اهل ريلي ... ليش جي ؟؟!!!

[انت غـلاي]

السلام عليكم خوااتي

فديتكم انا ساكنه عند اهل ريلي ... وماشاءالله عليهم ما عليهم كلام محسنهم وما شفت منهم شي ... بس عنده اخت مطلقه وعندها بنت عمرها 8 سنين .. وااااااااااااااااايد شيطانه واااااااااايد وعنيده عناااااااااااااد لدرجة ما تطيقينها ...وانا عندي بنتين شو تسوي فيهم وخاصه بنتي العوده بعدها ما دشت السنتين واااايد تلعوزها وتشل اللعابها وتعلمها حركات وصخه مثل اتعلمها تفل واتصرخ وواايد اشياء وانا مابا بنتي تتعلم هذه الحركات
... ما علينا ...
من ادش عندي تسويلي حرقة اعصاب ودايما اعصب عليها وتركض تخبر امها انا عصبت عليها وقلت لها جي وجي وجي ... واخس شي فيها هذا الشي .. حتى ريلي يضايج منها ومن يشوفها عدنا يتحجج باي شي يقولها سيري بنرقد والا مادري شو ... من نصبح الصبح لين نرقد وهي عدنا وطبعا على حركتها الزنخه ..

اليوم .. دخلت وطفرتبي تطفير اليهد ويابت حلاوه حق بنتي وذلتها ذل لين عطتها اياها وهي تضحك عايبنها ... كل دقيقه تسوي شي يديد وتخلي بنتي تصيح عصبت عليها وقلت لها اطلعي ما طاعت .. قلت لها 4 مرات وبعد ما طاعت .. وتمت تلعوز بنتي وتضحك اخر شي مادري عقت بنتي من فوق السوفا بد او بنتي طاحت بروحها المهم بنتي طاحت طيحه قويه وتمت ماسكه ايدها وتصيح انا قلت انكسرت ايدها سرت اركض وهي واقفه تقولي مب انا مب انا وكنت ابا اشل بنتي لانها تصيح وااايد جان ادزها وسرت اشل بنتي وجان اقولها بعصبيه سيري اطلعي برع .. جان اتقول بس مب انا بروحها جان اقول لها فهمت انه مب انتي خلاص يالله سيري برع وكنت معصبه وااايد ......................... سارت عند امها وجان تحرق البيت من الصيااااااااااااااااااااح ومادري شو قالت واسمع امها تسكر الباب تقولها ما بتسيرين وهي خلاص سوت الللي عليها والحين تبا اترد عدنا .................................................. .
الحين امهاااااااااااااااا باطه بووووووووووووووز وما تيلس نفس المكان اللي انا كنت فيه وعمتي اللي هي ام ريلي كلمتني من ورا نفسها ....وخبرت ريلي بالسالفه وقالي شكلهم زعلانين ............. الحين ليش يصدقون الياهل ليش ما يسالون شو صار عشان انا طردتها من الحجره؟؟؟!!!!!!!!

جد صارت ويا حرمة اخوهم العود نفس الشي ..... وزعلوا منها والحين محد يدانيها من يومها بس ما يبينون لها ....اونه بنتها الوحيده وما يعيبهم فيها وما عندها ابو ولازم تراعون ظروفها .....انزين نحن بعد ما يعيبنا في عيالنا

شو اتصرف ؟؟!!! اخلي السالفه ولا جنه شي صار والا شو ؟!!

ما ابغي اسير اكلم امها ... بس شو اتصرف اذا شفتها وكلمتها وما كلمتني ... لين الحين ما تويهنا ويه بويه ما اعرف شو بيصير

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

[Reemany]

أسمحيلي أختي يمكن ردي ما يعيبج...بس أحس ما له داعي للزعل بسبة سوالف يهال...وهالبنت عمرها 8 سنين هب 18 سنة عشان تتضايقين منها هالكثر...تظل ياهل وتفكيرها محدود...
وصح تخيلي نفسج مكان أمها...شو بتسوين لو بنتج هي اللي انطردت...ما بتزعلين؟؟؟؟

[انت غـلاي]

