ادور على ملابس حوامل

[أم نايف]

السلام عليكم خواتي
الحين انا متوهقه شو بلبس في العيد ؟ لاني الحين حامل في الخامس وعلى ميي العيد بكون في السابع وين احصل ملابس حوامل حلوه وكشخه وسعرها مناسب للعيد؟ وهل في خياطه في ابو ظبي اقدر افصل عندها ملابس حوامل وتضبطهم لي ؟؟
ولو في تاجره تساعدني في اني احصل ملابس حمل كشخه
تسلمون

بارك الله فيكن

المزيد من آخر المواضيع من نفس القسم:

• حساااب لبيع الانتيك الاشيا الاثريه القديمه
• ساعدوني .. محتاجة لدكتور قلب اطفال في دبي
• السلام عليكم
• المانيكير الاسلامي
• ترتيب ادوات المنزل
• أبا هالبرقر
• عجبني هالفستان من موقع فلوري داي
• عجبني هالفستان من موقع فلوري داي
• علاج ادمان المخدرات
• ديجي فاضل في أبوظبي

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[abrar]

ان شاء الله تحصلين الي تبين ودي اساعد بس ما اعرف بصراحه

[زوجة مهندس]

للرفع

[wadomee]

ياريت اساعدون اختي ام نايف لاني انا مثلها ومب محصل شي للعيد

[rozee]

في دبنهامز بتحصلين لبس الحوامل وفيه محلات متخصصه للحمل

[الحلوووهـ]

الغاليه شفت ف محل يهال ف اب تاون مردف يبيع لبس للحوامل

ان شالله تلقين شي حلوو

[أم نايف]

مرحبا خواتي تسلمون على المساعده-- انا ادور في ابوظبي حبيت اسال اختي الحلوه
وين اب تاون هذا ؟؟؟
ووين اختي روزي دبنهامز ؟؟
ماعليه سامحوني مب وايد اطلع للسوق هههههه

[um a7mad1]

انا نفسج متوهقه وادرو لبسات خفيفه و حلوة تكون للعيد والحمدلله حصلت
روووحي كان كان اللي فالمارينا بتحصلين جيه لبسه كامله تييج ظيجه من الصدر و كلووش من تحت فيه حرير و قطع ثانيه بعد انا اشتريت 4 احسبهم حلوات
بس لحقي على عمرج لاني يوم سرت من اسبوعين حشا مخلصين القياسات من هالموديل

[مجرد أنثى]

........

[مجرد أنثى]

ام نايف في محل ظنتي ففتوح الخير اسمه ماماز & باباز يقولون فيه لبسات للحوامل حلوووه
انا بعد نفسج ..بس سؤال متى بتتشرين الحين ؟ والا بتتريين لين قرب العيد لان انا افكر ماعرف اخذ الحين اخاف امتن فرمضان هههه
الله يسهل علينا وعلى الجميع يارب

[أم نايف]

والله اختي مجرد انثى ماعرف شكلي بروح الحين اشل من فتوح الخير هذا يزاج الله خير
لاني ماعندي شي مناسب
وبعد سرت كان كان نفس ماقالت ام احمد في اشيا حلوه سيري راح يعيبج شليت عنهم اثنين