جنسxجنس

[شيخة العربان]

صح لسانج ^^

كلامج صح 100 %

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[Miss Cavalli]

مممممممممممم .. العنوان وايد جريء هههههههههه

انا صح اقول جي بعد .

بس بعد بضيف نقطه .. ترا مب كل حرمه معرسه تحصل الي الي تحصلها غيرها .. و هالشي بعد يدفع البنات انه يدورن برع ..

الله يستر على البنات و الحريم و كل حد . .

[حزن قلبي]

انا وياج، بس هني تمنع المواضيع الجنسية. و ما لانقراها وايد و مرات يحذفون الموضوع بسرعة قبل ما نقراه.

[أم لاكشمي]

صح لسانج ^^

كلامج صح 100 %

[سلواه]

كلامج 100% صحيح

بصراحة لوعوا جبدنا من هالسوالف

شكله الزواج بس حق الجنس واشباع رغبااات ...

حتى في موضوع علقت عليه قلت ( ماباقي الا زوجه اتم في البيت عاريه 24 ساعه)

حشى من قهري والله ههههههه

قال الله سبحان وتعالى وجعل بينكم الموده وسكينه ..

هب الجنس وبس

تسلمين حبيتي عالموضوع

[زلال2008]

كلامج صح ولو كل وحده دش ريلهاا وقرا اللي كاتبتنه اكيد ما كلن بيعيبه الوضع .. بس ياا ختى في بناات صدق عندهم مشااكل وما عندهم حد يفضفضون له والمنتدي هو المتنفس الوحيد لهم بس مب لدرجه وصف علاااقتهااا مع ريلهاا الله يستر ع الجميع ياا رب وتسلمين ع التنبيه

[basko0ota]

انا ما اصدق كل الي يكتبونه المعرسات احس نصهن جذابات يعني اتحصلينها 24 ساعه امطيحه عالمنتدى واتقول ريلي يحبني ويدلعني ويسويلي وسويتله عادي ريلها لابسنها وهي تحلم في المنتدى انه يحبها ويدلعها
وبعدين غلط جي الشي بينهم لازم ما يطلع برع
مادري احس الي وايد تمدح ريلها مب شايفه خير وامصدقه عمرها انها امحصله ريل ههههه
بالنسبه للبنات ليش مستعيلات ويغارون من المتزوجات !!!!!!!! حلو الواحد يعيش حياته بكل لحظاتها ولاحقين عالعرس
وليش يفكرون في الزواج يوم يدشون هالقسم
خلهم يدخلون المشكلات الاجتماعيه وبيكرهون الزواج بعد

[ميرا99]

سبحان الله لو شافواى الى ما عرسوا المشاكل والهم والله لكانوا كرهوا الزواج

[×العنود×]

كلامج صحيح البنات الحين يتحسبن العرس بس هالسوالف نسن انه بعد مسؤوليه كبيره وتأسيس عايله ^^

يزاج الله خير ع التنبيه ما تقصرين

[روح الوفا]

هلا اختيه ......شحالج .......
كلامج كله صح ........انا مب معرسه ..بس صدج قهر ..والله عيب في اشياء ماتنقال صراحه ........يعني الله يهديهن حتى النعمه ماخلنها في حالها ومثل ماقلتي الغاليه هاي عادات الغرب وحركاتهم .......
والعلاقه الحميمه بين الريال وحرمته بس .......عيب .......واللع عيب .
وسلمتي عالموضوع وياليت الخوات يراعن ان في مراهقات وبنات يقرن مب بس المعرسات وحتى المعرسات ليش تطلع اسرارها هي وريلها .......صح الوحده تنفع ربيعاتها بس مب فهاي الامور ........يعني في خلطات ..في عطور .......في كريمات ....الله المستعان

[روح الوفا]

انا ما اصدق كل الي يكتبونه المعرسات احس نصهن جذابات يعني اتحصلينها 24 ساعه امطيحه عالمنتدى واتقول ريلي يحبني ويدلعني ويسويلي وسويتله عادي ريلها لابسنها وهي تحلم في المنتدى انه يحبها ويدلعها
وبعدين غلط جي الشي بينهم لازم ما يطلع برع
مادري احس الي وايد تمدح ريلها مب شايفه خير وامصدقه عمرها انها امحصله ريل ههههه
بالنسبه للبنات ليش مستعيلات ويغارون من المتزوجات !!!!!!!! حلو الواحد يعيش حياته بكل لحظاتها ولاحقين عالعرس
وليش يفكرون في الزواج يوم يدشون هالقسم
خلهم يدخلون المشكلات الاجتماعيه وبيكرهون الزواج بعد

