محرجه جداً (البواسير)

[redmoon]

اشحالكن؟؟

بنات بسالكن وين ممكن اسوي عمليه للبواسير؟

بصراحه انا مش متاكده انه ال فيني بواسير ، فياليت ال تعرف اعراض هذا المرض تكتبه على العام او تراسلني على الخاص؟

وبعد بغيت عياده اوكيه ممكن اتعالج فيها من هالمرض لان ما فيه اعتمد على المستشفيات الحكوميه لان اظن السالفه بطول معاهم ولو انه الحاله الماديه الحين ما تسمح ان اسير مستشفيات خاصه بس الالم ذابحني وريلي بيدبر نفسه


نرجع لموضوعنا

بغيت عياده تعالج بالادويه او الليزر او العمليه وتكون مضمونه ومش مهم باي اماره بسير عادي


اتمنى ما تهملون موضوعي لان احس كل مره الالم يزيد علي اكثر وارضع بنوته احس كل ما اقعد عشان ارضعها اموووووووووت من الوجع حتى احيانا ما تكمل رضعتها واقومها عني

المزيد من آخر المواضيع من نفس القسم:

• اهم اسباب حساسية الطعام وطرق علاجها
• اهم اعراض قصور عضلة القلب وطرق علاجه
• اهم أسباب واعراض التهاب المفاصل وطرق علاجها
• اهم الأعراض وطرق الوقاية من الجلطات
• شو علاج عرق النسا نهائيا بدون عمليات في حد...
• اهم الفوائد الصحية للشوكولاتة الداكنة
• اهم لقاحات كورونا المنتظرة خلال الفترة...
• تطبيق جديد على الهاتف سيكشف إصابتك بفيروس...
• اهم أعراض الانزلاق الغضروفي والأسباب...
• طرق علاج غازات البطن وطرق الوقاية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[العيـــوز]

الله يشفيك اختي عندج عيادة دكتور جهاد في دبي ..

متخصصه بهاي الاشياء .. واتصلي اساليهم ,, وان شاء الله يفيدونج ..

[*سالي*]

الله يشافيج اختي
ما اعرف عنه عشانم افيدج بس باذن الله البنات ما بيقصرون

[BINKI GIRL]

الغاليه عمليه البواسير سهله مش نفس قبل و اعرف وااايدن سوها و الحمداالله

اعرضهاالغاليه ساعات في نزول الدم

تتالمين لما تتبرزين ( عفوا)

و اتحسين في لحمة زايدة في منطقة الشرج

الغاليه لازم اتروحين العيادة افضل و تتاكدين

الله يشفيج

[@نوره@]

انا سويت في جهاد من 4 سنين
عورني بس اول يوم وبعدين الحمدلله

بس للأسف الحين ياتني اسوأ من قبل
بس ما ابا اروح
ااخاف

[redmoon]

خواتي شو اسم عيادة الدكتور جهاد؟ وشو عنوانها؟

[علياء121]

العمليه قد تذهب بها لفتره ولكنها ستعود .. طال الوقت او قصر

ولكن ونتيجة تجربة شخصية لاحد اعز صديقاتي والله على ما اقول شهيد

كل يوم تتوجه الى الله عز وجل .. بقلب خاشع صادق تتوسل اليه عز وجل

انه يشافيها ويعافيها من هالمرض .. وانه لا يكشف هالمنطقه على احد

وتقدريبا شهر ونص والله انها تحلف ان ولا له اي اثر ..


وللاخت راعية الموضوع اقول ..

تجنبي الجلوس لفترات طويلة .. سواء بالمكتب او البيت او السيارة

اكثري من الخضروات كالخس والخيار

تجنبي الامساك ..

ولكن دام الحاله وصلت لمراحل متقدمه من الالم او خروج الدم او تدلي لحمه من فتحة الشرج

ااقدم لج هالوصفه لمدة ثلاث ايام استخدميهم ولا تنسيني من دعااءج

ابحثي عن ( الـــبـــُــصـُـــرْ ) نوع من الرخويات البحرية تجدينه مجففاً عند أصحاب بيع السمك

اشتر لو مقدار 40 درهم

ااطبخيه و اشربي من المرق و كلي من لحمه ثلاثة أيام إلى أربعة أيام


مع استخدام أفضل ملين للمعدة Fybogel

Fybogel ORANE ispaghula husk


يستخدمي الملين مرتين في اليوم بعد وجبة الطعام مباشرة و ليس مع ( الـــبـــُــصـُـــرْ )



وان شاء الله رب العالمين يشفيج ..

