الخدم والشروط الجديده

[ع الابداع]

السلام عليكم


موضوع وحبيت اخذ ارائكم حوله


هناك بنود جديده وقوانين لخدم المنازل

منها باختصار انه ا لرواتب زااااااااااااااادت دبل على ما كانت عليه .. اي الضعف


فيه اجازه للخدم يوم كامل كل اسبوعين مع مدفوعة الأجر

هذي مشيناها .. لكن اسمعوا الباقي


منح الخدم اجازه بأجر مدتها شهر واذا لم يرغب في استخدامها يمنح مقابلها راتب شهر كبدل اجازه بالاضافة الى راتبه.


دفع تذكرة سفره ذهابا

في تجديد العقد ورغبة الخدم في السفر لقضاء الاجازه ثم العوده الي العمل
تدفع له تذكرته ذهابا وعودة
واذا لم يرغب بهذه الاجازه والسفر
تدفع للخادم ايضا قيمة التذكرة ذهاب وعوده بالاضافه الي بدل الاجازه.



والحين شو رايكم؟؟؟

المزيد من آخر المواضيع من نفس القسم:

• مندوب يختلس 800 ألف درهم من شركته
• والد طفلة يتهم مستشفى بارتكاب خطأ طبي عند...
• إلزام مطلقة برد 187 ألف درهم لطليقها
• التمييز في دبي تقر أحقية الدائن بالورقة...
• إطلاق ساعد لتخطيط الحوادث البسيطة برأس الخيمة
• الحبس والإبعاد لآسيوي اختلس 49 ألف درهم من...
• حكم بأحقية امرأة في أداء شيك حرره زوجها...
• محاكمة 3 آسيويين بتهمة ترويج المخدرات...
• يقتل صديقه تحت تأثير المشروبات الكحولية
• 100 ألف درهم تعويضا لعامل أصيب بحادث سير

[أم أحمدومحمد]

من وين تيبون هالأخبار

ما قرينا شي في الجرايد ؟؟؟؟؟؟؟؟؟؟

[اناناسة]

بصراحة حبيبتي اول شئ متأكدة منه و لكن الباقي اول مرة اسمع !

سامعة عن يوم راحة و لكن مب لازم تخلينها تطلع (للدعارة) عافاني الله و الباقي ؟؟؟؟؟؟؟؟؟

انا اعتقد الباقي للعمال (غير خدم المنازل) حبيبتي

[ع الابداع]

لا الغاليه انا متأكده من الموضوع

والموضوع لخدم المنازل

[أم شمس]

لو شو تسوي أتيب لي السفاره لين البيت ماخليه أتشبر برع البيت وماعلي منهم ولا من سفارتها المعاش مب مشكله بس طلعه ما شي
وتسلمين يالغاليه

[ملاذ الروح]

عبوه نحن جذيه ومو سالمين منهم ,.. عيل وين لو عطيناهم إجازة يوم كامل ,,, الله يستر بس

[قلم رصاص]

المشكلة ان الواحد ممكن يتهاون بس هم الله يهديهم ماينعطون ويه
مع اني اشوف اكثر فئة محتاجه فئتهم !!

[أم_فارس]

بنات اللي عرفته من ريلي انه القوانين هذي حق عمال الشركات...صح ولا غلطانه

[ع الابداع]

لا هذي لخدم المنازل كلهم



احنا ندفع لهم فلوس وبعد يتشرطون


قلنا يوم اجازه مب مشكله بنمشيها

بعد شهر!!!


ولو ما بغت الاجازه تدفعيلها اياها + الاجر

[أم_فارس]

عيـــــــــل سمحولي عالكلمة لكن الخدم ...بيركبون عراسنا:1 (25):

[saasmo]

عيـــــــــل سمحولي عالكلمة لكن الخدم ...بيركبون عراسنا:1 (25):

صدقت وبتستوي هي المدام وانا اقولها حاضر مدام

[ساميه]

والله انا اليوم سمعت في البث المباشر اللي في الشارجه


انه














بتنزل قرارات تخص الخدم لكن تضمن حقوق الكفيل :::: يعني بيصدر قانون في صالحنا :: يمكن يعلنون عنه باجر او ورا باجر

هذاااااااا اللي سمعته اليوم

والله اعلم

عاد يوم كان المذيع يتصل ويدور المسؤل اللي بيأكد الخبر ::::::::: جان انزل من السياره كانت الساعه هنتين وربع الظهر ما كملت السالفه

::::::::::::::

اناناسه مبروك لنا ههههه واخيررررررررااا

[بنبونه]

يا حريم هههههههه اسمعوا
1- سووا احتجاج
2- اذا محد سوالكم سالفه هيا بنا لنشتري غساله اتوماتيك تغسل وتنشف وكل شي..
وغسالة صحون بعد ومادري شي كوايه اتوماتيك جان زين..

والله اكلمكم جد خل يولون البشاكير هاتوا اللي ايون بالساعات ينظفون ويروحون وكان الله غفورا رحيما
حشا مب قوانين
بخلي ريلي يعطيني كل هالبدلات احسن
يعطيني مصروفي واللي بيدفعه حق البشكاره وثمن التذكره انا أولى به صح ولا لا؟
وكل شهر داماس
وبرومود على الاقل بضعف شوي
عاد اللي تشتغل الله يعينها الصراحه
صح كلامي ولا شو رايكم

[أم_فارس]

بنبونه؟؟؟؟؟؟ عيل شسوي انا اسير دوامي ولا اجابل البيت ترى والله الريال مايروم يسد هالكثر؟؟

اللللللللللللله المستعان

[بنبونه]

الله يعين