حبوب ياسمين لمنع الحمل ................

[منصوريه كوول]

السلام عليكم ورحمة الله وبركاته ..

بناات حاابه اسئل عن حبووب ياسمين لمنع الحمل ...انا اليوم ثالث يوم استخدمهاا ..

واليوم قلت يا الله خلني اقرى عنهاا ..والله قريت قصه وحده من منتدى ثااني وتروعت منهاااا ..

بناات انا حاابه استخدمهاا سنتين وعلى الكلام الي قريته وااااايد متروعه وبعد متروعه اني الحين افكهاا اقوم احمل ..

شوووووووو الحل .........


دخييييييييييلكم بنااات الي تستخدمهاا تقول لي وتفيدني ...

المزيد من آخر المواضيع من نفس القسم:

• أسباب آلام الركبة بعد الولادة وكيفية علاجه
• ماهو الطلق البارد والطلق الحقيقي والفرق...
• اهم أسباب التهاب الجيوب الأنفية أثناء الحمل...
• افضل طرق الاستعداد لفترة النفاس
• اهم فوائد الحليب للمرأة الحامل
• افضل عشرة طرق طبيبعه لتسريع الولاده خاص...
• اهم نصائح للحامل البكر في الشهور الأولى
• اهم أسباب الجوع المستمر عند الحامل وطرق...
• افضل مسكنات طبيعية تخلصك من الألم أثناء الحمل
• طرق للتخفيف من آلام الظهر بعد الحمل حصري

[لميـــاء999]

نتريه تجربه البنات .........

[سلامة الرميثي]

السموحه منج ختيه ان شاء الله الاخوات يفيدوونج

موفجه يارب

[fatentus]

انا جربتها : وصفتلي اياها دكتوره في المستشفى الملكي في تايلند : عشان التكيسات ..خذتها 15 يوم بس ووقفت .. لان هني قالولي لا تستخدميها ..
و الصراحه ما اعرف شي عنها ..

[منصوريه كوول]

شو ولا حد يعرف عنهاا ولا مستخدمنهاا قبل ...
بناات والله محتااااااااااره اوقف عنها ااا ولا لا ...؟؟؟
انا الي لعوزني اني قريت النشره مالتهاا وميت من الخووف ... لا قدر الله تسبب جلطاات وما ادري شووو ..؟؟؟؟

شوووووو هااااا الحين شو اسوي اخااف اخليهاا واحمل على طوووووووول انا ما اريد احمل الحينه توهاا بنتي فديتهاا صغيره ...!!!!!

بنااات الي لهاا خبره في هالمجاال يا ريت تفيدني ..

[مهرووووووه]

شو ولا حد يعرف عنهاا ولا مستخدمنهاا قبل ...
بناات والله محتااااااااااره اوقف عنها ااا ولا لا ...؟؟؟
انا الي لعوزني اني قريت النشره مالتهاا وميت من الخووف ... لا قدر الله تسبب جلطاات وما ادري شووو ..؟؟؟؟

شوووووو هااااا الحين شو اسوي اخااف اخليهاا واحمل على طوووووووول انا ما اريد احمل الحينه توهاا بنتي فديتهاا صغيره ...!!!!!

بنااات الي لهاا خبره في هالمجاال يا ريت تفيدني ..

شو في لج طريقه ثانيه.. السموحه على هالكلمه خلي ريلج برع يسويها!! (العزل)

[أم مطر]

هلا حبيبتي

انا خذت هالحبوب عقب ولدي واستمريت عليها سنه

اضرارها انها خلتني شرات الفيل ^_^ وايد متنت وكنت اعصب بسرعه ولاتفه الاسباب

ويقولون لها اضرار ثانيه بعد اذا خذناها فتره طويله ..

انا خذيتها شهر 7 / 2005 لمدة سنه ووقفتها وحملت شهر 5 / 2007 واحين مركبه اللولب

اذا عندج اكثر من بيبي تركبين لولب احسن جي قالت لي الدكتوره

وهي قبل نصحتني بياسمين تقول انها اخف نوع من الانواع كلها وما تأثر وايد عكس الانواع الثانيه

انتي لازم تستشيرين دكتورتج هي اللي تعرف شو يناسب طبيعة جسمج

والله يحفظج حبيبتي ويوفقج ان شاء الله

[دلع_اماراتي]

ياسمين من افضل الانواع اللي جربتها استمري عليها اذا حسيتي انها تناسبج و اذا حسيتي انج متنتي او اييج صداع فضيع او شي غريب اتركيها و جربي جنرا بعد يمدحونهم البنات

بس ترا اللي يناسب غيرج مب شرط اناسبج

[nanosha]

ترفع هرمون الاستروجين الي يسبب لوعة تعصبين .. تنفخ الصدر تنفخ الجسم سوائل مش متن عني انا ماممتتتنتتني ابدا ظربات القلب تتسارع يرفع الكوليسترووول

[النساية]

انا استخدمتها ست شهور والدكتورة اللى نصحتنى بهاي الحبوب ؟
وما حسيت باي شي !مع اني سمعت قصص الحريم ,عن العصبية واني بمتن ,والصراحه ما حسيت باي شي !
وبعد سمعت انى بتم فترة طويلة ما بحمل ؟
من الزيغة ,ودرت الحبوب ,ومن محاسن الصدف اني حملت الشهر اللي عقبه!
يوم خبرت الدكتورة ,قالت انا دكتورة واخذ هاي الحبوب .
احس من حرمه لي حرمه في اختلاف تقبل جسمهم للمانع!

[queen rose]

انا رحت بشتريها من الصيدليه على اساس انها اخف نوع الا راعي الصيدليه قالي مب اخف نوع قصدج احدث نوع وما نصحني فيهن وقال انها تنشف الحليب وعطاني نوعيه ثانيه اسمها سيرازيت وفعلا وايد خفيفه وما تحسين باي شي عادي حتى العلبه فيها 28 حبه مب 21 مثل باقي لحبوب لانها خفيفه حتى مفعولها خفيف يعني لازم ما تنسين ولا حبه وتاخذينها في الموعد بالضبط

[صمت الدمعه]

مرحب

اختي مافي دوا في الدنيا ماله عوارض جانبيه ولو خذتي اي حبوب ثانيه بتلاقين نفس الكلاماللي قريتيه موجود!

لا تخافين حبوب ياسمين من احسن انواع الحبوب لانه العرض الجانبي اللي فيه هو البرود الجنسي وممكن اوجاع الراس على حسب جسم كل وحد
اهم شي انه ياسمين ماتمتن مثل الباجيات

والله يوفقج واي استفسار انا حاضره بس انتي اسالي ولا يردج شي

[شاهينية]

نبا تجارب اكثر لو سمحتوا عن حبوب الحمل اللي عندها اي معلومات

[أم خماسي]

هلا اختي

الصراحة انا استخدمتها بعد ولدي الاول سنه وبعدين هديتها وحملت بالثاني وبعد الثاني خذيتها سنتين

صحيح انها يابت الاعصاب وزادت من وزني بس الصراحة واايد اوكي يعني ارتحت الحين انا حامل ولدي الثاني بكمل ثلاث سنوات يعني الحمدلله عيالي كبار

جربيها اذا ما ارتحتي لها وسوت لج شي هديها

[Bint-zayed]

أنا بعد استخدم الحبوب و الحمدالله على كل حال ما اشوف لها اضرار مع انه وزني ما ينزل و انا اسوي رجيم بس اهم شي انها ما تضر ،،، و بعدين انا كنت استخدم الحبوب قبل و من ودرتها حملت على طول ..