ابا اتزوج بس..............

[دنيا الوله^,^]

خخخخخخخخخخخخخخخخخخخ
بعدج انزين 17 ما ادري18
يعني اعتقد بعدج على العرس عيشي حياتج
ويوم بي رزقج محد بيرده^^

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[ريلينا]

انشاءالله

[بنت الآجاويـد]

ريلينا
الله يرزقج الزوج الصالح التقي
و لا تهتمين بالمظاهر و القبيله
اهتمي بالاول باخلاقه و سمعته الطيبه
لان المظاهر ما تدوم
و البنت هالزمن تريد الستر

انتي عادج صغيره 18 سنه العمره كله ان شاء الله علي خير

لسه بدري

مب عتاب لج بس اللي اقصده لاتفكرين بالموضوع هذا وايد
الله يكتبلج اللي فيله الخير و النصيب و لا اعتراض ع امر الله

لو ياج واحد من دبي بوظبي الشارجه
عادي
المهم الريال شلون

صدقيني المظاهر زواله و الاهم الاخلاق

ما ألومج تفكرين يمكن بهالموضوع يمكن لان كل اللي حولج معرسين او مخطوبين و مالجين

انا الحين عمري بدش بال23 و كل اللي حولي معرسين و مالجين و خواتي بعد و بنات العيله
حتي من ربيعاتي ما بقت غير وحده و مخطوبه بعد

يمكن انتي شراتي تفكرين لانج تشوفين كل وحده الله وفقها و جاها نصيبها
بس لا تيأسين

كل تاخيره و فيه خيره

وانتي ما شاء الله عليج
عادج بنوته و شحلاتج
كملي دراستج
لان مافي شي بيفيدج غير دراستج لو صار شي بالمستقبل لا سمحل الله
الواحد يحط كل الاحتمالات جدامه و انتي شيلي فكرت الزواج من راسج الحين

ولو ما قدرتي و ياج الانسان اللي انتي تبينه فكري عدل و استخيري و شوفي راي اهلج و قولي لهلج انج موافقه لو اقتنعتي
لانه مب عيب ولا حرام تقولين انج موافقه

و الله يكتبلج اللي فيه الخير و يرزقج الرجل الصالح التقي و يوفقج دنيا و اخره
و جميع البنوتات

[سماويه]

تعرفين عند اهلنا .. عيب البنت تطري الزواج ..

حتى لو عمرها كبير

طبعا انا ما اقولج لا تفكرين .. مهما كان .. كل بنت تفكر بالزواج

لكن انتي بعدج صغيرة .. و المشكله انج (صغيره + افكارج عن الزواج غلط)

يعني اشمعنى واحد من دبي وراقي .. ترى مستحيل تلقين واحد (راقي + ملتزم + اخلاق + ولد ناس واصل و فصل <<مثل ما قلتي يهمج الاصل والفصل)

يعني مستحيل تلقين واحد مفصل على ذوقج يابنت الناس

ثانيا .. ترى الزواج مثل ما قالو الخوات .. مب بس حياة ورديه وطلعات و سعادة ابديه

ترى فيها مسؤوليات و فيها مشااااكل و فيها عياااال و ضغوووطااات

مثل ما قالت وحدة من الخوات

انتبهي .. لا تقربين صوب مواضيع المعرسات مال المنتديات

ترى هذا اللي يخرب لج افكارج .. ويخليج تشوفين جانب واحد بس في (العرس)

ادخلي قسم المشكلات .. شوف مشاكل المعرسات .. والله تشيب الراس

حبوبه ركزي في دراستج وخذي شهادتج

و ارفعي راس امج و ابوج اللي تعبو عليج

اثبتي نفسج قبل .. و اثبتي للباقين انج قد المسؤوليه

و عسى الله يوفقج حبوبه و يرزقج بكل اللي تتمنينه و يسعدج دنيا و آخر

و السموحه اذا ضايقج كلامي

[*عواش*]

الله يووفقج ليش تستحين استخري جااان حسيتي براحه قولي الشور شوركم هم بيعرفوووون أنج موافقه



حتى اناا اهتم بالقبيله والاصل << ماادري ليش هع

[عيناويهVIP]

الدنيا قسمه و نصيب و انتي يا حبيبتي توج صغيره

و انا عمري 21 و ما عرست خخخخخخخخخخخخ الله يرزقنا انا و انتي ان شاء الله بزوج الصالح

[mzyonat dxb]

