درس عمل ورقة دفتر

**Um.AbdullaH** · 2008-08-17, 04:43

بسم الله الرحمن الرحيم

السلام عليكم ورحمة الله وبركاته

من زمان ما دخلت قسم الفوتوشوب... بس مطول الغيبات جاب الغنايم ^_^

قلت بسوي درس بسيط علشان عيونكم الحلوة ^^

اتبعوا الخطوات...

نبدا بسم الله...

أولاً....

افتحوا المقاس اللي تبغونه...

بعدين اختاروا أداة رسم المربع ذو الأطراف المدورة وأكدوا على هالخصائص

وبالنسبة للـRadius فانتوا اختاروا الرقم اللي تبونه وآنه حطيت 40 لأني أحب الأطراف المدورة وايد

الحين حطوا لاير جديد وسموه "ورقة" علشان ما نلخبط

واختاروا اللون اللي تحبونه والأفضل يكون فاتح ورسموا مستطيل بالحجم اللي تحبونه

عقب نبي نشيل الأطراف المدورة اللي فوق... في أكثر من طريقة بس اخترت لكم أسهلها

حددوا جزء من المربع من الناحية اللي ما مدورة "لا تقربون من الأطراف"

وضغطوا الحين على 3 أزرة من الكيبورد (shift - ctrl - alt) وانتوا ضاغطين عليهم اسحبوا بزر الماوس لفوق وغطوا المنطقة المدورة

الحين شيلوا التحديد... وبنسوي فتحات للورقة من فوق...

حطوا لاير جديدة فوق الورقة وسموها "فتحات"

خذوا أداة الدائرة والتزموا بهالخصائص

ارسموا دائرة صغيرة بحجم الفتحات اللي تبونها وتكون بلون مخالف... وآنه اخترت الأسود

الحين كرروا الدوائر "نسخ ولصق" أو كرروا اللاير بالضغط على ctrl+j وبعدين حركوهم وخلوهم على أبعاد متساوية... ودمجوا كل الدوائر في لاير وحدة

المزيد من آخر المواضيع من نفس القسم:

**Um.AbdullaH** · 2008-08-17, 04:45

الحين حددوا لاير "فتحات" بهالطريقة

بعدين اختاروا لاير "ورقة" واضغطوا على زر delete من الكيبورد وارموا لاير "فتحات" في الزبالة

الحين نختار أداة الكتابة ونكتب "نقوط" أو "خطوط" <<<مو الكلمة أقصد "........" أو "--------" علشان نسطر الورقة ونخليهم بنفس العدد لكل سطر واختاروا الخط اللي تحبونه واللون اللي تبونه ^^

ادمجي الكتابة مع الورقة بزرّين ctrl＋e فبتلصق على الورقة... فروحوا على البلندنغ أوبشنز...

واختاروا الظل

فبتصير بهالشكل

ونكون خلصنا درسنا ^_^

ممكن تسوونها على أي تصميم تحبونه ^^

وهاي نتيجتي...

الحين رووني تطبيقاتكم الحلوة ^^

تحياتي

أم عبد الله

**حورية الجنة** · 2008-08-17, 17:32

مشكورة أختي ع الدرس الحلو بس الصراحة هالخطوة ما ضبطت عندي

وضغطوا الحين على 3 أزرة من الكيبورد (shift - ctrl - alt) وانتوا ضاغطين عليهم اسحبوا بزر الماوس لفوق وغطوا المنطقة المدورة

يعني لما أضغط ع الأزرار المطلوبة تكون النتيجة

أتمنى تعطين حل عشان أقدر أكمل بقية الدرس الحلو

**Um.AbdullaH** · 2008-08-17, 20:43

حبيبتي في طريقة اسهل
تحددين المنطقة اللي في النص مثل ما انا سويت وتضغطين Ctrl + Alt ، وانتي ضاغطة عالزرين تضغطين على السهم اللي تحت مرة وحدة - اسهم الحركة - عقب هالضغطة بيصير عندج المحدد بروحه وحركيه لفوق مكان المدور وراح يصير معاج
جربيها وقولي لي

**حورية الجنة** · 2008-08-18, 17:22

يزاج الله خير أختي بجرب و بخبرج ...

**Um.AbdullaH** · 2008-08-19, 06:06

بس طالبة وحدة

وين باقي الطالبات

ليش الدرس مو حلو

انتظر تطبيقج حبيبتي ^_^

**طيبة** · 2008-08-19, 18:46

الدرس حلوووو واااايد

والحين بطبقه

**Um.AbdullaH** · 2008-08-19, 18:56

انتظر تطبيقج ^^

**طيبة** · 2008-08-19, 19:27

رجعت مع التطبيق
[IMG]

[/IMG]

انتظر رايج وتعليقج

**Um.AbdullaH** · 2008-08-19, 23:44

ما شاء الله عليج اختي تطبيقج مضبوط 100%
أشكرج على المشاركة ^_^

**طيبة** · 2008-08-21, 00:04

مشكورة ام عبدالله
وبصراحة الدرس عجبني عشان جيه طبقته على طول

ننتظر المزيد

**Rha** · 2008-08-24, 23:57

الدرس حلوووو واااايد

مشكوووووووووووووووره

**أم ذيـاب** · 2008-08-26, 01:52

رووووعه .. ان شاء الله برد بتطبيقي للدرس

**أم ذيـاب** · 2008-08-26, 15:28

... تطبيقي ...

.
.

**AM MAKTOOM** · 2008-08-26, 20:12

مشكوره الغاليه

الموضوع: درس عمل ورقة دفتر

أدوات الموضوع

عرض

درس عمل ورقة دفتر

المزيد من آخر المواضيع من نفس القسم:

المواضيع المتشابهه

عندما تسقط ورقة تتبعها ورقة ..

ها هي تسقط ورقة ورقة...............!!

دفتر درجات ؟؟

دفتر سن توب