قصتي ما بتخطر على بالي حدا نهائيا

[مدار الزمن]

بسم الله الرحمن الرحيم

متل الباقيين انا اترددت كتير قبل ما اكتب مشكلتي , بس رب العالمين بيشهد كم نفسيتي تعبت من هاي القصة وقلت يمكن الاقي الحل هون من الاخوات او اقلها نصيحة

بدأت قصتي من لما اجيت على الامارات اتزوجت وانتقلت هون للعيش بالامارات ولانه معي شهادة بكالوريوس في ادارة الاعمال وحصلت عليها من جامعة حكومية من بلدي بتفوق قررت اكمل مسيرتي وابحث عن عمل بالامارات لانه الغربة صعبة بين اربع حيطان ما بعرف ناس كتير وما بقدر اطلع لوحدي نهائيا لاني بالاصل ما بعرف شي بالبلد , وتنازلت عن فكرة العمل لما عرفت اني حامل وانتظرت لحد ما خلفت بنوتي وكبرت شوي وكان بنفس الوقت طلعلي شغل ببنك متل ما انا حابة لكن المفاجأة كانت ما بيتصورها عقل بني ادم مدير زوجي بالشغل وهوة طبعا من نفس جنسيتنا زعل وعصب وهدد زوجي انه يسكر المكتب اللي زوجي بيكون مديره بدبي وينقل زوجي للمكتب الرئيسي بابو ظبي طبعا بموقع وظيفي اقل ولاني انا ما راح اقلب الدنيا فوق وتحت قررت اترك الشغل من تاني دوام وجلست بالبيت ورجعت اعيش حالة الاكتئاب اللي استمرت فترات طويلة لدرجة اني انسيت كيف الناس بتضحك او مبسوطة والله اعلم بكل اشي صارلي حتى مشاكل مستمرة بيني وبين زوجي لانه عصبيتي زادت .

المهم بعد فترة اتصل فيني زوجي وخبرني انه اذا حابة اشتغل عنده بالمكتب انا طبعا فكرت فيها ويا ريتني رفضت على طول لانه بالاصل كان اقتراح من مديره الله يسامحه طبعا الشغل كان نهائيا مو طموحي لانه انا انسانة بحب الشغل وبحب ضغط الشغل وبحب الاستقلالية وبحب التطور بالعمل بس ما كان بايدي خيار تاني الا اني اوافق لانه اذا فتشت على مكان تاني راح يرجع تهديد المدير لزوجي وانا ما بدي اخرب على زوجي ما بيستاهل الا كل خير

وطبعا بلشت اشتغل عنده والدوام كان طويل من الساعة 8 لغاية الساعة 5.30 ولانه الشغل بدبي كنا نوصل البيت الساعة 7 او 7.30 طبعا كل هاد غياب عن بنتي واروح البيت مو قادرة حتى الاعب بنتي من التعب مو من الشغل نفسه لانه الشغل يا دوب اول ساعتين وبعدين ما في اشي بس من الازمة بالطريق وغير هيك الوحدة بالمكتب لانه ما فيو حدا الا انا وزوجي وطبيعة عمل زوجي بتقتضي انه يطلع من المكتب طول اليوم وطبعا ببقى لحالي طول اليوم بين اربع حيطان يعني اللي هربت منه من البيت لحقني بالشغل هربت من الوحدة لقيت وحدة اكبر وهم اكبر ولكن الحمد لله

المشكلة اني مو مرتاحة نهائيا بالشغل لكن مو عارفة شو اعمل بدي اشتغل بدي احسن من وضعي النفسي والمادي ولكن الحمد لله ما لقيت غير الهم والهم والهم بالشغل هاد والمشكلة ما في بديل والمصيبة الاكبر من هاد كله انه كنت كل ما اتخانق مع زوجي ما اروح الدوام ومن كرهي للشغل اغيب باليومين والتلات والاربعة وكله بحسابه ولما اصحى الدوام احس اني رايحة على مقبرتي

لكن قلت لمتى هاد الحال راح يطول قررت اترك الشغل مع زوجي على امل انه نحاول نوصل لنتيجة مع المدير على اساس اذا اشتغلت بمكان تاني ما يأذي زوجي ولا ينقله
وانا حاليا بالبيت ولما سألني المدير ليش تركتي خبرته بنتي بحاجتي اكتر من الشغل والدوام طويل وهوة طبعا حكالي اذا دك متى ما قررتي ترجعي بعملك الدوام يناسبك اقل ساعات لكن لو سمعت انك راح تشتغلي بمكان تاني ما راح يصير طيب .

