خطوات ومحاذير مهمة للعناية بالعدسات الطبيه والتجميلية

**حراير دبي** · 2006-12-23, 05:30

خواتي ... صباح الخير ....مهم جدا نتبع هالخطوات حتى ما نسبب اي مشاكل صحيه لا سمح الله لعيونا مع استخدام العدسات واللي عندها معلومات اضافيه ممكن تضيفهن للموضوع عشان الكل يستفيد

1-قبل اي شي يجب غسل اليدين بصالون سائل غير كريمي يعني مافيه دسومه تعلق في اليدين

2-تشطف اليدين بالماء وتجفف بفوطه نظيفه مهم جدا ان لاتكون الاصابع رطبه لان العدسات تلتصق بالاصابع اذا كان فيها ماي يعني جففيهم زين قبل ما تلمسين العسات

3- تجنبي استعمال الاظافر في مسك العدسه لاج ممكن تخدشينها بظفرج

4- ابتعدي عن المغسل اذا كنت تبغين تلبسين العدسات عشان ما تطيح عج العدسه في المغسل فانبهي للنقطه هاي

5- قبل ما تلبسينها افتحي الغطا عن العدسه اليمين وصبي الماي الخاص او الغسول ويا العدسه في راحة ايدج يعني لا تحاولين تمسكين العدسه من العلبه لا صبيها مع السائل في راحة ايدج

6- انتبهي انها مب مجلوبه لو كانت مجلوبه بتشوفينها تنبسط على اصبعج لكن لو كانت عدله بتكون اطرافها صحيحه ومب منبسطه

7- امسكي جفنج الاعلى مع الرموش على فوق وخلي بوزج مفتوح ولا ترمشين

8- امسكي الجفن الاسفل باصبعج الوسط بحيث عيونج ما ترمش او تغمض

9-طاعي فوق وخلي بياض عينج يبين وحطي العسه وبعدين طالعي تحت عشان العدسه تركب عدل

10 - او اتبعي الطريقه اللي تريحج في ناس يطالعون سيده في المنظره ويركبون العدسه على طول في وسط العين

11- لو بتحطين مكياج للعين حطيه بعد ما تلبسين العدسه مب قبل

12- واذا بغيتي تزيلين المكياج اول طلعي العسه وبعدين ازيلي مكياج العيون

13- عند ازالة العدسات يجب غسل اليدين بصابون سائل وتجفيفهم

14 حاولي تحركين العدسه الى اسفل وبعدين مسكينها وتطلعينها من عيونج

15 - ضروري جدا تغسلين العدسات كل مره بعد اللبس بالغسول الخاص بهم
حطي العدسه في راحة ايدج وصبي عليها كم قطره من السولوشن او الغسول مالها ونظفي العسه بصبعج واجلبيها في راحة ايدج وصبي عليها عشان تغسلين الجهه الثانيه بنفس الطريقه

16- لا تستعملين ابدا الماي العادي لغسل العدسات لانه ممكن يسبب التهابات في العين

17-تحملي تسبحين وانتي لابسه العدسات

18- تجنبي السيشوار الحار وانتي لابسه العسات او تتقربين من اي شي حار

19- لو سويتي حمام بخار او حمام زيت لشعرج شلي العدسه قبل ما تبدين

20- انتبهي لعيونج لو حسيتي انج مب مرتاحه او عيونج تحرقج طلعي العدسات وغسليهم وارجعي البسيهم لكن لو استمرت الحاله لازم تستشيرين اخصائي

21 لا تلبسين العدسات لمدة تزيد عن 6 او 8 ساعات لان عيونج تبا تتنفس
22- لا تنامين وانتي لابسه العدسات

والسموحه على الاخطاء الاملائيه

موضوع للمناقشه

http://www.uaewomen.net/showthread.p...326#post449326

المزيد من آخر المواضيع من نفس القسم:

**جروحي تفداج** · 2006-12-23, 14:51

تسلمين الغااليه عالمووضوع وفعلاا البعض محتاج لبعض هالنصائح والتحاذير

**حراير دبي** · 2006-12-24, 07:58

تسلمين حبوبه

وياريت البنات يقرونه عشان يستفيدون منه

**كريستال** · 2006-12-25, 17:00

شكرا ويزااج الله خييييييييير والموضوع فعلا مهم للمحافظة على عيونا سليمة ..

**dlo3ah** · 2006-12-26, 00:40

تسلميـن الغـاليــه علـى المـوضوع

اللـه يعطيـج العـافيه

**Om Nora** · 2006-12-26, 00:43

اللـه يعطيـج العـافيه

**حراير دبي** · 2006-12-26, 02:48

العفو حبايبي

انشالله تستفيدون من الموضوع

**الاسطوره** · 2006-12-26, 17:37

مشكوووووووووورة الغالية

ينفعني دووووووووووم البس العدساااااااااااااااااااااات

**جوري وعناب** · 2006-12-26, 19:08

تسلمين يالغلا

**حراير دبي** · 2006-12-27, 02:02

العفو حبايبي ....

**عــــواااشي** · 2006-12-28, 01:12

تسلمين الغلا

**حراير دبي** · 2007-01-25, 17:02

فووووووووووووووق

**ماسة شرجاويه** · 2007-01-25, 17:29

مشكورة اختي ع النصايح المهمه فعلا وعساج ع القوة دوم

أختج
ماسة شرجاويه

**عروس المستقبل** · 2007-01-26, 01:33

تسلمين حبوبه

**دانة جميرا** · 2007-01-26, 04:00

مرحبا ختيه .. تسلمين عالموضوع .. انا بقولج سالفتيه بس لاتضحكين عليه بليز

مره نسيت عمريورقدت بعدستيه ونشيت الصبح مستعيله ورايه كليه من فجيت عيونيه

تميت مستغربه اغض وارد ابرج اشوفني اشوف عدل واضح كل شي نشيت وسرت غرفة

ختيه ابا حد يقوليه انا احلم ولا صدق ماحصلتها رديت تميت امبهت جدام المنظره اقول

سبحان الله البارحه ماكنت اشوف عدل واليوم نظريه رد 10 على 10 !!!!!! المهم سرت

وانتي بكرامه الحمام تشاهدت على ويهي وغسلته احس عيوني تحارقني !! ماعرف من شو

مارمت ابرج تحرق وايد !!!!!!!!!! ابا اشوف عمري في المنظره مب قادره ادمع وايد هلكت منها

عقب مانشفت عيونيه استوعبت اني راقده بعدساتيه وهلكت لين ماظهرتهن والله صراع وماقدرت افتح

عيونيه تمت اتعورني .. ويافرحه ماتمت ذكيه ماشاء الله عليه .. ومن هذاك اليوم لين يومج هذا وباجر

مارقد الا وانا متاكده انيه عاقه عدساتيه .. والسموحه على الايطاله

الموضوع: خطوات ومحاذير مهمة للعناية بالعدسات الطبيه والتجميلية

أدوات الموضوع

عرض

خطوات ومحاذير مهمة للعناية بالعدسات الطبيه والتجميلية

المزيد من آخر المواضيع من نفس القسم:

المواضيع المتشابهه

معلومات مهمة للعناية بالبشرة

خطوات مهمة يجب أن تتبعيها أنت وزوجك لزيادة فرص الحمل

أساسيات مهمة للعناية بالبشره..

8 خطوات مهمة لانقاذ الشخصية الانطوائية !

صبغات طبيعية بالوان الاشقر الشوكولاته و خطوات للعناية بشعرك