انا وريلي وبس

[حوور لعين]

مرحبا الغاليات
عرف انكن ما بتقصرن معاي وهذا العشم فيكن
خواتي هذا اول رمضان يطوف عليه مع ريلي
ممكن تساعدوني كيف اطبخ الفطور بس لشخصين
شو الخيارات الموجودة يعني اقترحوا علي شو اسوي للفطور او السحور بصراحة احترت انا مبتدئة بالطبخ وحامل بس ريلي يموت فالعيش يعني اذا ما كل عيش فيوم بيصيرله شي لا سمح الله
يعني اذا وحدة عايشة مع ريلها رواحهم شو تطبخله دار راسي والله فيدوني يزاكم الله خير

المزيد من آخر المواضيع من نفس القسم:

• طريقة عمل صوص بيشاميل السهله
• طريقة عمل صوص رانش اللذيذه
• كبسة إماراتية؟
• كروكيط الأرز المقلية وجبة سهلة و سريعة...
• سؤال لشيفات الامارات
• كريب بنوتيلا هائل و رائعة بمكونات بسيطة
• مطبخ العزبه
• أشهر مؤكولات و حلويات الشيف الشربيني
• انواع المطابخ
• كيفية صنع الزبادي من الحليب في الطبيعة...

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[قلب الماسي22]

الله يعطيج العافيه خيتو
مبارك عليكم الشهر
اقترح انج تسوين كل يوم عيش يكون الطبق الرئيسي .
والاطباق الثانيه تكون مقبلات مثل السمبوسه والقيمات والفطاير بالجبنه والكفته بدجاج
وبيتزا,,,وطبق حلو...
والسموحه خيتو انا ماعندي خبره في المطبخ

[zooz1]

سوي مقبلات مثل الشوربة
وطبق رئيسي اللي هو العيش
وطبق جانبي اللي هو سمبوسة او هريس او لقيمات..ألخ

سوري يمكن يكون ردي مش اللي تبينه..
هل انتي تعرفين اصلا تطبخين ولا هذي اول تجربة لج في المطبخ؟
ما في احسن من انج تجابلين قناة فتافيت وتشترين كتب الطبخ او تدخلين السايتات مالت الطبخ

[نصابو]

يم يم
ماعرف بس حبيت اقترح عليج
لوول
صح انيه ماايخصنيه فالطبااخ بس عشان خاطرج بعصر مخي لوول
يبيعون هالعيش المثلج خخخخ اقصد اللي ايج فـ كرتون
انا شفته فالكارفور
وماياخذ من وقتج واايد
تقريبن يكون زاهب بس عليح اتصبين المااي
وقلي له هالسمبوسه الللي فالكراتين وهالاشيا
ماعرف انا جيه اقول خخخ
لاتعصبين اذا ماعيبج كلااميه
^_^
اخذينيه على قد عقليه لوول
^_^
الله يووفقج
ولاتنسين الفيمتوووو

[عالية الغالية]

نوعي في العيوش

مثلا

مجبوس----------------- لحم -دياي - سمج-روبيان



برياني ----------------------لحم -دياي - سمج-روبيان



عيش صيني



صالونة--------------------- لحم -دياي - سمج-روبيان


مشوي او مقلي ---------- د ياي اولحم اوسمج مع عيش ابيض او ملون بالزعفران


طبعا غير الفطاير والسمبوسة والخفايف ونوع او 2 سويت


بس غيري مرات سوي له معكرونة ع السحور

[عالية الغالية]

الطرق في المنتدى في قسم الطبخ


موفقة

[طبشوره]

انا تقريبا مثلج ..لان عيالي صغار 2 ..
فكأني اطبخ لاثنين بس ..
وفطوري لازززززم عيش لان نفس نمونه ريلج ..اذا ما اكل عيش ما تنحسب يوم في حياته ههههههههه
طبعا برياني ..دجاج او لحم ..
تحته دجاج ..
صالونة لحم مع عيش ..وممكن ثريد
صالونه دجاج ..
ومن هالاطباق اختار يوميا شي ..
وتكملة السفره لازم لقيمات ..
والشوربه ما يفضلها بس اسويها لعيالي ..
وسمبوسه ممكن تقلين كم حبه ..
وصحن سلطه ..

