عجينة ***** روعه ***** خفيفه *****بالصور*****

[ro0o0osa]

السلام عليكم ورحمه الله وبركاته



اليوم بحطلكم صوره عجينه يسمونها عجينة هند

لكن مع شوي اختلافات

لان عجينتي اللي طافت اغلبيه ماعندهم قياس الكوب المعياري وماستفادو منها بالشي


المقادير

المجموعة الاولى

2 جيله طحين رقم 1
8 ملاعق حليب بودره
1 ملعقه صغيره ملح


المجموعة الثانية

2 كوبين ماي دافي ( القياس كوب الجبن المتوسط)
2 فنجانين سكر
2 ملعقتين خميره
2 ملعقتين بيكنج باودر


1 كوب زيت ( القياس كوب الجبن المتوسط)



اول شي نخلط مواد اولى ويا بعض ونخلها بمله روحه

ونخلط المجموع الثانيه مع بعض ونصبها فوق المجموعه الاولى

ونخلط واخر شي نصب كوب زيت مع العجن لمده 10 دقايق كل مازاد العجن كل ما صارت العجينه احسن

ونتركها ترتاح لييييييييين تنتفخ
انا خليتها ساعه وشي انشغلت عنها




بالصـــــــــور

هذا قوطي سميد ---- الجيله


هذي ملعقه حليب النيدو


هذي ملعقه ملح


هذا قياس كوب ماي


هذا فنجان سكر


هذي ملعقه خميره ونفسها ملعقه بيكنج باودر بس نسيت اصور


هني يوم خلطنا الماي والشكر والخميره والبيكينج باودر لاتنسون ماي دافي عشان تخمر العجينه عقب



هذي يوم خلطتها بسرعه اخلطوها وصبوها ع المجموعه اولى لان البيكنج باودر عقب تروح رغوتها


وهنيه صبيتها على الطحين والحليب بودره والملح


وهذي بعد ماخلطتها

المزيد من آخر المواضيع من نفس القسم:

• طريقة عمل فطيرة البصل المكرمل
• طريقة عمل خبز السميد السهل
• طريقة عمل فطيرة الكفتة السهله
• طريقة عمل عمل فطيرة التفاح السهله
• طريقة عمل عجينة العشر دقائق السهله
• طريقة عمل فطيرة المانجا السهله
• طريقة عمل فطيرة السبانخ السهله حصري
• طريقة عمل البان كيك السهل
• طريقة عمل عجينة السينابون الهشة
• طريقة عمل فطيرة الطماطم السهله حصري

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[ro0o0osa]

هذا زيت قبل لا اصبه



هذا يوم صبيته


يوم عينتها بعد ماصبيت زيت لازم اتمووووون 10 دقايق لو تكثرون عادي تخليها احسن

واذا لصقت بايدكم زيدو زيت عليها شوي




هذي بعد ماخلصت عيييين (عجن)




بعد ماطافت ساعه وشي شوفو كيف منتفخه






سوييييييييييييييت بكل هذي العجينه
بيتزا مستطيله مكوناتها
قليت بصل عقب فلفل بارد وطماط وحطيت وشوي صلصه طماط وزعتر لطعم

فردت عجينه ع شكل مستطيل ووسويت فيها فتحات عشان يوم تنتفخ ماتورم صوب وصوب ضعيفه
وصبيت صوص وفوقه جبن موزريلا خليتها تستوي من تحت ومن فوق

هذي صورتها



وبعد سويت بيتزا نوع ثاني
بصوص كاتشب ومايونيز مسحت بطبقه خفيف ه بعد ماشكلتها ع شكل دواير صغار
وحطيت طماط سلايس وفلفل بارد وزيتون اذا تبون فطر او اي شي تحبونه وجبن موزريلا

وبعد سويت فطاير لبنه بالموزريلا وااااااااايد لذيذ

هذي صوره





وبعد سويت خليه نحل بجبن كيري

وصبيت شيره محليه طعمها

طريقتها

كوبين شكر
كوب ماي
وقطرتين ليمون
وعود جرفه
وكم حبه هيل
وماي ورد

خليتها يستووون يوم خلصت ظهرت الجرفه و هيل وخليته بالثلاجه لين يبرد وصبيته ع الخليه وهي حاره