ولا تنسيني من دعاءج

[مهـــــره]

ختيه المووضوع مووول مايخوف .. الحين العلم تطور .. مش شرات قبل .. شي عيادة في بوظبي .. خاصه طباعا .. اتخلصج من الموضوع بنفس اليوم .. ومن غير ماتحسين باي شي ..


ومافي داعي للحرج .. هذي المشكله اتي للحرمة والريال .. ويكون سببها الامساك .. او الولادة .. او كثرة الجلوس في المكتب .. او حتى الوارثه ...وفي دراجات للحالة .. واخس حالة هي اللى ينزل منها الدم بشكل متكرر وكثير .. واخف حاله هي وجود قطعة لحمية في منطقة الشرج .. تنتفخ وترجع تنكمش مع التغير في حالة الجسم ..



اذا كانت حالتج خفيفة فالادوية كفيلة اتحل المشكلة .. واذا كانت المشكلة قويه او متاخره فالعملية هي الحل .. والعمليات حاليا كلها بالليزر .. شس عيادة دوووم اتحط اعلان في الوسيط .. بس ماذكر اسمها !!!!



اتمني قدرت افيدج .. واتمني لج الشفاء العاجل ..

[redmoon]

خواتي شو الـــبـــُــصـُـــرْ لان ما اعرفه مع ان ابوي راعي بحر ، يمكن له اسم ثاني بلهجتنا!!!

اختي مهره شو اسم العياده ال بابوظبي، تعرفين حد جربها؟وين اقدر اشوف اعلانات الوسيط؟

[حلوه جد حلوه]

الله يشافيج اختي
انصحج بمستشفى الامارات

[عود منثور]

العمليه تأثيرها مؤقت حسب ماسمعت والا كنت انا اول من سواها
في مرهم وايد زين استمري عليه اسبوعين اسمه نيوهيلار لا تاخذين غيره خذي هذا بس وبيخف عنج
واكثري من شرب النعناع المغلي والماي ولا وحاولي ما اطولين فالحمام وانتوا بكرامه ابدا
لانى قريت من وصايا لقمان الحكيم لسيده لما اطال الجلوس فالخلاء
قاله انه يورث البواسير والحراره فالرأس وشي بعد مو متذكره
وسلامات

[سمنة غنم]

اختي الله يشفيك انا قريت عن واحد كان يبي يسوي عمليه بس استخدم(مره)يغمسها بقطنه ويدخلها

يقول والله العظيم ان الاعراض راحت نهائيا ارجو انك تجربينها قبل اتسوين العمليه

[مهـــــره]

عيادة جهاد في دبي ... 043311773

[الطيف]

المستشفى الايراني في دبي او الانيو ميديكل سنتر في بوظبي تسوي العملية حرمه ... لا تهملين عمرج وراجعي الدكتوره وهي الي بتحدد حالتج وهل تحتاجين لعملية او يكفي المرهم.
وكحل مؤقت قعدي في ماي دافي وشي بسيط من الملح لا تكثرين من الملح وراح تحسين براحه داومي على هالشي قد ماتقدرين حتى لو اربع مرات او اكثر مايضر المهم الملح يكون بكميه بسيطه جدا عسب ما يسببلج تقرحات هذي الطريقه مع استخدام مرهم (haemoproct) او المرهم الي ذكرته احدى العضوات ان شاء الله راح يفيدج .. لا تنسين تودني في الماي الدافي وراح تدعينلي

[ميثانو]

والله احسن دواااااء للبواسير (الخيله ) عليج فيها والله انها علااااج قوي للبواسير تجوي العوق
خذي الخيله وشويه دهنيها فازلين وخليها مثل التحميله وحطيها في هاذيج المنطقه الثانيه(منطقة الخروج) وشوفي النتيجه ....