سؤال عن طريقة الصالونة

**النجمةاللامعة** · 2008-08-28, 11:10

أنا أحب الصالونة الامارتية جدا فأرجو منكن تعطوني طريقة عملها بالضبط وأكون شاكرة لكم .

المزيد من آخر المواضيع من نفس القسم:

**# ميمي#** · 2008-08-29, 01:16

ماعرف للاسف

**harair** · 2008-08-29, 16:03

صالونه اشو الغاليه .. دياي ولا لحم ولا سمج ؟؟؟؟؟؟؟؟؟؟

**النجمةاللامعة** · 2008-08-31, 15:04

شكرا لمروركم
أنا بسأل عن صالونة اللحم ,وهل تختلف الطريقة بين اللحم والدجاج.
وجزاك الله كل خير وكل عام وأنتم بخير

**AM MAKTOOM** · 2008-08-31, 15:12

ماي وومعجون طماطم وووخضار متنوعه وملح وبهارات وودياي ااو سمج

**النجمةاللامعة** · 2008-10-26, 07:01

شكرا لكن

**asom** · 2008-10-26, 08:43

اهلين اختي
بقولج طريقتي اللي اسويها دايما

صالونه اللحم الذبيحه اللي تكونون ذابحينها
نفور الماي بعدين نحطي اللحم ونترياه يفور ونخوز الزفره اللي فوق كلها بعدين نحطي البهارات الصحيحه مثل الجرفه الهال المسمار
بعدين نحطي البزار العربي والكركم والكزبره البودره وفلفل احمر

بعدين نظيف الخضره اللي مقطعينا كلها البصل( والثوم والزنجبيل ( نكون داقينه عدل والطماط والكزبره والبقدونس والبطاطا والكوسا والقراع واللفلفل البارد والحار واظيفي لومي يابس

وتغطين الجدر لين ماتحسين اللحم استو املحي الصالونه

احين صالونه الدياي واللحم مال السوق مثل اللحم الهندي

تقلين البصل في الزيت وبعدين تحطين الثوم والزنجبيل فارمتنهم ناعمين وتحطين ورق الغار واللفلفل الحار بعدين حطي الدياي او اللحم تكوني مقطعتنه وتضيفين البهارات اللي تبينها مع البهارات الصحيحه واللومي اليابس تظيفين الطماط اذا حابه الصالونه تصير ناشفه ظربي الطماط في الخلاط اما اذا انتي حابتنها حق عيش ولا فريد قطعي الطماط وظيفي الكزبره والبقدونس والشبت والبطاطا والكوسا والقراع واذا فيه باميا حطي واظيفي شويه صلصه وزيديها ماي ولا تنسين تمليها وتغطيها لين تستوي

صالونه السمج
تقلين السمج اللي تبينه
وتحطين في جدر بصل مع زيت وقلي البصل ثم الثوم والزنجبيل والفلفل
وتحطين الطماط
انا افظل الطماط ينحط في الخلاط
ونظيف البهارات والبهارات الصحيحه واللومي اليابس ونزيدها ماي ويوم يفور نظيف السمج اللي قلينا

اذا كنتي حابه تظيفين صبار معاها احلا تحطين الصبار في ماي دافي وبعدين تخوزين الطعام اللي في الصبار وتظيفينه على الطماط او ماي عادي اذا ماعندج صبار وتحطين السمج وتحطي شويه كزبره وبقدونس ولا تنسين تملحينها

طبعا السمج راح يكون مبهر لما تقلينه

وقبل ماتخلص الصالونه تظيفين باقي الكزبره والبقدونس وعصير ليمون شوي علشان الزفره وتبندي عنها

وبالعافيه

اتمنى اني شرحتلج عدل لانه ماعرف اشرح عدل

**النجمةاللامعة** · 2008-10-26, 13:04

المشاركة الأصلية كتبت بواسطة asom

اهلين اختي
بقولج طريقتي اللي اسويها دايما

صالونه اللحم الذبيحه اللي تكونون ذابحينها
نفور الماي بعدين نحطي اللحم ونترياه يفور ونخوز الزفره اللي فوق كلها بعدين نحطي البهارات الصحيحه مثل الجرفه الهال المسمار
بعدين نحطي البزار العربي والكركم والكزبره البودره وفلفل احمر

بعدين نظيف الخضره اللي مقطعينا كلها البصل( والثوم والزنجبيل ( نكون داقينه عدل والطماط والكزبره والبقدونس والبطاطا والكوسا والقراع واللفلفل البارد والحار واظيفي لومي يابس

