زواج الوافد من اماراتيه

**بنت الآجاويـد** · 2008-08-28, 01:59

السلام عليكم

شحالكم خواتي
عساكم بخير و سعاده

حبيباتي حبيت اكتب هالكلمتين علي السريع ابي اخذ رايكم بموضوع

الموضوع هو

هل صحيح ان البنت الاماراتيه ممنوع انها تتزوج من وافد ( سعودي عماني كويتي يمني...الخ)
طيب ليش ممنوع و لو البنت تزوجت شو بيصير فيها

انا سمعت ان البنت لو تزوجة وافد الدوله تاخذ جوازها و تخليها بدون .؟ هل هذا صحيح

و انها ما لها الحق تطالب باي حق من حقوقها كاماراتيه

بس لانها تزوجت وافد
هل هذا صحيح

مثل ما تشوفون الان في ما شاء الله بنات وايدات عادهن ما تزوجن ( عوانس زي ما يحب البعض يسميهن ولوو اني ما احب هالكلمه و مالها اساس بالاصل)
و كل شي نعرف انه قسمه و نصيب و مقدر و مكتوب

لو البنت جاها نصيبها وافد هل ترفضه لانها خايفه لا تنسلب منها حقوقها

يعني شو فيها لو البنت تزوجت سعودي مثلا و الدوله ما خذت جوازها منها ولا حرمتها من حقوقها

بالعكس لازم الدوله تكرم هالانسانه و الانسان اللي تقدم لها
مب العكس

حرام والله البنت ترفض بس بسبب خوفها من المستقبل

قال الرسول الكريم عليه افضل الصلاه و السلام
إذا أتاكم من ترضون دينه وخلقه فزوجوه

ما قال جنسيته او من وين و شو عنده او هالامور كلها

ابي اعرف شو رايكم بالموضوع

و هل انتوا مع او ضد زواج الاماراتيه من وافد

ارجوكم شاركوني بالموضوع لانه مهم

بارك الله فيكم جميع

و اسمحولي كتبت الموضوع علي عجله و بسرعه

فمان الله

المزيد من آخر المواضيع من نفس القسم:

**! ميروه !** · 2008-08-28, 02:05

حبيبتي السعودي ولا الكويتي ولا العماني ولا غيرهم تراهم من الخليج ف ما في فرق ..

اما غيرهم مثل السوداني المصري السوري .. وغيرهم من هالجنسيات العربيه الافضل حقها اتم عانس للابد ..

ما بيقد يعيشها بنفس العيشه اللي متعوده عليها بيبت اهلها والدلع والعززز ,,

اما عن الجوووااز .. تقدر تحتفظ بجوازها .. وعيالها ع طول يتحوولون ع الاب

يعني حقوقها حقوق عيالها ضاعت بهالحاله ,, ويعتبرون عيالها وافديين بس حاليا

في مساعدات حق ابناااء المواطنات من المواافدين

**تعبتني يا قلب** · 2008-08-28, 02:17

هلا حبيبتي اللي انا اعرفة انا السعودي والعماني ......الخ اذا خذ مواطنة ياخذون جوازها لانة هذا قرار من الشيخ الله يرحمة زايد ........>>>> انا اعرف وحدة كانت بتاخذ سعودي والحرمة هذا كانت تشتغل في الشرطة قالولها بينسحب الجواز وبتنطرد من دوام الحكومة بس صج كلامج صار البنات اكثر عن الشباب بي الخليج العربي والحين بعد منعوه انا الشباب ياخذون وافدين

**الحياة** · 2008-08-28, 02:26

ليس ممنوعااااا ابد

هالموضوع وايد ناقشووووه في المنتدى خذي لفه في القسم وبتحصلينه

**جنيبية بهواها** · 2008-08-28, 02:28

[SIZE="7"][COLOR="Red"]أولا (( العماني ..والسعودي..البحريني..القطري..الكويتي)) مايسمونهم وافدين يسمونهم خليجيين
المواطنة تتزوج من خليجي وليس وافد
والوافدين الي هم الشاميين والمصريين والهنود والروس ..إالخ إالخ.. كل الجنسيات
وبعدين انااعرف اكثر من 20 مواطنة تزوجن وافدين وخليجيين وماسحبوا عنهن الجواز
الجاوز ينسحب في حالة وحدة
إإذا سوت شي يمس أمن الدولة فقط!!!
انا اعرف ناس يداومون في الجوازات
يعني كلامي صحيح 100%[/COLOR][/SIZE]

**دريمه** · 2008-08-28, 03:52

الوافد غير الخليجي
ومن قال ينسحب عنها لا طبعا ...
انا ماخذه قطري من خمس سنين لا انسحب عني الجواز ولا شياته ..
بالعكس اذا رديت البلاد لا سمح الله لاي ظرف اقدر اغير جوازات عيالي وياخذون الجنسيه الاماراتيه ...
يعني كلامج كلش غير صحيح يمكن للوافد بس بعد ماينسحب عنها الجواز بس ماتقدر تضم عيالها لجوازها لانه وافد

