بوكسات التوزيعات

**sakura86** · 2008-08-25, 07:57

الغاليات...أرجوكم إلي تعرف وين إيبيعون بوكسات للتوزيعات في دبي تدليني....تعبت و أنا في الشهر السابع...و المشيمة نازلة عندي....و لازم أحصلهم و أخطط شو أبغي أسوي...

في ميزان حسناتكم إنشاء الله إلي بتدليني

المزيد من آخر المواضيع من نفس القسم:

**وردة غلااا** · 2008-08-25, 08:12

ربي يقومج بالسلامه

**sakura86** · 2008-08-25, 08:16

تسلمين الغالية

**شوشوتا** · 2008-08-25, 08:19

حبوووبه اذا تبغيني اسوي لج التوزيعات فاااااااااااالج طيب ان شاء الله ^^

تقدرين تشوفين مواضيعي واذا عيبج شي ما يصير خاطرج الا طيب ويا هلا

**![ملكية]!** · 2008-08-25, 08:39

ربي يهون عليج اختيه ويقومج بالسلامه

**Bint-zayed** · 2008-08-25, 09:50

يوم كنت حامل اشتريت توزيعات من سوق الجمله في دبي ووديتهم باتشي و حطوهم في بوكسات مع حلاوه طلعت الحبه بالبكس و الحلاوه مع التغليف اب 15 درهم بس روعه مرتب كانشغلهم

**sakura86** · 2008-08-25, 10:32

تسلمون خواتي...ما قصرتن...فكرتج حلوة إختي بنت زايد....و أنا عندي العطور و الدخون...بس باقي لي البوكسات و مجسمات البيبيات...و إنشاء الله باخذهم من سوق الجملة...و باتشي طبعا باخذه بالكيلو....خاطري أرتب توزيعات ولدي بروحي...لأن في بنتي إعتمدت على المحمصة...و دفعت للبوكس الواحد فوق العشرين و ما طلعن نفس ما بغيتهن

**:DeheN 3ooD:** · 2008-08-25, 10:37

.
.

سوق عكاظ - دبي

.
.

محل كيوتو اللي في السكه ,
وفي محل ثاني صغيـــر عداله ^.^

.
.

ربي يسهل ولادتج و تقومين بالسلامه

.
.

**جوهرة القصر** · 2008-08-25, 11:05

الله يسهل عليج ويوفقج

**sakura86** · 2008-08-25, 11:26

و الله ما قصرتوا فديتكن....و شكرا على دعواتكن...ربي يرزقكن خير الدنيا و الآخرة...مشكورة إختي دهن العود...بسير إنشاء الله اليوم...و في ميزان حسناتكم إنشاء الله

**ام الاولاد10** · 2008-08-25, 13:54

الغاليه بتحصلين في محلات الدرهم والدرهمين بوكسات روعه ومجسمات للبيبيات

**bling_bling** · 2008-08-25, 17:39

في محلات الدراهم مجسمات و اشكال

**sakura86** · 2008-08-26, 08:09

يزاكن الله خير....بروح الدرهم و الدرهمين لأني هلكت البارحة ...رحت سوق الجملة...و ما شفت شئ و حسيت بعمري بربي و الله...و ريلي خاف لأني خلاص ما كنت قادرة أمشي...و ما أتوب بعد...إدعوا إني أحصل و أرتاح...و إذا تعرفون محلات الدرهم و الدرهمين إلي عندهم هالسوالف...يا ريت تدلوني

**بنت الغلا** · 2008-08-26, 16:49

حبوبه انا عندي بس مب بوكسات مناديس بس صغار ممكن اطرشلج الصور اذا حابه

**sakura86** · 2008-08-26, 22:36

ياريت تحطون الصور خواتي..وتسلمون

الموضوع: بوكسات التوزيعات

أدوات الموضوع

عرض

العرض المتطور

بوكسات التوزيعات

المزيد من آخر المواضيع من نفس القسم:

المواضيع المتشابهه

مجموعه جديده من بوكسات التوزيعات لكل المناسبات

بوكسات التوزيعات - شفافه . . ؟

بوكسات التوزيعات الشفافه

بوكسات حق التوزيعات

عرض خاص .. عرض خاص .. HandMade بوكسات التوزيعات