وتغطين الجدر لين ماتحسين اللحم استو املحي الصالونه

احين صالونه الدياي واللحم مال السوق مثل اللحم الهندي

تقلين البصل في الزيت وبعدين تحطين الثوم والزنجبيل فارمتنهم ناعمين وتحطين ورق الغار واللفلفل الحار بعدين حطي الدياي او اللحم تكوني مقطعتنه وتضيفين البهارات اللي تبينها مع البهارات الصحيحه واللومي اليابس تظيفين الطماط اذا حابه الصالونه تصير ناشفه ظربي الطماط في الخلاط اما اذا انتي حابتنها حق عيش ولا فريد قطعي الطماط وظيفي الكزبره والبقدونس والشبت والبطاطا والكوسا والقراع واذا فيه باميا حطي واظيفي شويه صلصه وزيديها ماي ولا تنسين تمليها وتغطيها لين تستوي

صالونه السمج
تقلين السمج اللي تبينه
وتحطين في جدر بصل مع زيت وقلي البصل ثم الثوم والزنجبيل والفلفل
وتحطين الطماط
انا افظل الطماط ينحط في الخلاط
ونظيف البهارات والبهارات الصحيحه واللومي اليابس ونزيدها ماي ويوم يفور نظيف السمج اللي قلينا

اذا كنتي حابه تظيفين صبار معاها احلا تحطين الصبار في ماي دافي وبعدين تخوزين الطعام اللي في الصبار وتظيفينه على الطماط او ماي عادي اذا ماعندج صبار وتحطين السمج وتحطي شويه كزبره وبقدونس ولا تنسين تملحينها

طبعا السمج راح يكون مبهر لما تقلينه

وقبل ماتخلص الصالونه تظيفين باقي الكزبره والبقدونس وعصير ليمون شوي علشان الزفره وتبندي عنها

وبالعافيه

اتمنى اني شرحتلج عدل لانه ماعرف اشرح عدل

شكرا لك وجزاك الله خيرا ,كفيتي ووفيتي

**ظبية_الإمارات** · 2008-10-26, 14:42

الصالونه تختلف بطريقته من شخص إلى آخر + النكهة بعد تختلف من شخص إلى آخر وبعد البهارات تلعب دور كبير في نوع الصالونه ...

وعموما صالونه السمج لازم السمج ينفرك بالليمون والملح لمدة عشر إلى ربع ساعة وعقب ينغسل وعقب نبهرة ونخليه لمدة 5 إلى 10 دقائق أو أكثر مب مشكلة بس لازم يكون في الثلاجة ومغطاي علشان تآخذ النكهة قبل القلي ... وصالونه السمج لازم نحطي فيه الصبار اللي هو التمر الهندي الحامض أو اللومي الأسود الحب نكسر من طرفه وهذا طبعا علشان نكسر سهج السمج وتخوز الريحة ... ولاتنسي الثوم والبصل هذا من الأشياء المهمة طبعا... ومعروف إنه لازم طماطم حب وطماطم معجون شويه ... لأنه أنا ما أكثر من المعجون ومثل ما خبرتج إختيه كل إنسان على حسب الشخص ممكن يزيد وممكن ينقص وفيه ناس تحب الحار وتحطي فيه الفلفل ...

أما بخصوص اللحم والدجاج لازم طيعا بتفور علشان يستوي ونخوز عنه الإزفره ... واللحم يتفور أكثر عن الدياي أما الدياي شويه بعدين نتبله ونقليه أما اللحم لا وفي ناس ما تقلي الديايه عادي كل شي يصير....

وبهارات اللحم والدياي غير عن السمج مثل ما قلت ... والحموضة فيها اخف واللحم والدياي ممكن تضيفين عليها من الخضروات الكوسة والبطاطس والجزر والفلفل الرومي الكبير- والباذنجان - والباميا بالذات حق اللحم بس مب حق الدياي - القرع ووايد شي خضراوات وهذا كله مثل ما قلت لج إختي رغبات ... وإن شاء الله قدرت أجاوبج إختى على سؤالج وأي إستفسار إختى حاضرة لج .... ونحن بالشوفه ...

**النجمةاللامعة** · 2008-10-26, 22:44

المشاركة الأصلية كتبت بواسطة ظبية_الإمارات

الصالونه تختلف بطريقته من شخص إلى آخر + النكهة بعد تختلف من شخص إلى آخر وبعد البهارات تلعب دور كبير في نوع الصالونه ...

وعموما صالونه السمج لازم السمج ينفرك بالليمون والملح لمدة عشر إلى ربع ساعة وعقب ينغسل وعقب نبهرة ونخليه لمدة 5 إلى 10 دقائق أو أكثر مب مشكلة بس لازم يكون في الثلاجة ومغطاي علشان تآخذ النكهة قبل القلي ... وصالونه السمج لازم نحطي فيه الصبار اللي هو التمر الهندي الحامض أو اللومي الأسود الحب نكسر من طرفه وهذا طبعا علشان نكسر سهج السمج وتخوز الريحة ... ولاتنسي الثوم والبصل هذا من الأشياء المهمة طبعا... ومعروف إنه لازم طماطم حب وطماطم معجون شويه ... لأنه أنا ما أكثر من المعجون ومثل ما خبرتج إختيه كل إنسان على حسب الشخص ممكن يزيد وممكن ينقص وفيه ناس تحب الحار وتحطي فيه الفلفل ...