وقبل فترة رجع المدير سأل زوجي انه سمع من ناس انه انا بشتغل بمكان تاني زوجي طبعا حكاله لأ ما اشتغلت لسة وانا فعلا لهلأ ما اشتغلت وطبعا المدير كعادته بيحكي لزوجي لا تنسى انه احنا وقفنا معك كتير وساعدناك يعني بالعربي محمله جمايل والله الغني ما بعرف شو ممكن يصير معي لاني بحالة اكتئاب مستمرة ومرعبة وخايفة على نفسي اوصل لمراحل اكبر من هاي اتعبت بكل معنى الكلمة تعبت كتير من القعدة بالبيت بدي احقق طموحي ونفسي اتعرف على ناس اشتغل مع ناس اتعلم اشياء جديدة بس بنفس الوقت ما بدي اضر زوجي

انا مو عارفة شو اعمل فكرت احكى مع المدير وافهمه الوضع وانه ليش بدي اشتغل بمكان تاني بس زوجي رافض واقترحت عليه نوسط ناس بالحكاية وبرضه ما وافق شو اعمل ؟؟؟؟

اللي بدي اياه اسمع نصائح منكم اخواتي بلكي رب العالمين بيفرجها علي وعلى الجميع واستفيد منكم واحسن نفسيتي

المزيد من آخر المواضيع من نفس القسم:

• لأنّه جعل الفقير ييعش مع المؤمنين لا مع...
• الإكتئاب طاعون العصر الحديث بحث مرجعي...
• كيف تكون إيجابيا ؟
• كيف تتعامل مع ذاتك بطريقة صحيحة؟
• كيف تقوي ذاتك؟
• كيفية تطوير الذات بطرق بسيطة
• افضل طرق لتطوير الذات وزيادة الثقة بالنفس
• اهم المهارات التي تحتاجها لتطوير الذات
• طرق تطوير الذات في مجال العمل
• اقتباسات ~ مُهرة القَصر

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[غــلاوي]

و مدير زوجج شو يخصه في شغلج انتي

يا سبحان الله

الل يفرجها عليج اختي

[نقطة تحول]

ومدير ريلج ليش يتدخل في شغلج هو يدفع راتب لزوجج والا لج
وبعدين ما ادري ليش ريلج متحمل خليه يدور شغل ثاني في مكان ثاني احسن له عن هالمذلة وعيشي حياتج وانتي مرتاحة بدون هم وقلق

[Nadayeh]

الله يفرجها عليج

[صمبوخه]

الله يفرجها عليج حبوبه



ماله دخل اصلآ المدير فيج

سيرو اشتكو عليه..وافتكو من شره

[مدار الزمن]

اما حد بيحس بالمصيبة الا صاحبها , انتم تقولون ليش يدخل لانه هوة صاحب المكتب وانا اشتغل عنده كنت اشتغل عنده وزوجي مدير المكتب بس برضه هوة يشتغل عنده واتاني شي هوة هاد المدير اللي جاب زوجي من بلدنا وعلمه وشغله وساعده في امور كتيرة وزوجي وفي واذا اصلا فكر يفتش مكان تاني ما بتعرفو شو ممكن يسوي لزوجي خصوصا انه زوجي اتعود على شغله ومرتاح فيه وما راح يعض الايد اللي اتمددتله , وانا شو دخلني صح كلامكم هوة مفروض يكون المدير احكم من هيك ويعتبرني موظفة وتركت من عنده مو يحط زوجي بالنص عشان يضغط علينا بس شو اعمل انا ما بريد خراب بيت زوجي وبنفس الوقت ما بدي اخرب بيتي انا وما بدي اشتغل عنده شو اعمل

[hooria2008]

صج والله شو دخل المدير فيج؟؟
الله يفرجها عليج اختي ..

[حلوه بس متينه]

ليش زوجج يخلي مديره يسيطر عليه وعليك انتي ؟؟؟؟ هو ماسك عليه شي ولا شو يبي منكم بالضبط؟؟ ماله حق يتدخل في شغلج!!! فهمينا شو السالفه بالضبط

[نبضة أمل]

نعم الشغل فيه منه وتعالي من الغير متعب للموظف
وأستغرب تحكم المدير..

