العدسات الملونه وطريقة العناية بها

[حراير دبي]

الحمدالله الله خلقنا في احسن تقويم

ومن علينا بجمال العيون

والعيون الداكنه السودا او النيه من اجمل العيون على الاطلاق

لكن ..... احيان الوحده تمل وتحب تغير



وتدخل الوان لعيونها مثل الازرق والرمادي والبندقي والعسلي وغيره

وكل يوم تطلع لنا الوان يديده ونحب نجربها ليش لا

وانا فتحت الموضوع هذا عشان نتناقش فيه عن العدسات والوانها وشو اليديد في الموضه

وشو الافضل وشو الاغلى وكيف نعتني بها ونستعملها بدون ما تظر عيونا او تأثر على صحة عيونا

وكل وحده عنها معلومه ممكن تفيد فيها خواتها لا تتاخر

والرجاي الاجابه على هالاسئله عشان الكل يستفيد

1- شو انواع العدسات اللي تستعملينهم اذكري الماركات وشو اكثر شي عيبج من العدسات اذكري اللون
2-هل تستعملين عدسات تجميل او عدسات نظر
3-كيف تعنين بهم
4-شو الغسول اللي تستعملينه وشو رايج الافضل اذكري الماركه
5-كم ساعه تخلينهم في عيونج
6-هل تسبب لج ظبابيه في النظر وهل حاولتي تغيرين الماركه وشو اكتشفتي
7-هل تعانين من استقماتيزم (انحراف في النظر )
8- من وين تفضلين تشترين عدساتج
امممم خلصن الاسئله اللي عندي واذا عندكم اسئله زياده ممكن تضيفونهن


الغرض من الموضوع ان تتكلم كل عضوه عن تجربتها وعن شو تفضل عشان في وايد بنات حابين يجربون العدسات بس ما عندهم فكره

يالله حبايبي نتريا تجاوبكم للموضوع

وانا برجع وبكتب لكم اللي اعرفه

المزيد من آخر المواضيع من نفس القسم:

• اهم اسباب حساسية الطعام وطرق علاجها
• اهم اعراض قصور عضلة القلب وطرق علاجه
• اهم أسباب واعراض التهاب المفاصل وطرق علاجها
• اهم الأعراض وطرق الوقاية من الجلطات
• شو علاج عرق النسا نهائيا بدون عمليات في حد...
• اهم الفوائد الصحية للشوكولاتة الداكنة
• اهم لقاحات كورونا المنتظرة خلال الفترة...
• تطبيق جديد على الهاتف سيكشف إصابتك بفيروس...
• اهم أعراض الانزلاق الغضروفي والأسباب...
• طرق علاج غازات البطن وطرق الوقاية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[شذى الأرواح]

موضوع حلو

عن نفسي استخدم فرش لوك

ودايما اخذ ملونه طبعا

اما المحلول فحسب اللي يعطوني اياه ، ما جد حسيت فرق بين النوعيات

[حراير دبي]

تسلمين الغاليه

ونتريا باقي الاراء


انا الاحظ اكثر البنات يلبسون بني او رمادي !!!

مادري ليش يخافون من الالوان

يعني لو عيونج سودا ولبستي رمادي او بني ما بتغيرين وايد

لكن لو لبستي بيبي بلو

او رمادي فااااااااااتح

او تركوازي


اكيد بيكون في تغيير

شو رايكن؟

[شذى الأرواح]

شدني اللون بيبي بلو

هذا كيف شكله تقدرين تحطين لي صورة

و بالمرة كموضوع خاص بالعدسات هل تلبسن العدسة قبل المكياج ولا بعده

لأني اذا لبست العدسة دمعت عيني وخربت المكياج

فكيف احافظ على عيني اثناء استخدام العدسة
ويعلنا مانخلى منج يا حراير

[حراير دبي]

شدني اللون بيبي بلو

هذا كيف شكله تقدرين تحطين لي صورة

و بالمرة كموضوع خاص بالعدسات هل تلبسن العدسة قبل المكياج ولا بعده

لأني اذا لبست العدسة دمعت عيني وخربت المكياج

فكيف احافظ على عيني اثناء استخدام العدسة
ويعلنا مانخلى منج يا حراير

البيبي بلو هو الازرق الفاتح ومتوفر في اغلب الماركات

ويمكن تختلف التسميات مثلا موجو في شركة اريان لكن اسمه سكاي بلو

وبالنسبه لاسئلتج الباقيه شوفي هالموضوع فيه كل الاجابات

http://www.uaewomen.net/showthread.php?t=30635

واي سؤال انا في الخدمه

[أمووون]

حراير دبي... ييتي على العوق...

أحب العدسات .. واشتريهن... والبسهن لمرة أو مرتين.. وعقب خلاص... ينتهي حماسي..

مادري ليش... واتم كم اسبوع اغير المحلول... وعقب طاف... اشوفهم جدامي بس اتعايز... كيف اتم اهتم فيهم واتم البسهم...

