!!!!!!!!!!!!!!!!!!!!!!!!!!!!! سوفت لايت !!!!!!!!!!!!!!!!!!!!!!!!!!!!!!!!!!!!!!!!!!!!

**أمونه الحلوه** · 2008-08-25, 23:21

السلام عليكم ورحمة الله وبركاته .......... حبيت اخبركم عن تجربتي مع السوفت لايت ... من 9 سنوات ربيعتي كانت تسوي السوفت لايت وتخبرني عنه بس ماكنت اعرفه والحين بعد ماجربته بصراحه اشجع كل خواتي انهن يسونه , اول شي خفف لي شعري بنسبة 90% وثانيا وحد لي لون بشرتي ومايسبب الم مثل الليزر ولايحتاج مخدر ! واسمحولي عالاطالة بس حبيت اخبركم عن تجربتي .........

المزيد من آخر المواضيع من نفس القسم:

**AD!i** · 2008-08-25, 23:42

مشكورة على عرض تجربتج و يا ريت بعد البنات يتشجعن و يكتبن شي بهالخصوص

شخصيا شبه متحمسة انس اسويه بس ادور مركز زين..

و اللي سمعته ان السوفت لايت احسن عن الليزر بوااايد

بس اختي انتي وين سويتيه بالويه و لا على الجسم؟

انا ابا اجربه على ويهي بس دوام الجامعة و الطلعة جدام الناس
يعني شوي اخاف يأثر على مظهري

خبرينا ما كان له آثار ؟ و في جم يلسة راح الشعر؟

<<<< وايد تسال

**HATAAN** · 2008-08-26, 00:01

خبرينا ما كان له آثار ؟ و في جم يلسة راح الشعر؟

**الفراشة** · 2008-08-26, 00:05

نفس اسئلة اللي قبلي

**يا لهوووي** · 2008-08-26, 01:56

مايعور ابدا؟؟؟

**أمونه الحلوه** · 2008-08-26, 17:04

روعة استوت بشرتي عقب السوفت لايت , بالنسبه للوجه انا بشرتي اصلا وايد حساسة من الاكسجين والخيط بس السوفت لايت وايد ارحم لكن بشرط اسويه المغرب ومااطلع في الشمس اليوم الثاني , وبالنسبه لريولي ويديه والاندرآرم استون مثل الزبدة !!!! ماشاء الله , ومركز التجميل اللي اسوي فيه حاليا , مسوين عرض 50% خصم بمناسبة شهر رمضان يعني فرصة بصراحة وأريح من الواكس والحلاوة اللي كل 3 اسابيع لازم انسويهن . والحين مفكرة اسوي صدري وظهري عشان استغل هالعرض .وعلى فكرة انا سألت دكاتره وايد وخبروني انه آمن جدا عالبشرة لاني اصلا من النوع اللي ماأحب اخاطر ببشرتي الغالية !

**ام محمد رزق** · 2008-08-26, 21:04

مشكورة

**نونه87** · 2008-08-30, 03:05

حبيبتي ممكن اطرشيلي اسم المركز ورقمهم عالخاص..
أنا عرسي فصيف 2009 ان شاء الله يعني بالضبط بعد 10 شهور يعني متى تنصحيني أسوي السوفت لايت ..بسوي لجسمي كله ان شاء الله وويهي ..وبغيت أعرف أسعارهم؟؟
ووشكثر المدة اللي ما يطلع فيها الشعر؟؟ بليز ردي علي

**بنت الطموح** · 2008-08-30, 03:13

وانا بعد ابا اسمهم وعنوانهم ورقهم ممكن ترسلين لي ^_^وبكون شاكرة لج

يا ترى السوفت لايت يشقر ولا يزيل الشعر ؟؟

**Escada_1** · 2008-08-30, 09:59

شوه هذا اصلن انا ما فهمته؟؟
وشكرا

**فطمطم** · 2008-08-30, 11:23

انا بعد استخدمه ومرتاحه عليه صارلي تقريبا 7سنين ..

**بنتكم الصغيرة** · 2008-08-30, 13:17

يعني السوفت لايت ما يزيل الشعر نهائيا؟؟؟
االاخت فطمطم تقول تستخدمه من 7 سنين !!!!!!!

وللحين الشعر ما راح؟؟ يعني كم سنه بتم استخدم السوفت لايت ؟؟؟

**أمونه الحلوه** · 2008-08-30, 17:37

يشقر الشعر وبعدين الشعر يتم بروحه يطيح ! وبين كل جلسة والثانيه مدة طويلة , اظن فطمطم اتسويه كل سنة او سنتين مرة , عادي المهم أخف من الليزر الحار اللي يشوي البشره !!!!!!!! ونسيت اخبركم انه مافي داعي( لمخدر املا) قبله لانه مب حار مثل الليزر العادي , وانا سمعت ان مخدر املا ضار عالبشرة و يؤدي الى خشونتها .

**الدلووعة** · 2008-08-30, 20:13

اختي امونة ممكن اسم المحل او المركز؟؟
وكم الجلسة.؟؟

**ونه** · 2008-08-30, 20:36

أنـــــــــا بعد اســوي سوفت لايت up the lip بس والحمدالله وااايد مرتاحه منه وبديت تقريبا من سنه كل ثلاث شهور اسير مره اسوي لاني طبيعت جسمي مافيه شعر غير شويه .. وانا ربيعتي خبرتني عنه لاني كنت ماقدر استحمل الخيط ولا الحلاوه .. بس الصراحه انصح الكل يسونه.. وانا اسوي عند عياده فجميرا وماشاء الله شغلهم واايد نظيف وهب غالين بعد

الموضوع: !!!!!!!!!!!!!!!!!!!!!!!!!!!!! سوفت لايت !!!!!!!!!!!!!!!!!!!!!!!!!!!!!!!!!!!!!!!!!!!!

أدوات الموضوع

عرض

!!!!!!!!!!!!!!!!!!!!!!!!!!!!! سوفت لايت !!!!!!!!!!!!!!!!!!!!!!!!!!!!!!!!!!!!!!!!!!!!

المزيد من آخر المواضيع من نفس القسم:

المواضيع المتشابهه

سوفت لايت!!!

سوفت لايت !!!@@

===سوفت لايت===

سوفت لايت

سوفت لايت والا لايت بلس وشو غيرهم........احترت ساعدوني