سحب ماركة "Nina Ricce" من باريس غاليري

[كو كو شانيل]

السلام عليكم ورحمة الله وبركاته

الأسبوع اللي فات رحت باريس غاليري اللي في الخالدية

ولاحظات انه ماركة "نينا ريتشي" موب موجوده .. ولما

سألتهم قالولي سحبوها من المحل وطبعا قالوا انهم مايعرفون السبب.

أنا عندي بعض مستحضرات نينا ريتشي بس بصراحة خايفة يكون

طلع فيها شي مضر..بس بعد ما حبيت استعيل وارميهم.

ياليت اللي عندها فكره عن هالشي انها تخبرنا..

وتسلمون.

المزيد من آخر المواضيع من نفس القسم:

• طريقة تنظيف البشرة من المكياج بخطوات سهلة...
• طريقة تطبيق الكونسيلر لاخفاء الهالات السوداء
• اسرار تطبيق كريم الاساس كالمحترفين
• طريقة تثبيت الروج في الصيف لفترة طويلة
• فوائد مناديل ازالة المكياج وطريقة استعمالها
• فوائد المكياج المقاوم للمياه وطرق ازالته
• طريقة تثبيت الايشادو لاطول فترة ممكنة
• طريقة تطبيق مكياج طبيعي وخفيف في رمضان
• طريقة تثبيت الكونسيلر لوقت طويل
• بالصور افكار لتنظيم المناكير سهلة وعملية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[أم أحمد]

هلا حبوبة لا تحاتين إن شاء الله خير

لأنه مرات باريس جاليري يسحب ماركة معينه

لأنه راح ينزلون عبوات جديدة الها بستايل جديد

فالجديم يشيلونه ويخلونه للتنزيلات

أوعلى حسب الفرع اللي سرتيه لأنه في فروع يلغون منها ماركات معينة

لأنه ما عليها إقبال في هذا الفرع فقط

ويحطون الماركة في فرع ثاني

إن شاء الله يكون الموضوع شي من هالنوع

[صبح وليل]

الله يستر

[DesigneR StylisH]

ما اعتقد في شي .. لأني اليوم سرت اريج
.. وموجوده عندهم ....

[المخملية]

ماضنتي فيها شي بس مثل ماقالت أختي بنت زايد الضاهر ماعليها أقبال فالفرع عدكم

[العيناوية]

ما اعتقد .....نينا ريتشي معروووف

[ام حميد]

نيناريتشى ماركة معروفة وعليها وايد اقبال
بس انا سمعت من فترة انه الشركة ما بتنتج مكياج خلاااااااااااص
فقط جنط وجلود

[BntZayed]

يمكن صدق خلاص ما بينتجون مكياج :22 (14):

الاني سرت ديوتي فري اله في مطار دبي وطلعوا حتى هم شالين الماركه من عندهم

ولا غير جي الله يستر زين ماتطيج ويوهنا:1 (84):

[شيما]

الله يعينج

[saasmo]

فعلا شغله مهمه الواحد لازم يسال بس يمكن سبحان الله مثل ما قالوا البنات

[مليكة هوى]

السلاااااااام عليكم ورحمه الله وبركاته

صحيح ان هالماركه شلوها ومابترجع خلاص نهائيا لسبب وجيه وهو انه وحده من شيخات الشارجه تستعمل هالماركه وصارت لها حساسيه مب طبيعيه واتشوهت بشره ويهها بدرجه رهيبه ولهالسبب منوعها ك ميك اب والله يعين اللي يستعملن هالماركه ويعديها عليهن ع خيــــــر :22 (19):

[9sudfa]

اللي اعرفه ان المكتب الأصلي سحب الماركة من الإمارات وماركة روشاااس والله اصيح عليها لكن احاول احصل بديل لقلم الكحل اللي ماااي سييح واسود فحم ----------

[اناناسة]

السلاااااااام عليكم ورحمه الله وبركاته

صحيح ان هالماركه شلوها ومابترجع خلاص نهائيا لسبب وجيه وهو انه وحده من شيخات الشارجه تستعمل هالماركه وصارت لها حساسيه مب طبيعيه واتشوهت بشره ويهها بدرجه رهيبه ولهالسبب منوعها ك ميك اب والله يعين اللي يستعملن هالماركه ويعديها عليهن ع خيــــــر :22 (19):

اكيييييييييييييييد البشاكير محطين فيه شئ بالذات اذا كريم اساس سائل !

[اناناسة]

قبل كمن شهر سوا تصفية على نينا ريتشي و شرينا بالهبل ههههههههههههههه

و الحمدلله استخدمهم و لا صار فيني شئ

و الوانهم راااااااااااااااائعة و ملمس الشيدو عجيييييييييييييب والله

و لله الحمد

بس قالوا خلاص ما بينتجون مكياجات

[روزه]

هلا حبوبة لا تحاتين إن شاء الله خير

لأنه مرات باريس جاليري يسحب ماركة معينه

لأنه راح ينزلون عبوات جديدة الها بستايل جديد

فالجديم يشيلونه ويخلونه للتنزيلات