منو سوت تنظيف للبشره تدخل ....

**um khallof** · 2006-12-20, 06:50

:1 (26):

اشحالكم بنات ..
بصراحه اباكم اتساعدوني ..

انا ولا مره سويت تنظيف للبشره .. لانه بشرتي كانت نظيفه .. وما حبيت اجرب شي واندم ..

لكن استخدمت حبوب منع الحمل شهر ... وخدي الايمن طلعت عليه حبوب صغيره .. وبقعت خدي :1 (9):

بس سمعت انه تنظيف البشره واايد زين ..

ابى اسوي في صالون افرينا .. اللي في سينشري مول ..

اول شي شو رايكم في تنظيف البشره .. شو السلبيات + الايجابيات ؟؟؟

سمعتوا عن صالون افرينا ؟؟

اذا تعرفون صالون في دبي شطار في تنظيف البشره ممكن تخبروني ... لاني ابى اسويه الاسبوع الياي .. اتمنى انكم تردون علي بسرعه ..

وجزاكم الله خير :22 (12):

المزيد من آخر المواضيع من نفس القسم:

**om_ahmed** · 2006-12-20, 07:26

تنظيف البشره زين ومايضر وبالنسبه للصالون ما اعرف بس انصحج بشي حلو بالنسبه انه بشرتج اصلا حلوه جربي ماسك النضاره صح شوي غالي بس بتدعيلي كوزمسيرج يسونه في جميرا وتنظيفهم بعد حلو وانا ارتاح لتنظيفهم لانه كل شي طبي بس واااايد زحمه عندهم احجزي من وقت:22 (22):

**سراب القلوب** · 2006-12-20, 08:21

ماشالله الله اكبر

**بنت بوظبي** · 2006-12-20, 11:21

الغالية ما اعتقد انه التنظيف بيخوز الحبوب راجعي دكتورة جلدية احسن
انا سمعت انه البخار اللي يكون مع التنظيف يشجع على افراز الدهون ويخلي الحبوب تظهر زيادة
وبعد كثرة البخار توسع المسامات
في دبي حق الفيشل يمدحون صالون باريس جاليري وصالون عمرو

**سرب المعاني** · 2006-12-20, 13:24

تنظيف البشره وايد زين هي بس بتسويلج تنظيف وعقب بتعطيج كريمات وغسول لويهج يوم بتواظبين عليهن بيسدن عن تنظيف البشره لانج انتي بالكريمات والغسول بتعتنين ببشرتج ... بس سمحيلي انا ماعرف صوالين فدبي اذا تبين في بوظبي بخبرج ...

والسموحه منج

**مراحب الحلوة** · 2006-12-20, 14:39

أنا كليوباترا سبا اللي في مركز وافي

**سما دبي 2** · 2006-12-20, 17:25

صالون البروااز اللي فمركز الطوااار روووعه تنظيفهم

**أم فزاع** · 2006-12-20, 17:50

المشاركة الأصلية كتبت بواسطة سما دبي 2

صالون البروااز اللي فمركز الطوااار روووعه تنظيفهم

روعة بمعنى الكلمة ولا شو؟؟؟ كم يسووون؟؟؟

**أم فزاع** · 2006-12-20, 17:51

المشاركة الأصلية كتبت بواسطة مراحب الحلوة

أنا كليوباترا سبا اللي في مركز وافي

جربت كليوباترا سبا في مركز الوافي
بصراحة غالي عالفاضي ما عيبني لين هاك الزد

**أم فزاع** · 2006-12-20, 17:52

المشاركة الأصلية كتبت بواسطة om_ahmed

تنظيف البشره زين ومايضر وبالنسبه للصالون ما اعرف بس انصحج بشي حلو بالنسبه انه بشرتج اصلا حلوه جربي ماسك النضاره صح شوي غالي بس بتدعيلي كوزمسيرج يسونه في جميرا وتنظيفهم بعد حلو وانا ارتاح لتنظيفهم لانه كل شي طبي بس واااايد زحمه عندهم احجزي من وقت:22 (22):

كوزمسيرج.. !!!