تخيلي.. بديت دوام يديد.. ومن بديت وانا اقول بلبس عسب اغير من شكلي.. يانا رمضان.. طبعا مستحيل في رمضان لأني اصلا ماحط ميك أب بلبس عدسات ليش.. خلص رمضان وانا مسوية طاف.... والله ماعرف ليش.. احبهم بس مالبسهم

شو اسوي عسب اتم البسهم... هههههه اعرف بتقولين انتي وشخصيتج اذا تحبين تلبسين والا لأ... بس مادري ليش اشتريهم... والبسهم اكثر شي مرتين ثلاث.. وعقب خلاص... واعقهم .. وارد اشتري غيرهم.. ونفس الشي...

يا ليت تنصحيني... وشكرا على الموضوع

[حراير دبي]

حراير دبي... ييتي على العوق...

أحب العدسات .. واشتريهن... والبسهن لمرة أو مرتين.. وعقب خلاص... ينتهي حماسي..

مادري ليش... واتم كم اسبوع اغير المحلول... وعقب طاف... اشوفهم جدامي بس اتعايز... كيف اتم اهتم فيهم واتم البسهم...

تخيلي.. بديت دوام يديد.. ومن بديت وانا اقول بلبس عسب اغير من شكلي.. يانا رمضان.. طبعا مستحيل في رمضان لأني اصلا ماحط ميك أب بلبس عدسات ليش.. خلص رمضان وانا مسوية طاف.... والله ماعرف ليش.. احبهم بس مالبسهم

شو اسوي عسب اتم البسهم... هههههه اعرف بتقولين انتي وشخصيتج اذا تحبين تلبسين والا لأ... بس مادري ليش اشتريهم... والبسهم اكثر شي مرتين ثلاث.. وعقب خلاص... واعقهم .. وارد اشتري غيرهم.. ونفس الشي...

يا ليت تنصحيني... وشكرا على الموضوع

ههههه عادي حبوبه

ترا هذا الطبع موجود في كل البنات

يحبن يشترون اليديد ويغيرون

بس يمكن انتي ما عيبتج وايد النتايج

او ما غيرتي وايد في اللوك عسب يتلاحظن العدسات

يعني مثل ما قلت قبل لو عيونج بنيه وحطيتي رمادي او بني شوي افتح ما بتغيرن وايد

بس لو حطيتي لون فاتح مثلا ازرق او رمادي فاتح او اخضر يعني كوني جريئه شويه

ولا تخافين حطي اللون اللي تحبينه

وتقدرين تجربين اللون قبل ما تشترينه في المحلات

[أمووون]

ههههه عادي حبوبه

ترا هذا الطبع موجود في كل البنات

يحبن يشترون اليديد ويغيرون

بس يمكن انتي ما عيبتج وايد النتايج

او ما غيرتي وايد في اللوك عسب يتلاحظن العدسات

يعني مثل ما قلت قبل لو عيونج بنيه وحطيتي رمادي او بني شوي افتح ما بتغيرن وايد

بس لو حطيتي لون فاتح مثلا ازرق او رمادي فاتح او اخضر يعني كوني جريئه شويه

ولا تخافين حطي اللون اللي تحبينه

وتقدرين تجربين اللون قبل ما تشترينه في المحلات

تبين الصدق صح انا جربت الرمادي... لا وأرد اشتري رمادي... مرة لبست عسلي... ويونا عيال اختي.. وتموا طول الوقت مبقرين فيني .... جان اقول حق ولد اختي شو بلاك...؟؟ قالوا خالوه اليوم عيونج غير:1 (9): ... قلت له حلوه .. جان يقول لأ.. تخوفين هههههههههههههههههه

بجرب الأزرق .. .وحدة كانت نفس سمارتي.. وتلبس ازرق واخضر وتتغير كل مرة.. وحلو يطلع عليها.. بس انا متخوفة اخافني اطلع جنية.. ولد اختي كان صريح وقال... ههههه الناس بيزيغون بدون ما يقولون..

تسلمين الغلا على الرد... وبجرب ان شاءالله

[حراير دبي]

تبين الصدق صح انا جربت الرمادي... لا وأرد اشتري رمادي... مرة لبست عسلي... ويونا عيال اختي.. وتموا طول الوقت مبقرين فيني .... جان اقول حق ولد اختي شو بلاك...؟؟ قالوا خالوه اليوم عيونج غير:1 (9): ... قلت له حلوه .. جان يقول لأ.. تخوفين هههههههههههههههههه

بجرب الأزرق .. .وحدة كانت نفس سمارتي.. وتلبس ازرق واخضر وتتغير كل مرة.. وحلو يطلع عليها.. بس انا متخوفة اخافني اطلع جنية.. ولد اختي كان صريح وقال... ههههه الناس بيزيغون بدون ما يقولون..

