSilent** · 2006-12-29, 18:30

مرحبا الغلا
من راي لا تستعيليين سيري اول سوي فحوصات لج ولريلج يمكن يكون في احد منك مانع عشان جي ما حملتي وبعدين فكري بالتلقيح

**دانــة** · 2006-12-29, 22:57

أذا انتي من موماطني الدولة أختي
ليش ما تروحين مستشفى توام في العين وااايد يمدحونه بصراحة

صدقها الاخت وفوية مشتشفى التوام وايد يمدحوونه ووحدة أعرفها تعالجت عندهم والحمدلله عندها ولد ألحين الله يخليه لها..والله يرزقج الذريه الصالحة...

**rosy** · 2006-12-29, 23:11

أنا انصحج ما تروحين مستشفى توام للأن في وحده من أهلي سولها منظار للرحم وظل فيها نزيف وشيكو 3 مرات وآخر مرة اكتشفوا إن هم أثناء المنظار خابقين المثانه مكانين بدون قصد ففتحوا بطنها وسولها عملية خياطة للمثانه وحليلها من الخوف تمت فيها حمى لمدة أسبوع تغمض جنها وحده مربي بقيصري

**سحايب الخير** · 2006-12-30, 22:49

في دكتور في الشارجة ... وايد شاطر ...
كان موجود في مستشفلى دبي الدولي ...
بس كأنه صار بينهم وبينهم خلاف ...
وطلع عنهم ...
اخت ريلي مسويه عنده قريب ... وحملت ...
كانت مسويه عند حسنية بس ما نجح ...

اسم الدكتور بنكاش ... اذا حبيتي عندي رقم العيادة ...

**هيااام** · 2007-01-01, 17:41

شكرا لكل من ردت علي انا ابي دكتورة في الشارقة

**هيااام** · 2007-01-02, 11:35

افيدوني جازاكم الله خير

**فساتين عرايس** · 2007-01-02, 11:45

اخت ربيعتي من الشارجه ... تعالج في توااااااااااااااااااااااام

**امل عمري2006** · 2007-01-02, 22:02

الدكتور بنكااش في عيادة كونسفت بالشارقه واايد فنان ثلاث من ربعي تعالجوا معاه والله رزقهم ...

وانا احين اتعالج ويااه والله يرزقنا جميعا ان شاااء الله

**بروووحي** · 2007-01-02, 22:32

الدكتورة جوان العراقية في الشارجه يمدحونها واايد .. وماشاء الله .. شااطره ..
وربيعتي سوت عندها .. أعتقد العملية بعشرة آلاف من غير الابر والفحوصات ,,
بس جد زينه وكل إلي يراجع عندها يمدحها ... وهي مجرد موظفه في هالعياده والعياده في الأساس تابعه لمركز براا .. أعتقد ألمانياا ..

**ساحرة العيون** · 2007-01-02, 22:48

ممكن اعرف كيف اسعار الدكتور بنكاش

**امل عمري2006** · 2007-01-02, 22:57

اول شئ فتح الملف 400 درهم ...

قبل العلاج لازم تسووين تحاليل بس ما يسوونهاا عندهم تسوينهااا بمختبر بدبي

وبعدين حسب الحاله يااخذ ..

بس اناا سألته عن الحقن المجهري يقول ب16 ألف من غير الابر والادويه ...

يعني كامل بواحد وعشرين ألف ,,,

واذا اي استفساار انا بالخدمه

**قلب طفلـــه** · 2007-01-03, 00:36

فيه دكتوره في الشارجه اسمها أوراس عراقيه وايد يمدحووووووونها وعيادتها دووووم زحممممه ومرت أخوي متعالجه عندها وحملت مرتين لأنها ماتحمل بدون علاج ...

اذا تبين رقمها بطرشه لج بالخاص

وعيادتها في بنايه مجابل مركز الذهب البنايه اللي فيها صيدلية مسافي ...

**مــــيره دبــي** · 2007-01-03, 10:37

ماشاء الله البنات وااافوج بالتجاارب والخبره..

وعسى الله يرزقنا وأياااكم بالذريه الصالحه..

الموضوع: ابغي اسوي تلقيح صناعي دلوني على دكتورة شاطرة

أدوات الموضوع

عرض

ابغي اسوي تلقيح صناعي دلوني على دكتورة شاطرة

المزيد من آخر المواضيع من نفس القسم:

المواضيع المتشابهه

تجــمع للمقبلين على تلقيح صناعي + للي سوو تلقيح صناعي فقط

ابغي اسوي تلقيح صناعي رجاء اللي عندها فكره اترد علي..

دلوني على دكتورة شاطرة

ابغي احمل :( تلقيح صناعي

من تعرف دكتورة نسائية شاطرة بالورام في بوظبي أو دبي .. دلوني