حملات الحج الإماراتية ( اقلطي وفيدينا )

[نور]

مرحبا خواتي

خل نفتح هالموضوع للنقاش عن حملات الحج الإماراتية وشو الأقضل

وكل وحدة حجزت السنة للحج تخبرنا على أي حملة حجزت وكم خذوا عنهم

و اللي راحن الحج السنوات اللي فاتت

خل يخبرننا بتجاربهن ومزايا ومساوئ الحملات اللي تعاملوا وياها

نترياكن

المزيد من آخر المواضيع من نفس القسم:

• حكم لف المحرم الرباط الضاغط على الفخذ...
• التبرع بنفقة الحج لأم الزوجة
• بيان تحية دخول المسجد الحرام
• حكم أداء السعي للحائض في العمرة
• حكم النيابة عن الغير في حج التطوع للقادر عليه
• حكم رمي الحصيات السبع دفعة واحدة
• كيف نستقبل الحجاج
• حكم من ترك السعي في الحج أو العمرة
• حكم تغطية المحرم بشيء يتدفأ به
• أداء عمرة عن الغير خلال مناسك الحج

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[أم عزه]

مرحبا..
أنا سمعت من تجارب اللي ساروا الحج إن حملة الشروق وحملة الفجر من أحسن الحملات لأن نظامهم كويتي.. ومرتبين واايد.. أختي بتسير السنه وبسألها عن التفاصيل يوم ترد بالسلامه إن شاء الله..

[توته الحلوه]

ناويه اسير هالسنه ان شاء الله

ويا حملة الدويسات هذي الحمله كويتيه بس عندهم وكيل ف الامارات وايد يمدحونهم بس لين الحين ما جربتهم وسعرهم بالنسبه لحملات الامارات وايد سعرهم ممتاز
على الدرجه الاولى ف طيران الاماارات والسكن ف بنايه يديده من سنتين ف العزيزيه 16 الف و700 درهم

سعرهم وايد احسن عن اسعار حملات الامارات

[m123]

حملة بن سباع زينة وسعرهم العام 12000 . وانا العام رحت ع حملة كويتية اسمها حملة الهولي ووايد روووعة وعندهم وكيل فالامارات وموقعهم على الانترنت وسعرهم العام 8600 من غير التذكرة ....

[4you]

حملة الشروق حمله ممتاز انا رحت معاهم مرتين واكثر الي راحو معاهم .. راحوها مره ثانيه مع مجموعه يديده من اهلهم او ربعهم ... حمله فعلا ممتازه .. ومعاهم اداريات فنانات .. وعلى مااعتقد ان سعرهم السنه هذي 18000 مو اكيد

[سلرا]

تحملوا من حمله الشريعه سرنا معاهم وتبهدلنا بهدله ما عقبها بهدله

[فطامي 20]

مرحبا الغاليات ...اشحالكن ...عساكن بخير

الصراحة بالنسبة لي ... حملتنا اللي نروح وياهم دوم ( وما نبدلها الصراحة عسب انهم وايد زيننين وخدمتهم درجة أولى ) هي حملة الرحمة بدبي .... وهاي السنة عاد مسويين برنامج واحد بس
برنامجهم هو الحج السريع فقط وفقط خيم خاصة يعني VIP وبعد سفرهم بالطائرة الخاصة وربي يوفجهم واللي تبى خدمات VIP انصحها بهالحملة ومتأكدة ان شالله انها بتدعيلي.... وبالتوفيج ان شالله

[al7oor7]

مرحب خواتي
انا السنه حاجزه عند حملة الفجر من الشارجه يمدحوونها وايد ساير نسيبي العام والسنه بعد وايد حاجزين عدهم خدماتهم وايد اوكيه واسعارهم طيبه 12800د للنفر>>حجه سريعه

[شمـــ وفا ـــعة]

أنا عن نفسي سجلت ويا ريلي في حملة طيبة اللي في الشارجة بس حج سريع..
مدحولنا إياها وأسعارها مناسبة.. 11800 للشخص الواحد والسفر من مطار دبي عالطيارة السعودية..
بس الحملة لا هي خمس نجوم ولا بدون نجوم.. الحمدلله عندهم سكن وبوفيه أكل وكرمتوا حمامات خاصة..
الله ييسر علينا وعلى الجميع ويسهل علينا هناك...

دمتم بود..

[أسماء2]

أنا إن شاء الله بروح مع أهلي حملة الإستقامة بالشارقة وبنروح قبل الحج 3 أيام المدينة وعقب طبعا الحج وطلع علينا 17200 درهم .....

[توته الحلوه]

مرحبا الغاليات ...اشحالكن ...عساكن بخير

الصراحة بالنسبة لي ... حملتنا اللي نروح وياهم دوم ( وما نبدلها الصراحة عسب انهم وايد زيننين وخدمتهم درجة أولى ) هي حملة الرحمة بدبي .... وهاي السنة عاد مسويين برنامج واحد بس
برنامجهم هو الحج السريع فقط وفقط خيم خاصة يعني VIP وبعد سفرهم بالطائرة الخاصة وربي يوفجهم واللي تبى خدمات VIP انصحها بهالحملة ومتأكدة ان شالله انها بتدعيلي.... وبالتوفيج ان شالله

شو اسعارهم

[سلرا]

الله يسهل ويسر امر كل من ناوي الحج ويتقبل منهم وياجرنا معاهم

[أخت القمـر]

مرحبا خواتي ان شاءالله بسير هاي السنه الحج السريع عشان اعيالي ما اروم اهدهم واغيب عنهم وايد بسير ويا حملة الفجر وخذو عني 12900 بنسير16/12 وبنرجع24/12

[الزينـ كله]

اللي بيسيرون يدعولي اسير من زماااان بخاطري اسير الحج....


والله يحفظكم ويحفظ جمييييع المسلمين وتروحون وتردون سالمين ....

[نور القمر2000]

ادعولي بالتوفيق انا بسير الحج هاي السنة ان شاء الله

مع حملة الفجر .. بصراحة وااااااااااااااايد يمدحونها وانا اول مرة اسير مع هاي الحملة
الحج السريع بـ 12900 درهم من 16 /12 الى 24/12
بس البارحة قالوا انهم الغوا برنامج وخلوه من 15/12 الى 24/12