جربتي عندهمّ!!! شو حسيتي المفعول من اول تنظيفة؟؟؟

كم سعر التنظيف؟

**المكابره** · 2006-12-20, 18:05

فديتج روحي على عيادة الدكتورة سعاد لطفي احسن من الصوالين
بعدين اسعارها واايد زينه وساعات تعطي نصايح شو تستخدمين ما شاء الله عليها شاطره

**um khallof** · 2006-12-20, 18:31

تسلمون لي الغاليات .. هههههه والله احترت ماعرف اي صالوان اسير والا اي دكتور ..

ما قصرتوا الغاليات .. جزاكم الله خير

**ميرال** · 2006-12-21, 18:16

تنضيف البشره ما ايلو مضار اذا كان ما عندك حساسيه من الكريمات الى بستعملوها
حبيبتي انصحك تروحي على صالون معروف باستخدامه للماركات واهم شي يكون مجرب

**QlaYeD** · 2006-12-22, 03:38

حبيبتي تنظيف البشره ماله اي ضرر وانا متعوده انظف بشرتي بوقت المناسبات بس لان تعرفين يمكن كثرة التنظيف يخربها او شي لانهم يحطون بخار بويهج
بس لاتخافين هو مايضر اصلا بس اذاتقولين ان الحبوب طلعت لج من دوا منع الحمل اعتقد التنظيف مابيب نتيجه لان المشكله من الدوا راجعي الدكتوره وخبريها شوفيها بشو تنصحج وانتي جربي سوي تنظيف مش خسرانه شي جي ولاجي انتي المستفاده على الاقل بينظفون بشرتج بس بعد شوفي الدكتوره اللي وصفت لج الدوا يعني اليوم طلع حبوب بويهج باجر الله يعلم وين بيطلع لج من هالدوا لاتهملين عمرج الغاليه وسوي تنظيف وراجعي الدكتوره يمكن الدوا مش ملايم عليج والله يسهل عليج
وخلي التنظيف للعيد احلى يفتح الويه وينوره
وعن الصالونات انا متعوده اسوي تنظيف بصالون عائشه بالشارجه بسوق القديم يعني ولامره جربت اسوي تنظيف بمكان ثاني

**برق لمع** · 2006-12-22, 04:17

نصيحه من مجربه شو في الغاليه اولا اذا دخلتي اي صالون قولي لهم ابي اسوي فيشل بس ممكن اشوف غرفه الفيشل وماكينة التعقيم والكريمات

عقب ما تشوفين المكينه وتطمنين انهم يعقمون الادوات
شوفي الكريمات واشتري لج منها لا تستخدمين الكريمات الي في الصالون لانهم يستخدمونه الف مره لكل وحده ويرجعون يغطون ايدهم فيه ويحطون لج وتدرين الفيشل فيه دم وهالسوالف وممكن يتسرب للكريم
اما اذا انتي خذتي كريماتج بروحج كل مره وياج بتكونين مرتاحه البال ومتطمنه وخلي الي تسوي ل فيشل تلبس قفاز
لان هاي اول خطوه تتفادين فيها من عفانا الله الامراض المعديه مثل الايدز والتهاب الكبد الوبائي الله لا يجيبه لمسلم

بعدين انا ياما جربت ايام ويهي كان يحبب من الحف وكانت الي تسوي لي الفيشل نظيفه وتعقم الادوات وكل شيء بس عاد ندمت كنت افرح انها بالموس تسوي شق صغير في الحبه وتطلع الوصخ وترجع اتسكره بكريمات عندها بس اللحين احس ويهي شوي على الطرف حفر من الشقوق الي كانت اتسويها فتعلمت درس اللحين اسوي فيشل وما اخليها تلمس اي حبه في ويهي بس اطلب منها بخار وتنظيف الجلد الميت بالسكراب ومساج عشان تنشيط الدوره الدمويه وماسك
اما الحبوب ما انصحج بالمره لاني جربت اول ما بتنظفه بتفرحين ان الحبوب راحوا بس مع الايام ويهج بيحفر وتدرين حفر الويه لو تدفعين ملا يين ما في لها حل

الموضوع: منو سوت تنظيف للبشره تدخل ....

أدوات الموضوع

عرض

منو سوت تنظيف للبشره تدخل ....

المزيد من آخر المواضيع من نفس القسم:

المواضيع المتشابهه

صالون تنظيف للبشره في راك

الي سون عملية تنظيف الرحم تدخل :( :(

اللي سوت عملية تنظيف رحم تدخل..

الي تسوي تنظيف بشرة تدخل ..

احلى تنظيف للبشره