هذي صورتها











وجاااااااااااااااااان اخلص تعبت


بالهناء والعافيه لكل من تسويها

اي سؤال انا حاضره

[ro0o0osa]

http://forum.uaewomen.net/showthread.php?t=248851


هذي اشكال ثانيه جان بتسوووون بها لاني كميه هذي عجينه كفتني لهذا وكنت مستعيله وانا اسويها ماقدرت اسوي اشكال واراويكم

[غرام_الحب]

تسلم الايادي

[عالية الشان@]

يسلموووووووووووو

[الهدى1]

تسسسسسسسسسسسسسسلم الأيااااااااااااااااااااااااادي

وننتظر جدييييييييييييدج يلااااا رمضان قريب

[فتوش]

يميييييي...

مشكووره الغاليه ..
و ان شاء الله بجربه ف رمضااان ..
سلمتي

[دبويه2007]

تسلم يمناج الغالية الله يعطيج العافية ..

[moja1979]

يسلموووووووووووو

[جود الإمارات]

مشكورة

أختي أنا دخلت الرابط وشفت سينابون والدونات يعني من نفس العجينة؟

وإذا نفس العجينة كيف اسوي السينابون وشو أحط عليه ؟
وجزاك الله خير

[sara_1982]

يسلمو يا عذووووجه العجييبه =) على هاليمي اللي مسويتنه

انا ما شفت الا الصور ويعت!!

يالله طرشيلي بالشحن =)

[ro0o0osa]

يسلمو يا عذووووجه العجييبه =) على هاليمي اللي مسويتنه

انا ما شفت الا الصور ويعت!!

يالله طرشيلي بالشحن =)

هههههههههههههههههههههههههه

عذوجه لا يخسج يالدبه

لو اقدر كل وجبه بطرشلج من عيوني

^___________^

[sara_1982]

هههههههههههههههههههههههههه

عذوجه لا يخسج يالدبه

لو اقدر كل وجبه بطرشلج من عيوني

^___________^

يسلمووو حبيبتي والله فيج الخير ماتقصرين =)

[ro0o0osa]

مشكورة

أختي أنا دخلت الرابط وشفت سينابون والدونات يعني من نفس العجينة؟

وإذا نفس العجينة كيف اسوي السينابون وشو أحط عليه ؟
وجزاك الله خير

هذي العجينه تقدرين تسوين فيها السينابون عندي ثانيه بعد احلى لسينابون


مهم اي عجينه انتي معتدمتنها عندج حتى لو هذي عااااااااااادي


تفردينها ع شكل مستطيل وترشين جرفه بودره وتلفينها ع شكل اسطوانه
وتقطعينه بيطلع لج كله روووول وداخله جرفه


صفيها بالصينيه خليه يحمر من تحت وشوي من فوق


طلعيه وحطي صوص عليه

الصوص ابيض تسوين 3 جبن كيري ( اذا ماعندج جبن ابيض مب كرافت)

وعلبه حليب مركز ويا بعض وتخلطينهم عدل وتصبينه فوق السينابون

اذا ماتحبين صوص ابيض

حطي صوص كاكاو وبعد انثري شوي جرفه بودره

و مكسرات اللي تحبينه

واذا تبين نارجيل مبشور بعد عادي

يستوين تحطين صوص ابيض و صوص كاكاو وتحطين المكسرات وترشين جرفه فوقه بعد

وبعد يستوي تحطين توووفي يطلع لذيذ


يوعتيني ابااااااااااا

شوفي هذا بعد هذا سهل


سينااااابون سهل وسريع يأخذ 10 دقايق بس (((صوره)))
http://forum.uaewomen.net/showthread.php?t=292237

[ro0o0osa]

مشكوراااااااااااااااااااااااااااااااااااااات



خواتي ع المرور