أما بخصوص اللحم والدجاج لازم طيعا بتفور علشان يستوي ونخوز عنه الإزفره ... واللحم يتفور أكثر عن الدياي أما الدياي شويه بعدين نتبله ونقليه أما اللحم لا وفي ناس ما تقلي الديايه عادي كل شي يصير....

وبهارات اللحم والدياي غير عن السمج مثل ما قلت ... والحموضة فيها اخف واللحم والدياي ممكن تضيفين عليها من الخضروات الكوسة والبطاطس والجزر والفلفل الرومي الكبير- والباذنجان - والباميا بالذات حق اللحم بس مب حق الدياي - القرع ووايد شي خضراوات وهذا كله مثل ما قلت لج إختي رغبات ... وإن شاء الله قدرت أجاوبج إختى على سؤالج وأي إستفسار إختى حاضرة لج .... ونحن بالشوفه ...

شكرا أختي وان شاء الله بجربها قريبا

**um.maryom** · 2008-10-27, 01:01

الأخوات ماقصروا ^_^ و ان شاء الله اتكونين وصلتي للي تبينه ^_________________^

بس جبيت أاكدلج انه صالونه السمك مايحطون فيها خضروات ^_______^

**النجمةاللامعة** · 2008-10-27, 01:04

المشاركة الأصلية كتبت بواسطة um.maryom

الأخوات ماقصروا ^_^ و ان شاء الله اتكونين وصلتي للي تبينه ^_________________^

بس جبيت أاكدلج انه صالونه السمك مايحطون فيها خضروات ^_______^

شكرا عزيزتي

**ام هداوي** · 2008-10-28, 15:37

اشحالكم يا حلووين عساكم بخير وفي صحه وسلامه

عزيزتي النجمةاللامعة

صح كل الناس مختلفه في طريقتها في الطبخ

انا بخبرج طريقتي

اللحم

المكونات :

لحلم- بصل- طماط -ومعجون طماط - توم وفلفل وزنجبيل - ولومي يابس منظف يعني مقشر - بقدونس

وماي وزيت والبهارات مثل الكركم والجرفه والسنوت وبزار عربي وبهارات مشكله

والخضره اللي تحبينها حطيها مثل البطاطس وجزر والكوسا والقرع

الطريقة:

انفور اللحم كم فوره وبعدها ننغسله زين

نحطي البصل والليمون اليابس ونشيطهم ونحطي توم وفلفل وزنجبيل ونحمرهم مع بعض

وبعدها نحطي اللحم ونشيطهم مع بعض وعقبها نحطي معجون الطماط والطماط المقطع والبهارات والبقدونس

ونخليه خمس دقايق على نار هاديه وعقب نحطي الخضره نحطي الماي ونخليه يغلي وعقب اندخله

الفرن وعلى نار هاديه حتى ينضج

صالونة الدياي :

نغسلها بالملح والخل وبعدين نتبلها ونقليها على خفيف ونسويها نفس صالونة اللحم

صالونه السمج:

تختلف عنهم

المقادير:

سمج يكون كبير ومقطع ومغسول عدل

بصل مقطع وبصل كامل مب مقطع - طماط -ومعجون طماط - توم وفلفل وزنجبيل - ولومي يابس منظف يعني مقشر - بقدونس وماي وزيت

والبهارات مثل الكركم والجرفه وبزار عربي وبهارات خاصه حق السمج والخضرة يفضل القرع والبصل مب مقطع بس منضف

الطريقة:

شيطي البصل مع التوم والفلفل والزنجبيل وبعد ما يحمر حطي الطماط -ومعجون الطماط والبهارات

وكوب ماي خليه يغلي شويه وصفي عليه السمج بس لاتحركينه على شان ما يتفتف عنج

وخله على نار هاديه حوالي 10 دقايق

وبعدها حطي القرع والبصل والبقدونس وحطي عليه الماي ودخليه الفرن

على نار هاديه الين يستوي

ملاحطة طالونة السمج حق الصيف تكون خفيفه وحق الشتاء تكون ثغيله شويه

وهذي طريقتي في الصالونه اتمنى تعجبج

**النجمةاللامعة** · 2008-10-29, 02:13

شكرا عزيزتي أم هداوي بسألك السمك ما تقليه بالزيت قبل ما تحطيه

**Diory** · 2008-10-30, 23:10

ماشاءالله عليج اسوم لوول

الموضوع: سؤال عن طريقة الصالونة

أدوات الموضوع

عرض

سؤال عن طريقة الصالونة

المزيد من آخر المواضيع من نفس القسم:

المواضيع المتشابهه

بغيت طريقة الصالونة الهندية مع الكريمة...بليييييز

الصالونة من مطبخ فولة ......مع الصور اكيد

سؤال عن طريقة عمل التلبينه

خبز الجباتي مع الصالونة الهنديه..