**UAE GURL** · 2008-08-28, 05:13

اعرف وحده عندها ولدين و تزوجت فرنسي والجواز بعده عندها

**الوفيه** · 2008-08-28, 08:19

الخليجي ممكن اوافق عليه والغير خليجي مستحيل % يمكن بعض البنات مايعيبهن ردي بس الوحده اتفكر بالمنطق باجر عيالي بيتلعوزون وانا بتلعوووز

اعرف وحده ربيعت ربيعتي اتزوجت وافد كانو يشتلغون مع بعض واضاربت ويا اهلها عشانه اتخيلو يضربها ومايشتغل وهي تشتغل وتصرف ع عيالها وعليه !!!!!!!!!!!!!

**salooom** · 2008-08-28, 08:40

االخليجين ما يسمونهم وافدين وعادي اذا اتزوجت واحد منهم انا مثلا عندي وايدات اعرفهم اتزوجو خليجين ومرتاحين ولا سحبوا منهم الجواز..... اما اوافدين هم الزلمات سوريين ولبنانين...........وغيرهم هاذيلة اللي خذيتهم اعتقد يسحبون الجواز ومالها اي حق من الحقوق في الدولة.... والله اعلم

**ميرال** · 2008-08-28, 08:57

حبوبه الوافد غير الخليجي

انا وافده بصراحه اشوفها صعبه تاخد وافد لانه العادات والتقاليد بيختلف حتى الوافده ما اشجع ابدا تاخد خليجي لنفس السبب

بس انها تاخد خليجي اظن انه العادات بتضل متقاربه

والي اعرفه انه ما ينسحب جوازها بس اولادها ما فيهم ياخدوا الجنسيه الاماراتيه بياخدوا جنسية ابوهم

**om mohd** · 2008-08-28, 09:47

اللي اعرفه ان ممنوع تاخذ وافد (مصري.. سوري .. لبناني.. امريكي.. اي شي),,, بس عادي

تاخذ خليجي...

وممكن لو كانت البنت كبيره في السن وحبت تاخذ وافد .. تروح الديوان .. تقدم اسبابها اللي تدفعها للزواج

من وافد ... ويوقعونها على تعهد انها ما بتطالب بحقوق عيالها ... لا جواز ولا حق المعامله كأبناء المواطنين..

هذا اللي اعرفه ...

**حنين أحمد** · 2008-08-28, 09:53

يالغاليه لا تكبرين الموضوع ولا شيء

انا اغلب بنات اهلي ماخذات وافدين والحمدلله الدولة مو مقصرة معهن
يعني معهن جوازاتهن وعيالهم يعاملون كالمواطنين والخير موجود ولله الحمد

ومحسوبتش اللي هي انا يمكن ايضا تاخذ وافد ههههههههههه

توكلي على الله يالغالية وتراج في بلاد خير الله يحفظنا ويحفظ الجميع

*_*

**الدبلوماسية 81** · 2008-08-28, 12:01

مرحبا حبيبتي من دول الخليج توكلي على الله غير جذيه فكري 1000000 مره هذا زواج مب لعبه و الله يوفقج و إذا على الجواز ما ينسحب إذا خذتي خليجي

**ريحانة الجنه** · 2008-08-28, 14:16

الجواز مستحيل ينسحب يعني بتمين انتي اماراتيه وهو وهو سعودي ولا كويتي ولا......... الخ بس حقوقج كمواطنه بتضيع

**sa7el** · 2008-08-28, 14:32

حبيبتي كلامج كله غلط

أول شي الوافد غير الخليجي و غير الأجنبي
الخليجي يعني من منطقة الخليج و لا ما يسحبون جوازها أبدا ،، أنا أعرف وحدة متزوجة سعودي و مرتاحين و جوازها عندها و العيال بعد
و ربيعتي متزوجة وافد و جوازها عندها و عيالها خذوا الجواز (جواز الإماراتي) يعني عادي،، و حالتها موول مب تعبانة مثل ما قالت الأخت ميروه،، بالعكس عايشة بأحلى فيلا لدرجة أخواتها يحسدونها
أما الأجانب يعني هندي و أمريكي و أوروبي ما عندي فكرة عنهم،، بس اللي أعرفة إن جوازات الأمريكيين و الأوروبيين دخلهم أحسن

و اللي بيتفلسف لج غير جي كلامه مب صح،، أنا شايفة ناس بعيوني و أعرفهم،، يعني مب كلام عالفاضي

الموضوع: زواج الوافد من اماراتيه

أدوات الموضوع

عرض

زواج الوافد من اماراتيه

المزيد من آخر المواضيع من نفس القسم:

المواضيع المتشابهه

زواج المواطنة من الوافد .. مع أو ضد .. ولماذا ..؟؟؟

زواج المواطنة من الوافد بدون موافقة الديوان +مسكن مع المصادر