الحال من بعضه يا اختي انتي شرات حالتي بس بينا شوية فروق بسيطه
انا شراتج عمري 17 و بدش 18 و متحرقصه عالعرس لاني احس ان هالشي فمصلحتي معن اهلي مب مقصرين
علي بشي و انا البجر و دلوعة العايله لاني اكبر حفيده بس احس ان فوق كالهذا ابا اعررررررررررس ههههه ماادري ليش؟ بس صدق احس البنت يوم تعرس و هي من سن 18 لل20 احسن بس طبعا اذا كانت عاقله و مستعده
تتحمل المسؤوليه لان الزواج مب كله راحه لازم تكون فيه مشاكل اكبر منا بس الشاطره منا الي تحاول تتجاوزها صح
و انا شراتج فيه واحد ف بالي و انشالله ان الله يجمعني فيه على خير(لاتفهمون غلط هههه لانه مجرد امنيه) و انا اصلا من دبي و يهمني وايد ان زوج يكون من الدبي لان الصراحه ما بقدر اظهر عنها (لاتفهموني غلط صح كلنا واااااااااحد و ربنا وااااحد بس الانسان يحب المكان الذي تعود عليه) بس المشكله اهلي ما ظني يوافقون اعرس يعد الثانويه عشان الشهاده (بصييييح) مستعيله ههههه اظن خطبه عادي و العرس بعد الكليه انشالله ههه خييبه شو الي بيصبرني لوووووووول
بس انا ما يهمني الاصل واااااااااااااايد مثل ما تقولين يهمني بس مب لدرجه اني بعلق حياتي عالاصل معني بنت عرب
بس حتى اهلي ما ظني واايد يسوون صدعه عالاصل اهم شي انه يكون عربي أو حتى عيمي مستعرب يعني ههه فديت العيم والله حتى البلوش ما عليهم زود بعدين اهم شي ان الريال يكون دين و خلوق و متعلم و فاهم و قادر انه يصونج
و الإنسان بطبعه يسوي اصله مب الاصل الي يسويه و يرفع قدره
عالعموووووووووووووووم احس اني واايد خبصت و سويت فلم عندي بس الله يوفقج يالغاااااليه فحياتج و استانست
يوم لقيتلي وحده شرات معاناتي

[ساره خالد]

اب اب اب

[اماني سيف]

الله يوفقج يارب ويسخرلج الريال الصالح اللي يحبج ويخاف الله فيج عاجلا غير اجلا

[الملكــة]

ههههههههههههههههههههههههههه حلوه قصصكم يابنات والله ضحكتوني الله يصلح بالكم


حبايبي كل بنت اتعيش بسنها الحين البنات يريدن يعرسن بسرعه بسبة المسلسلات والفتن اللي صايره

مايفكرون ان مسؤليه...الخ انا مااذم الزواج بس كل وحده ونصيبهـا ..!

صحيح الحين انخطبت بس والله العزوبيه كشخه ووناسه عيشوو حياتكم تسليه وهبل لاحقين ع الزواج خخخخ

انا البارحه العب بالسيكل ابوي يقولي هاذي اللي بتعرس ككككك

والله يوفقكم خواتي ...!

[ليتني قبر زاي]

•°o.O ( اللهم إن كان رزقنا في السماء فأنزله) O.o°•
•°o.O ( وإن كان في الأرض فأخرجه) O.o°•
•°o.O ( وإن كان بعيدا فقربه ) O.o°•
•°o.O ( وإن كان قريبا فيسره ) O.o°•
•°o.O ( وإن كان قليلا فكثره) O.o°•
•°o.O ( وإن كان كثيرا فبارك لنا فيه)

[عطر 77]

اذا بتتشرطين عمرج ما بتعرسين
ارضي بالنصيب , واللي الله كاتبة لج كله فيه خير
شو دراج ؟ يمكن هالراقي يخونج , والفقير يصونج
لا اتحطين شروط من الحين , انتي بعدج صغيرة , عيشي حياتج
شو لج بعوار الراس والمسؤولية اتشلينهم من الحين ؟؟؟
غيرج وصل الثلاثين والاربعين وما تزوجوا للحين , ولا اتظنين
ان الزواج كوشة وفستان وزهاب , الزواج شي كبير ومسؤوليه
بيت وزوج وعيال , وانتي صغيرة كيف بتتحملين اديرين اسرة بكبرها ؟؟
اعقلي شوي وانشالله بتعرسين لا تستعيلين على نصيبج
هذا انا تزوجت , واصيح على ايام العزوبية والراحة
لا مسؤولية ولا عوار راس

[بنت الشوامخ]

اختي مافيها شيء اذا يالج وايد تحسين انه اوكي ومناسب لج ( ولا تنسين الصلاة والاخلاق اهم من القبيله والاصل ) وافقي عليه وقولي حق اهلج ما تضمنين كل مره اييلج واحد اوكي

يعني اذا كنتي تخرجتي من الثانويه زين اوكي عرسي مافيها مشكله وايد بنات عرسوو بعد الثانويه ،، ولا تستحين تقولين حق اهلج عن مشاعرج عييل كل مره بييلج حد بتستحين ومابتقولين رايج ! كلمي امج طبعا لازم المستحى بس عبري لها عن رغبتج انج عادي مب رافضه وخل تفهم هالشيء

وحبيت اوضح لج انه الزواج صح انه استقرار وأحيانا فيه حب وفيه مشاكل بعد ،، بس ترى لا تنسين انه تعب ومسؤوليه كبييره والله ،، لانه بعدج صغيره

عالعموم عسى الله يووفقج ويرزقج بواحد يصونج ويحفظج

[حروف الامارات]

أعتقد الموضوع جديم؟؟؟؟؟؟؟؟؟؟
ويمكن البنت صار عمرها 20 !!!!!!!
ويمكن عرست!!!!!!!!!!
!!!!!!!!!!!!!!!!!!!!

[انا رغم الالم]

اسفه ع ردي بس الظاهر انج صج صغيره