مالي غير الله يفرج عنج وعن زوجج
صراحه وضع صعب..والعمر يخلص والشغل ما يخلص

لابد من تفكير عميق من قبل ناس فاهمه
كيف تخلصج من وضعج..لأن وضعج لا يحسد عليه

كان الله في عونكما

[مدار الزمن]

اختي حلوة بس متينة

اقسم بالله العظيم انه مو ماسك على زوجي شي بس هوة مفتري الله يجيرنا منه , لانه هوة اللي جاب زوجي هون ولانه صاحب مال وغنى والله الغني عنه محمل زوجي جمايل هوة بيقول انه بيعامل زوجي زي اخ اله ساعدنا بامور كتيرة ربنا يشهد على هالشي , وزوجي مو خايف منه بس انا ما بدي اخرب بيت زوجي خصوصا انه مرتاح بشغله ومبسوط انا ما بدي اضل ازن على راسه خايفة يعمل مشكلة كبيرة كتير لانه عصبي زوجي انا بحاول اخد الامور برواق اكتر لانه وانا بشتغل طلعلي شغل ببنك الشارقة الاسلامي وخبرت المدير وطبعا قلب الدنيا على راسنا وحكا لزوجي بتسكر المكتب وبترجع هون على المصنع وبحكم اصلا الصداقة بين زوجي وبين المدير واخوانه اللي بيعتبرهم زوجي زي اخوانه مو حابب يترك الشغل بس يومها زوجي عصب كتير وحلف الا يترك الشغل ويقتل المدير وبتعرفو وقت العصبية بيحكي الواحد كل شي لكن لما انا شفت زوجي بهاي الحالة حكيتله خلص وكلها لرب العالمين ربنا ما بيضيع اجر حدا وما رحت على البنك وتميت اشتغل عنده لكن تاني يوم من كتر ما زعلت وكتمت جواي عملت عملية الزايدة والحمد لله على كل شي . بس صدقوني ما في مماسك على زوجي ولا شي

[بهلولة]

يعني المدير يعطي مني ويذل مني
الله اكبر على ناس مثل جي
والله الغاليه ما عليج غير الدعاء
بصراحه قهر ومذله ...يعني بالعقل ريلي يشتغل عند واحد...هو شو شغله فيني
بس هذا استبداد
الله يعينكم عقب يوم بنتكم بتكبر بيقول بعد لازم بنتكم تشتغل عنده ولا بيطرد ريلج
الله المستعان

[طي السنيين]

أختي حاولي تشغلين نفسج بالبيت قراءة كتب أو سماع أشرطه مفيده أو ممكن تدخلين دورات أو تحفيظ قراءن وهو الأفضل

ولا تفكرين وايد بأمور تسبب لج الهم أذكري الله وإستغفريه بوقت الفراغ والله يعينج وعليج بالدعاء وإحملي الأطفال يملون عليج البيت والفراغ

[مدار الزمن]

ايه والله انك صادقة يا بهلولة بكرة بييجي اليوم اللي بيقول انه بنتي كمان لازم تشتغل عنده
الله يعيني على ما ابتلاني بس شو اقول انا اقوم الليل كل يوم واصلي وادعي واقرأ سورة البقرة واقوي صلتي برب العالمين مو بس عشان هاي المشكلة لكن كتير بتمر علي افكار انتحر وارتاح عشان هيك بقوي صلتي برب العالمين يفرج همي واضل في اتصال دائم للكريم الرحيم

[مدار الزمن]

اختي طي السنين
انا دايما اسمع اشرطة مفيدة دينية وحاليا بسمع الدار الاخرة للدكتور عمر عبد الكافي وكل ما اسمع شريط احس انه الدنيا ما بتستاهل اللي بنعمله بحالنا بس برضه انا انسانة ما اقدر افكر بكل شي وانسى نفسي وانتي تقولين احملي كيف اختي الوضع ما يسمح وانا ما افكر اجيب اولاد واظلمهم بالحياه انا مأجلة الموضوع شوي لحتى ربنا يفرجها صح انه رب العالمين الرازق بس كمان اعقل وتوكل الله يعين كل الناس

[( درر )]

ياقلبي مالج غير انه ريلج يغير مكان شغله عسب تفتكون

من هالمدير قطاع الارزاااااااااق ,,,