ساعه رجاليه أصليه وروعه .. بأقل من نص السعر

[الظبيانية]

مرحبا الغاليات ..

الساعه اللي عارضتنها اليوم ماركة Raymond Weil أصليه 100%
ساعه جدا راقيه و كلاسيك .. يعني موديلها ما ينمل منه و لا يجدم ..
وكيلها الفطيم للساعات .. يعني اذا صار فيها شئ .. الصيانه عندهم ..

وهي صناعه سويسريه .. و ستانلس ستيل
وزجاج الساعه SAPPHIRE CRYSTAL اللي هو ضد الخدش ..

الساعه مستخدمه استخدام بسيط .. أو ترومون تقولون مستخدمه كمن مره بس ..
سعرها الأصلي 2250
والسعر اللي انا طالبتنه 900 درهم
واللي بتاخذها لريلها أو لأخوها أو لأبوها بتكون ربحانه .. لانه الساعه جيمتها فيها .. وهي تستاهل أكثر عن جي ..


والحينه بخليكم مع الصور ..





البكس شوي مخدوش من برا



وسلامتكم

المزيد من آخر المواضيع من نفس القسم:

• حطي سعرج وحلال عليكم
• فستان للمناسبات و ينفع للحوامل قياس ميديوم)...
• شنط ماركات أصلية للبيع
• عبايات ملونه للبيع
• قمصان جديده للبيع
• بشت كويتي جديد للبيع
• دراعات للبيع
• مخاوير وجلابيات للبيع - أي قطعهة ب 100
• جاكيت شتوي للبيع
• معطف طويل للبيع

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[أم_حمدان]

موفقه الغلا

[منــــــايــــــا]

بالتوفيج عزيزتي

[قلب طفلـــه]

بالتوفييييييييييق حبيبتي

[فساتين عرايس]

واااااااااااايد راقية وانيقه الصراحه فرصة لا تعوض الله يوفقج في بيعها

[snow white]

بالتوفيج عزيزتي

[Alia1]

هلا الغاليه
هل السعر قابل للتفاوض
وهل الساعه فيها اي خدوش
والله يوفقج ان شاء الله

[الظبيانية]

هلا الغاليه
هل السعر قابل للتفاوض
وهل الساعه فيها اي خدوش
والله يوفقج ان شاء الله

اختي الغاليه .. الساعه مافيها خدوش.. استخدام بسيط ..
وترومين تشوفينها قبل لا تاخذينها .. اذا ما عيبتج لا تاخذينها ..

وبالنسبه للسعر و الله انا حطيتها من نهايتها لاني ادري انه الكل بيقولي نقصي .. فيبتها من آخرها .. يعني من 2250 لين 900 اضني اني نزلت وااايد بسعرها ولا انت شو رايج حبيبتي ؟؟ والله كنت بطلب فيها أكثر بس انا اريد ابيعها .. فحطيتها بسعر معقول انها تنباع فيه ..

[الظبيانية]

ام حمدان
منايا
قلب طفله
فساتين عرايس ..

شكرا على مروركم الطيب .. والله يوفق الجميع

[ريم البوادي]

يسلمووووووووووووووووووو

[ام علي...]

موفقه الغالية

[الظبيانية]

مشكوره حبيبتي ..

[L@dy M@ke_Up]

والله الساعة وايد حلوة ممكن تطرشين لي رقم الموديل ع الخاص ابغى اشوفها على الطبيعة والصراحة افكر اشتري ساعة هدية ويمكن يكون لي فيها نصيب

[زكية الذكية]

واايد حلوه ما شالله

[الظبيانية]

والله الساعة وايد حلوة ممكن تطرشين لي رقم الموديل ع الخاص ابغى اشوفها على الطبيعة والصراحة افكر اشتري ساعة هدية ويمكن يكون لي فيها نصيب

والله صراحه يا اختي الساعه حلوه .. ونظيفه وااايد بعد .. بس البكس عيبه انه مخدوش .. بس اذا بغيتيها حق هديه .. بخلي ريلي يحاول يسير المحل و يطلب بكس ثاني للساعه يمكن يعطونه و الله أعلم . .بس ما أظمنلج .. بس بنجرب و بنشوف حظنا ..

بالنسبه لرقم الموديل .. انا جلبت الساعه من ورا و شفت عليها رقمين .. بس ما اعرف اي رقم هو رقم الموديل ..

أول واحد 5590
و الثاني V166747

وحطيته ع العام عسب اي حد يبا يشوف الساعه ع الطبيعه ..

والساعه بعد فيها ميزه ثانيه .. انها ضد الماي .. يعني ما يدخل فيها ماي لين 5 متر .. لوول جي مكتوب عليها ..

والله يوفقج انشاءالله و يكون لج نصيب فيها ..