تسلمين الغلا على الرد... وبجرب ان شاءالله

ههههههه لا مابتطلعين جنيه ...بعدين هذت ياهل

حتى انا بنت اخويه صغيرونه فديتها قلت لي بسم الله جنج انكليزيه هههههه

قلت لها انكليزيه حلوه والا انكليزيه خسفه .....قالت لا حلوه ...جان استااااااااانس :1 (34):
بس ما قلتي شو ماركة العدسات اللي جربتيهن ,,,يعني شو ماركتهن

لانه في عدسات فيهم خطوط وايد وعلى اللبس يبينون مب طبيعيات

انا مره خذت عدسه ماركتها شي مب متذكرتنها فيها حرف E وحرف c

جربيتها وكان لونها عسلي شفت عمري في المنظره ازيغ صدق

قلت بسم الله ولا لبستها مره ثانيه

ويوم سألتني ختيه عنها قلت لها تخلي العيون مثل عيون العنز لوووووووول

مول ما حبيتها


بس انتي يوم بتاخذين خذي العسات اللي من الداخل صافيه تبين على اللبس طبيعيه ولو فيها خطوط تطلع بشكل طبيعي بتكون على الحواف مب كل العدسه

في عدسات اسمهم اريان وايد طبيعيات على اللبس

جربيهم حتى الملونات والفاتحات عجيبات على اللبس

[كريستال]

هلا حراير دبي ..
ومنكم نستفيد يا خبيرات العدسات ..
أنا من أيام أشتريت عدسات رمادي فريش لوك من أختنا أم خلوف يزاها الله خير ..
لبستهن بعد تعب في المحاولات لأني أول مره لي ألبس عدسات ..
الصراحه شكلي تغير وااايد وبو الشباب أستغرب من شكلي وطول الوقت يقولي " ميو .. ميو" عندنا قطوه في بيتنا اليوم " ..
العدسات حلوه بس أحس بضباب في النظر ليش وبديت أشكي من الصداع ... هل هذا الشيء طبيعي لأني أول مره ألبس عدسات ولا أغير الماركه ..
ويزاكم الله خير على الموضوع الحلو والمفيد .

[ماسة شرجاويه]

انا احب العدسة اللي لونها رمادي والبسها بس فالمناسبات وبصراحه وااااااااايد حلو يظهر علي
وعندي عدسة خضره مب عايبتني بس لما لبساتها آخر مره الكل تخبل عليها
انا اعتقد ان لون البشره يلعب دور فاللون العدسة اللي تناسبج
وانا محتارة ف المحلول اللي استخدمه
قبل كنت استخدم المحلول اللي يعطونا ويا العدسه
وعقب شريت واحد من الصيدلية وسمعت انه هب زين وفريته واللحين ما ادري شو اشتري بشو تنصحوني؟!


أختج
ماسة شرجاويه

[شوقي ذبحني]

أنا وااااايد أحب العدساات ..
وخاااطري فييييهن
بس عندي مشكله
.مره اشتريت عدسات فريش لوك البنيه ..ويوم رديت البيت أبا اجربهن ..عانيت وواااااايد ويااهن..أحس انها ما تثبت بعيني ..كل ما أحاول ألبسها اتم بايدي .. تعبت منهااا وااايد ..اختي لبستهن بكل سهووله .وحتى ثااني يوم رحت لراعي المحل الي اشتريت منه العدسات ..وعلمني الطريقه ورديت اجرب بس نفس النتيجه ..!!
أخويه يقولي انه فريش لوك أصلاً صعبه شويه باللبس عن غيرها ..بس أنا مب عاارفه شو الحل ..!!
لأني أصلاً ما جربت غيرها ..
شوهي أسهل عدسه باللبس ..؟! وممكن تنفع لحالتي ..!؟؟

والله ملييت ..أبا أغير

[دانة جميرا]

مرحبا ختيه .. تسلمين على الموضوع .. اممممممم بالنسبه لي انا فا اخذ عدساتيه من المغربي

انا البس عدسات طبيه للانيه ماشوف عدل قصر نظر !!!!!!! فا يوم البسهن عادي وماتضبب بس تعالي

يوم اخذ عدسات ملونه اتضبب بسرعه وماشوف عدل منها رغم انهم يسونها لي على نظريه وبعد

تتحرك في عيونيه والله فضيحه يوم احرك عيونيه يمين ولا يسار تتحرك بس يظهر المستخبي عيونيه

او اللون الاصلي بني غاااااااااااااامج على ينب وباجي العين العدسه !!! بيش وكيف ماعرف وما

خليت شي مايربته الصراحه حتى ديور اللي داير مادايرها اللون الاسود تكبر العيون بعد تتحرك!!!!!!!

اما العدسات الطبيه لتصحيح النظر الشفافات عادي يثبتن ولا يتحركن !!!!!!!!!!!!!!!!! ليش ياترى !!!!!!!

وهل في حد عانا شراتيه وحصل حل للمشكله خبرونا ايزاكم الله خير .. والسموحه على الايطاله