بنتي والعصير

**ام ماريا1** · 2008-08-18, 16:12

هلا خواتي

بنتي عمرها سنه ونص وما تحب تشرب اي نوع من الحليب بس تشرب واايد عصير لاكنور كوكتيل فواكه الين ما غدت اسنانها صفره جربت وياها حليب مراعي ماتقبلته وحليب فراوله شربته شوي وتركته

فحبيت اعرف منكم شو الحليب اللي يناسبها ؟

المزيد من آخر المواضيع من نفس القسم:

**ام القرى** · 2008-08-18, 17:11

والله انا بعد نفس الحاله ويا ولدي ياريت اللي عندهم طريقه حلوه انخلي الياهل يشرب الحليب يفيدنا

**أم_أسماء** · 2008-08-18, 18:29

انا شفت هالطريقة في سوبر ناني ونفعت ويا عيالي
غيرت انواع الاكواب وياهم واشتريت اشكال احلى ومغرية تخليهم يحبون يشربون
ما أحبسهم في البيت واجبرهم ع الشرب يعني اطلعهم مرات حدايق او العاب واعطيهم شي يشربونه
االعصاير الطازجة لذيذة وأفيد وفي كل مرة جربي نوع مع الطفل وشوفيه شو من الانواع اللي بيحبها اكثر
يوم بتشربينهم العصير او الحليب حطي وياهم في الصحون الخاصة فيهم مثلا فراخ "بوب كورن" او قطع بسكوت او قطع فواكه مشكلة.
شجعي الياهل وقوليله انت شاطر وانت قوي ووو وبيتشجع اكثر اذا مثلا كان ويا شلة يهال من عمره سواء من الاهل او الاصدقاء
مرات الهال يحبون ياكلون ويشربون وهم يطالعون برامجهم المفضلة او الرسوم
شجعيهم بالهدايا او التصفيق والمديح
وعموما لا تضغطون ع الياهل واايد بالشرب والاكل يعني التنويع في الاطعمة وتغيير الجو له دور بفتح شهية الطفل.

هالاشياء اسويها ويا بناتي وماشاء الله نفعت وياهم
وكل شي يباله صبر
والله يحفظ عيالكم يارب

**ام ماريا1** · 2008-08-18, 23:51

تسلمين ام القرى عالمرور

تسلمين ام اسماء على الفكره الحلوه وان شاء الله بجرب طريقتج

**شوكولاتة76** · 2008-08-20, 14:54

جربي تعطيها داناو (عصير بالحليب)

**بنت دار زايد وأفتخر** · 2008-08-20, 15:43

نفس المعاناه ..

ولدي مدمن على شرب كوكتيل لاكنور وما يرضا يشرب الحليب أبداااااااااااااا...

**مجنونة زماني** · 2008-08-20, 18:52

بقولج شي بصراحه .. انتي الغالطانه ... يعني لو انتي ما شريتيه كيف بتشربه ؟؟؟
انتي محطتنه جدامها و اكيد كرتون كرتون .. و يلا لا تشربينه ..
هيه سنه و نص يعني ما بتتصل في الدكان الو رفيق واحد عصير كوكتيل حقي ..

لا تشترينه و قفيه ما بتموت هيه عطش ولا انتوا ..
و مثل ما قالت الاخت اسما .. كوب مزيون عليه رسمه هيه تحبها و انا لو عنج واحد حقي و حقها .. ترا الياهل يحب يقلد .. لو شافتج انتي تشربين بتشرب .. انا عن نفسي كنت اشتري حق بنتي ماك من لايف ستايل .. حقي و حقها .. و بعدين قامت تكسرهم قمت اشتريلها اللبلاستك ..

و انتي عاد سويلها عصاير .. او يوم بتسوين حليب وديها معاج يوم بتغسلين الاكواب يعني نوع من المشاركه هيه صغيرة و مب زين تخلينها تودر الحليب ..

الموضوع: بنتي والعصير

أدوات الموضوع

عرض

بنتي والعصير

المزيد من آخر المواضيع من نفس القسم:

المواضيع المتشابهه

ساعدوني في نافورة الشوكلاته والعصير ؟؟؟؟؟

سر بنتي؟؟؟؟؟؟؟

بنتي

:) استفسار .. بخصوص ثلاجة الشيبس والعصير :)