أسمحيلي أختي يمكن ردي ما يعيبج...بس أحس ما له داعي للزعل بسبة سوالف يهال...وهالبنت عمرها 8 سنين هب 18 سنة عشان تتضايقين منها هالكثر...تظل ياهل وتفكيرها محدود...
وصح تخيلي نفسج مكان أمها...شو بتسوين لو بنتج هي اللي انطردت...ما بتزعلين؟؟؟؟

ليش ازعل من ردج حبيبتي على العين والراس وصح ما بيعيبني اذا بنتي انطردت بس اذا انا عارفه حركات بنتي وشو اتسوي .... واذا امها ما تتحملها وتضربها بالنعال من كثر عنادها وشطانتها كيف تبين الغير يتحمل ..... هم واايد مدلعين بنتهم .. وكل شي له حدود .. شو كنتي تبين مني وانا بروحي اعصابي تعبانه اسهر مع بنتي طول الليل وانش الصبح من وقت عشان بنتي الثانيه تقوم ومتحمله بنتها من نش من النوم لين نرقد وهي تلعوز بنتي وتدافش وياها ....... لو كنتي مكاني بيعيبج في بنتج ؟؟!!

[اهات الفراق]

أسمحيلي أختي يمكن ردي ما يعيبج...بس أحس ما له داعي للزعل بسبة سوالف يهال...وهالبنت عمرها 8 سنين هب 18 سنة عشان تتضايقين منها هالكثر...تظل ياهل وتفكيرها محدود...
وصح تخيلي نفسج مكان أمها...شو بتسوين لو بنتج هي اللي انطردت...ما بتزعلين؟؟؟؟

طردتها من العصبية ما سوت شي غلط وقت العصبية ماتعرفين حد جدامج الصراحة لو حد 2 قام صفع البنت وداها لين امها قالت بنتج عقت بنتي وقالت وقالت ما بتخلص بس هي ما سوت غير طردت البنت من العصبية وبس واليهال صح ياهل بس احيانا ينرفز يمكن انتي ماعندج عيال جي تقولين بس عيالج يوم بيكونون شياطين هاك الوقت بتعرفين كيف تعب

[انت غـلاي]

طردتها من العصبية ما سوت شي غلط وقت العصبية ماتعرفين حد جدامج الصراحة لو حد 2 قام صفع البنت وداها لين امها قالت بنتج عقت بنتي وقالت وقالت ما بتخلص بس هي ما سوت غير طردت البنت من العصبية وبس واليهال صح ياهل بس احيانا ينرفز يمكن انتي ماعندج عيال جي تقولين بس عيالج يوم بيكونون شياطين هاك الوقت بتعرفين كيف تعب

اااااااااااااه تعب وتعب وتعب ... الله يكون في العون بس ... المشكله الام ما يعيبها في بنتها اذا حد من عيال اخوها قال لها شي اتسير تتضارب ويا الياهل >> رغم اتكون بنت اخوها اصغر عن بنتها لكن ما تبا حد يقول لبنتها شي عيل ليش تبينا نرضى على عيالنا عان بنتج ؟!!!

ربي المستعان

[Q8ia_100%]

أسمحيلي أختي يمكن ردي ما يعيبج...بس أحس ما له داعي للزعل بسبة سوالف يهال...وهالبنت عمرها 8 سنين هب 18 سنة عشان تتضايقين منها هالكثر...تظل ياهل وتفكيرها محدود...
وصح تخيلي نفسج مكان أمها...شو بتسوين لو بنتج هي اللي انطردت...ما بتزعلين؟؟؟؟

اسمحيلي اختي انا برد عليج وكأن الموضوع يخصني

انا لو بنتي بهالشطانه والله ما اخليها عند الناس اصلا عيب
اذا الام ما تحملت بنتها يعني الناس بيتحملونها؟

وانا لو مكان راعيه المشكله جان طاردتها من زمااااااااااااااان

[امونة2006]

أسمحيلي أختي يمكن ردي ما يعيبج...بس أحس ما له داعي للزعل بسبة سوالف يهال...وهالبنت عمرها 8 سنين هب 18 سنة عشان تتضايقين منها هالكثر...تظل ياهل وتفكيرها محدود...
وصح تخيلي نفسج مكان أمها...شو بتسوين لو بنتج هي اللي انطردت...ما بتزعلين؟؟؟؟