شوفي انا ابدا تقريبا الساعه 2 لان عيالي يضيعون من وقتي وايد كل شوي طالعه وداشه المطبخ ..
اجهز عجينة اللقيمات اول شي ..واحطها تتخمر ..
بعدين اخلص الطبق الرئيسي ..
واسوي السلطه ..
واذا شي وقت اسوي السمبوسه والشوربه ..
واذا ماشي وقت اقلي اللقيمات والحمدلله امورنا ماشيه ..
وريلج بيعذرج مثل ما ريلي يعذرني ..انتي حامل والوقفه اتعبج ..
وانا عيالي الله يحفظهم ما يقصرون وياي هههههههههاطلع القى الصاله في حاله يرثى لها ..
واسمحيلي طولت عليج ..بس اتمنى استفدت مني ولو بشي بسيط ..

[عفاري80]

ههههههههههههه حاي من حالكم بالضبط

[E-biz Lady]

انا ه>ي ثان يسنة رمضان اطبخ لي انا وريلي بس.... وانا الحين حامل...
بس ريلي بالعكس ماااااا يداني العيش.. يعني أي شي الا العيش..
شوفي مقبلات لازم اتكون موجودة يعني سمبوسة ولقيمات.. أيام غيري سوي فطاير وقطايف... واحسن شي زهبي كمية بسيطة وحطيها في الفريزر عشان ما اتطولين بالوقفة (هالشي بالنسبة لعجينة الفطاير والسمبوسة والباقية الهندية والكبة)
اما بالنسبة للعيش فبضيف للستة المقترحات.. مولوخية وعيش.. صالونة خضار وعيش مع دجاج مشوي...

حاولي ما اتطولين وايد في الوقفة فالمطبخ ..

الله يعين كل الكرووشاااات على الطبيخ هالرمضان.. واليهنيكم ويتمملج حملج على خير

[Miss Cavalli]

انا نفسج بالضبط بس بدون حمل و ريلي ما يحب العيش .. لوول

عاد اول يوم سويت باستا و طلعت وايد ..



و سويت سلطة بطاطس بعد و طلعت وايد ..

مع اني اسوي اقل شي ..

ان شاء الله البنات بيفيدونا .. والله يعطيج العافية و يقويج على الحمل ..

[salolo]

الله يقويج بصراحة ذكرتيني بعمري قبل 6 سنوات كنت مثلج وطبعا الموضوع خذ مني وقت على ما صرت على ما انا عليه اليوم الحمد لله المسألة يبالها شويت صبر على خبرة مع الايام بتتعلمين وايد اشياء وبتضحكين على عمرج بعدين. المهم انا عن نفسي بديت بالاكل الشبه جاهز مثل الشوربات الجاهزة من كنور وماجي وهم بعد يحطون لج افكار من ورا وخلطات البشاميل والكبسة وتتبيلة السلطات وبعد المقالي مثل السمبوسة والدجاج والكبة ...الخ من الاكلات المتروسة في الجمعيات. طبعا هذا مع المتابعة للبرامج التلفزيونية و كتب الطبخ طبعا لانها مصدرج الاول للمعلومات وطبعا المنتديات. اتمنى اني اكون عطيتج اللي تحتاجينه .... والسموحة عالتطويل

[مروهاج]

خخخ انا بعد اطبخ لي ولريلي ولدي صغير وما ياكل الا بالقو
المهم تفنني بطبخ الطبق الا يحبه ريلج ونوعي فيه ام المقبلات الافضل انج تسويها من قبل وعلى الفريزر وتطولي الوقفه بالمطبخ يعنى بالليل سوي السويت ولفى السمبوسه اليوم الثاني ابداء الطبق الرئيسي واقلي المقبلات
والسلطه سويها الظهر ولالا تملحيها قطعيها بس .........
واكلات كثيره يبالها اعداد مسبق اذا تحبي ارسل لج السيتات مال الطبخات التى فيها تجهيز مسبق

[جوهرة111]

افضل شي دخلي قسم الطبخ والله بتسوين عجايب

[ماماة الامارات]

الله يعينج

ويبيض ويهج جدام ريلج

[شوق الليل]

هلا حبيبتى سوى عيش ب الدياى والحم هذا اهم شى او بريانى لحم او دياى

سوى سلطة ورب بى الخيار سوى سبوسة دياى اولحم فطائر او بيتزا لقمات اممممممممم صالونة لحم اودياى

دياى مقلى وبطاطا مقلى ام شو بعد والعصير عصير فيمتو او عصير برتقال والحلويات تشيز كيك جيلى اى شى\\

لو عندج كتاب منال العالم بتستفيدى واااااااااايد ومبروك عليج الشهر