انا وبنت عمي

[dxb_lawyer]

السلام عليكم ورحمة الله وبركاته

شحالكم بنات ؟؟

ما بطول عليكم بس هاي السالفه تعبتني وايد

بنت عمي اصغر عني بسنتين .. كنت وياها اكثر من الاخت .. كل اسراري تعرفها وكل اسرارها عندي .. 24 ساعه مع بعض ..

انصدمت منها يوم اختي الكبيره يايه تقولي عن موضوع محد يعرفه غيري انا وبنت عمري وانا متأكده .. حسيت اني انطعنت من وراء ..

من يومها ما تكلمني ولا انا ما اكلمها مع انها هي الغلطانه ..

انا واايد مضايجه خلتني افقد الثقه فالناس ومضايجه لانها بعد مب ويايه ..

وهي ما حاولت انها تكلمني او تعتذر ..

قولولي شو اسوي !! انا محتاره

والسموحه ^^

المزيد من آخر المواضيع من نفس القسم:

• لأنّه جعل الفقير ييعش مع المؤمنين لا مع...
• الإكتئاب طاعون العصر الحديث بحث مرجعي...
• كيف تكون إيجابيا ؟
• كيف تتعامل مع ذاتك بطريقة صحيحة؟
• كيف تقوي ذاتك؟
• كيفية تطوير الذات بطرق بسيطة
• افضل طرق لتطوير الذات وزيادة الثقة بالنفس
• اهم المهارات التي تحتاجها لتطوير الذات
• طرق تطوير الذات في مجال العمل
• اقتباسات ~ مُهرة القَصر

[مس UAE]

شو يعني هيه الي نشرت سر من اسرارج ..؟

انزين انتي سمعتي منهـــا اسبابهـا ...

عطيها مجال ...اتصلي لها ...كلميها اسئليها ليش سوت جذي ...

وش دراج يمكن اختج سامعه الموضوع من شخص ثاني ...

[حزينه مره]

صح مايستوي تسكتين وخلاص وكل واحد ف درب

وبعدين نحن شهر فضيل مايصح انج تزعلين خذيها مني
اساليها وحاولي اتكونين هاديه وياها..

والله يكتبلج اللي فيه الخير ..

[Hno0odah]

الغاليه لازم اتناقشين الموضوع معاها

هب خلاص طعنتني وسكتي وما قمت اترمسينها

لازم اترمسينها واتعرفين شو اللي خلاها اتخبر اختج

والله يصلح من بينكم انشاء الله

[x REEM x]

(( المواجهه أفضل ،،، لا تخلين الشكوك تلعببكم))

[جوري وعناب]

كلميها واجهيها ..اعرفي اسبابها وليش قالت يمكن اختج ظغطت عليها ..او جافت انه في مصلحتج تقول هالشي

بس ما يصير انتي وهي تسكتون ..وتزعلون والدم واحد

[بنت المها]

مثل ما قالوا الخوات واجهيها واسمعي منها يمكن عندها سبب وعذر
وحاولي مرة ثانية تخلين اسرارج في صدرك

[.Um Hamad]

اسمعي اسبابها...

ودعيها تتحدث دون ان تقاطعيها

وبعدها لكِ القرار

اما ان تعودي لها كما كنتما

او

تعودي لها بعلاقه مقننة

بمعنى

اسراركِ لكِ وحدكِ لا احد يطلع عليها

هكذا تطمئنين اكثر


اما ان تقطعي علاقتكِ بها فهذا لايجوز

[...(مريّة)...]

عادي يا أختي ليش تتضايقين . . مب شي
يضايق . . يمكن هي أصلا خافت تكلمج عن
هالموضوع لأن عارفتنج ممكن تتضايقين منه ،
وبعدين حبوبة مهما كنتوا ويا بعض . . مب لازم
تقول لج كل شي وانتي تقولين لها كل شي . .
كل وحدة لازم يكون لها مساحة خاصة فيها بروحها
محد يعرفها أو يتدخل فيها

[dxb_lawyer]

تسلمون عالمرور الطيب ,,

انا حاولت اكلمها بس هي تتهرب

[حزن قلبي]

صالحيها بس بعدين لا تطريلها شي مولية عشان ما تنقرصين مرة ثانية.

[شما المحيربي]

الله يوفقج اختي الغالية – وعسى الله يرزقج من اوسع أبوابه ^_^

[Class Lady]

واجهيها و سمعي كلامها و بعدين احكمي عليها

[غلآهم]

أنا بعد اقول ..

يمكن اختج سمعت من اخت ثاااني ؟؟ لآتنسين ان بعض الظن اثم ..

واذا انتي متأكده انها هي .. واجهيها بهداوه .. عرفيها ليش سوت جيه ؟

ووش الاسباب اللي خلتها تقول لأختج ..

ولآتنسين شي واحد .. انكم بنات عم من لحم ودم ..

وهالحين رمضااان بعد .. والله يهديكم ان شاء الله ويخليكم لبعض ..

[جنيبية بهواها]

الله المستعان