نفس كلام الاخت

[shawwagah]

اتعرفين فديتج ؟؟


كلمي ام البنت اول شي .. بينج وبينها اساليها اذا زعلانة منج ،،

وخبريها باللي استوى .. قوليلها انا كنت معصبة عشان خفت ع بنتي ،، والا بنتج في عيوني و حسبة بنتي بعد

ويوم تيي البنت عندج .. ربيها ،، مهما صار اتمين زوجة خالها و عيالج يصيرون لها .. وريلج بعد حسبة ابوها .. خاصة انها تتربى وياكم فالبيت

صيري دبلوماسية مع كل الاطراف عشان ما تخسرين حد

وربي يوفقج حياتي

[انت غـلاي]

اتعرفين فديتج ؟؟


كلمي ام البنت اول شي .. بينج وبينها اساليها اذا زعلانة منج ،،

وخبريها باللي استوى .. قوليلها انا كنت معصبة عشان خفت ع بنتي ،، والا بنتج في عيوني و حسبة بنتي بعد

ويوم تيي البنت عندج .. ربيها ،، مهما صار اتمين زوجة خالها و عيالج يصيرون لها .. وريلج بعد حسبة ابوها .. خاصة انها تتربى وياكم فالبيت

صيري دبلوماسية مع كل الاطراف عشان ما تخسرين حد

وربي يوفقج حياتي

عيبني ردج وااااااااايد .. ان شاءالله باجر برمسها

مشكوره فديتج ما تقصرين

[khaleejiya]

اتعرفين فديتج ؟؟


كلمي ام البنت اول شي .. بينج وبينها اساليها اذا زعلانة منج ،،

وخبريها باللي استوى .. قوليلها انا كنت معصبة عشان خفت ع بنتي ،، والا بنتج في عيوني و حسبة بنتي بعد

ويوم تيي البنت عندج .. ربيها ،، مهما صار اتمين زوجة خالها و عيالج يصيرون لها .. وريلج بعد حسبة ابوها .. خاصة انها تتربى وياكم فالبيت

صيري دبلوماسية مع كل الاطراف عشان ما تخسرين حد

وربي يوفقج حياتي

وانا رايي من رايج

[بهلولة]

الله يعينج الغاليه العوق مو عاليها مهما يكون هي ياهل العوق على امها
بصراحه عيب عليها تخلي بنتها جي

[انت غـلاي]

الله يعينج الغاليه العوق مو عاليها مهما يكون هي ياهل العوق على امها
بصراحه عيب عليها تخلي بنتها جي

اعرف انه الغلط من الاهل لازم ما يربونها بهذه الطريقه بيتعبون وياها وااايد يوم بتكبر لكن بنتهم وهم حرين فيها .... بس لازم ما يزعلون من الناس اذا ضايقتهم

مشكوره على ردج الغاليه

[روح الأدهم]

الغاليه انا برااايي ان اليهااال صج اينرفزون الواااحد ويطلعووونه من طووووره انا وياج وهذا موقف صار وعدى انا من رايي لاتفتحين السالفه واتصرفي عاااااااااااادي وكان شي لم يكن



http://forum.uaewomen.net/showthread.php?t=301771

[انت غـلاي]

الغاليه انا برااايي ان اليهااال صج اينرفزون الواااحد ويطلعووونه من طووووره انا وياج وهذا موقف صار وعدى انا من رايي لاتفتحين السالفه واتصرفي عاااااااااااادي وكان شي لم يكن



http://forum.uaewomen.net/showthread.php?t=301771

مشكور حبيبتي ما قصرتي كنت افكر اسوي جي .. بس الاحسن اتكلم وياها عشان ما تم شاله في خاطرها علي لاني واايد اعزها وانا اعرف اشكثر هي تعزني

[Reemany]

...الصراحه ما يسوى علي الرد اللي رديته كلتوني.....على العموم كل إنسان له وجهة نظر...وحتى لو كنت معصبه بمسك عمري وبطلع البنت بكل هدوء ما يحتاي أصارخ عليها وأطردها....