وبعد عيبني رد الاخت صراحه واااايد يقولن ريلي يموت فيني ........حتى والله اقول لاختي كله يحبني كله ميت على ...........صراحه احس في زيادات واايد وبعدين حتى لوصح والله يهني الجميع مفروض الوحده ماتتخجج ......ويكون هالشي بيني وبين ريلي وحبيبي ع قولتهن ......مالازم امة لا اله الا الله تدري ......ههههههه

[منايا الروح]

كلامج صحيح

هاي امور خاصة لازم ماتطلع والوحد اذا مر عليها شي تقدر تسأل حد من اللي يقربولها خالتها مثلا أختها العوده أو الدكتورة مالتها

هذا ان كان لابد تتكلم الله يهدي اليميع ومشكور أختي على الموضوع

[RAK violet]

الله يهدي الجميع

[لطوف حرم رشود]

صحيح فيه تجاوزات لكنها نااااااااادره وبصراحه ألاحظ على طول المواضيع الي زي كذا تنحذف مرات قبل مانقراها حتا

بس حرام التعميم وش ذنبنا احنا ؟ أنا وكثير غيري 80% تقريبآ من المتزوجات مانذكر مواضيع جنسيه فليه التعميم على المتزوجات ؟

بالنسبه للعازبات الغلط عليهم ليه توهم نفسها وتعشمها لمجرد انها سمعتنا نتكلم عن ازواجنا أنا قريت الموضوع والبنت الي كتبت ماقصدت الجنس كانت تقصد الحياه الزوجيه وليه نصورها انها حلوه والزوج ملاك هذا قصدها

بالنسبه للبنت الي تسرعت وتزوجت وفشل زواجها الغلط منها مو من المتزوجات الي في المنتدا هي وش حدها على التسرع واتخاذ قرار بمجرد انها قرت عن وحده سعيده في حياتها ليه ماحطت في بالها ان الزواج قسمه ونصيب وإذا هذي مرتاحه غيرها شقيانه!!

أنا ملاحظه كل ماصار شي في المنتدا قلتو المتزوجات طيب ليه ؟

حرام هذي فئه قليله جدآ 20% الي يكتبون في الجنس والباقي والله والله والله مواضيعنا عاديه وأغلبها استشارات عن أزواجنا وعيالنا وبسسسس وأنا وحده عمري ماكتبت موضوع عن غرفت النوم وكثااااااااار غيري بعد

بعدين البنت العاااااااااازبه إذا ماتبي تتحرقص على الزواج ليه ترز وجهها في قسم المتزوجات والقسم أبوابه مثل منتو عارفين عباره عن :تربية الأبناء ، حمل وولاده ، علاقات عائليه ! إذا هي ملقوفه لاتتبلانا بشي مهب فينا أرجوكم ترا الي فينا مكفينا

أرجو من الإداره وضع كود خاص للقسم يرسل على البريد الخاص للعضوات المتزوجات فقط وبكذا نرتاح من الظلم هذا !

بصراحه شي يزعل خاصه لعضوات فارضين احترامهم والتعميم يقهر ويزعل ويحبط حراااااااااااااااااااااااااااااام

[لطوف حرم رشود]

إيه صح نسيت أقول زوجي يعرف وش أقول ووش أكتب ماعندي شي أخبيه أو استحي منه غريبه الي تقول لو أزواجكم درو كفايه اسمي واسمه واسامي بناتي اعتقد أي أحد من طرفي أو من طرفه إذا دخل المنتدا رح يعرف إن هذي أنا ! وبعدين ماسوينا غلط علشان مانعلم أزواجنا بالمنتديات الي ندخلها ونكاتنا فيها ومواضيعنا الي نكتبها ... عجبي !!!

وبخصوص العازبات مثل ما احنا نضايقهم بسوالفنا عن أزواجنا ترا هم بعد يضايقونا بمواضيعم وعلاقاتهم معا الشباب والي خلت وحده من العضوات تكتب موضوع اسمه " الي تعرف المعنى تدش " والموضوع عطته الإداره وسام التميز

الخلاصه عازبات أو متزوجات هنا فيه فئه محترمه وفئه تغلط وهناك برضه نفس الشي فرجاء بدووووووون تعميييييم