حركات خطيره للعرس

**ضحكة قلب** · 2006-12-28, 06:19

السلام عليكم خواتي
عرس أخوي فشهر 3 وكلكن حياكن الله بغيت أطلب طلب وياليت لو تساعدوني
فخاطري أسوي حق أخوي مفاجآت يوم عرسه ممكن تخبروني عن محلات أفكارها حلوه مثل عروض ومفاجآت يعني أماكن متخصصه فهالأشياء وجزاكن الله خير

المزيد من آخر المواضيع من نفس القسم:

**العمر** · 2006-12-28, 08:27

الغاليه اسمحيلي ما عندي فكره ان شاء الله البنات يساعدنج

العمر

**نوف الثريا** · 2006-12-28, 10:42

بالبركه عليكم مقدما ..بالنسبه للمحلات ماعرف في دبي ..بس انا عندي كم فكره مسوينها في عرس اخويه محد سواها قبل وهي انه خذنا له صوره من صور الملجه (او تقدرين تاخذين صوره فينه حلوه من عنده بس بدون ما يدري ) وتودينها يكبرونها لج وااااااااااااايد على كبر مدخل قاعة الحريم وتطبعينها على جلدويكتب عليها اسمه او بدون اسم عادي بس عشان ما يصير لبس مثل ما استوى في عرس اخويه الحريم يتحرنها صوره الشيخ راشد بن حميد لكثر الشبه لي بينهم وتعلق عند المدخل من فوق وتثبت بخشب حتى تحت وتزين الاطراف بورود نحن كلفتنا الصراحه تقريبا 800درهم بس..وان شاء الله البنات يقدرون يفيدونج اكثر..لج تحياتي^_^

**ضحكة قلب** · 2006-12-28, 12:39

مشكوره أختي انزين وين سويتي هالفكره عند أي محل؟
وبغيت أفكار أكثر في داخل القاعه حركات مفاجآت

**الدلووعة** · 2006-12-31, 00:48

ممممم
افيدووناا

**شوق دبي** · 2007-01-02, 14:25

امممممممممم بفكره ابحركه

**الدبلوماسيه** · 2007-01-02, 15:40

في ناس مسوين حركه حلوه ما شفتها بس سمعت عنها وهي جديمه لكن مش منتشره وايد وهي عباره عن تجميع صور العروس من يوم هي صغيره لين ما تكبر ويتضمن صور المدرسه ومع الاهل والاصدقاء والتخرج الى صور الخطوبه او الملجه وينعرض على شاشه كبيره

**ضحكة قلب** · 2007-01-03, 12:06

مشكوره أختي وايد بس هالحركه أنا سويتها يوم عرسي
اتعرفون أنا قصدي عن المحلات اللي تسوي عروض وحركات في العرس مثلا رقص باليه بس هذي جديمه حد سوا ألعاب ناريه حد سوا عروض الألعاب خفه يعني من هالحركات بس بطريقه ثانيه وأفكار يديده

**مهره المنصوري 2** · 2007-01-05, 09:02

المشاركة الأصلية كتبت بواسطة ضحكة قلب

مشكوره أختي وايد بس هالحركه أنا سويتها يوم عرسي
اتعرفون أنا قصدي عن المحلات اللي تسوي عروض وحركات في العرس مثلا رقص باليه بس هذي جديمه حد سوا ألعاب ناريه حد سوا عروض الألعاب خفه يعني من هالحركات بس بطريقه ثانيه وأفكار يديده

هلا ضحكه قلب

غناتي انا سويت حق عرس اخوي هديه زفات شعريه عند غانم وهو معروف وااااااااااايد اللي في الشارجه بس كيف
يعني

الزفه الاولي الترحيب بالمعازيم
الزفه الثانيه الترحيب باهل المعرس والعروس (فكان رهيب مدخل اسم القبايل في القصيده بشكل يجنن)
الزفه الثالثه مدح العروس
الزفه الرابعه مدح المعرس
الزفه الخامسه كانت الخاتمه وهيه عباره عن التوفيق للعروسين

طبعاااااااااا غانم معروف وايد في الزفات الشعريه وكانت فكرتي وعيبته الفكره وااااااااااايد وقال اول مره حد يسوي هل الحركه .. طبعاااا الزفات الشعريه كانت عباره عن 4 دقايق بس وكلفني 3000 درهم

**مهره المنصوري 2** · 2007-01-05, 09:03

غناتي دايما خذي جريده الخليج في اخر الصفحات (يمكن الاقتصاديه) بتحصلين مثل هل المحلات ( العاب ناريه - عارضات للرقص - وغيره انا كنت جذي اسوي )

**ضحكة قلب** · 2007-01-05, 12:40

فديتكن والله مشكورات وايد وماقصرتن

**UmSawaf** · 2007-01-05, 13:24

عندج الاخت شوووق المها تنظم حفلات اعراس

**اسيه** · 2007-01-05, 14:37

ما عندج غير اتيبين دلوعه دبي و شوفي كيف عرسكم بيتجول الي ربشه هذا وايد فنانه اول شي تيبب و ترحب بالناس عند الاستقبال و عقب ترقص على اغنيه الدلوعه رقصها روعه و اييبونها في اعراس الشيوخ في بوظبي و اذا بغيتي راسليني و بعطيج رقمها

**ضحكة قلب** · 2007-01-06, 07:12

انزين دلوعة دبي كم تآخذ وبغيت الرقم

**اسيه** · 2007-01-06, 15:21

تاخذ 2300 درهم و اذا تبين رقمها راسليني عالخاص

الموضوع: حركات خطيره للعرس

أدوات الموضوع

عرض

حركات خطيره للعرس

المزيد من آخر المواضيع من نفس القسم:

المواضيع المتشابهه

==حركات وافكار للعرس من سيدات الامارات==

حركات للعرس

حركات للعرس

حركات للعرس ؟؟؟؟؟؟؟؟؟؟؟؟؟؟

حركات للعرس