●●● تَگاتف ●●●

**شوق الفجيرة** · 2008-08-12, 01:28

مرحبا بكم خواتي

اشحالكن عساكن بخير يارب

..
.

طبعا من العنوان واضح
وتكاتف للي ما يعرفه هو برنامج للتطوع الاجتماعي
وفرصه كبيره لكل شاب وفتاه انهم يظهرون قدراتهم ف العطاء في بلدهم
مابي اتكلم وايد لان بعدني هذي اول مشاركه لي معاهم سبق واتصلو بي بس للأسف ظروفي ما كانت تسمح هاك الوقت بس الحمدلله الحين الظروف سمحت وبديت مع اول مشروع لي الا وهو التطوع في مستشفى الفجيره ...

..
.

اليوم هو اول اجتماع لنا وشرح لنا من خلاله المسؤل عن البرنامج طبيعة شغلنا وكيف بيكون توزيعنا على الاقسام وجيه واستفدنا وايد وايد وتحمسنا اكثر انا واختي وطبعا خبرونا ان بيطرشون لنا جدول من خلاله نداوم ف الاقسام

...
.
اكيد راح اوافيكم بتقرير عن الاشياء اللي راح نسويها بهالفتره بالمستشفى وطبيعة الشغل اللي راح نشتغله وانا الصراحه متحمسه وايد ومتشجعه خصوصا انه اول عمل تطوعي لي وعقبالكن بنات احس الشغله وايد حلوه واهم ما فيها الاجر وانشطه متنوعه ومختلفه ومفيده

..
.

اخليكن مع الصور

هذا طبعا الملف اللي عطوه ايانا وفيه استماره عبيناها والحلو ان نقدر نختار الايام اللي نباها والساعات اللي احنا نباها يعني في حريه في هالشي وحتى الوقت اللي يبا صباحي واللي يبا مسائي يعني براحتكم

هاي شارتي اللي لازم البسها من نبدا طبعا لازم تكون بالايد اليمنى لا تنسون خخخ اكثر من مره يأكد علينا عادي نقوم مستعيلين ونلبسها باليسره <-- خخ من اولها مخالفات

..
.

هني جدول موضح فيه الاقسام وكل قسم كم متطوعه محتاج
يعني علشان نعرف بعدين وين نروح
..
.

وهني كتيب مرفق توضيحي عن برنامج تكاتف بشكل عام يشرحون فيه فكرة البرنامج وكل شي نبغي نعرفه

وللمعلوميه البرنامج فيه شباب وبنات بس اكيد كل حد يشتغل بروحه يعني التعامل معاهم جدا رسمي وبحدود الشغل مثل الدوام يعني

^_^

واخيرا

http://www.takatof.ae/

موقع تكاتف للي ما يعرف عنه ممكن يزوره ويقرا اكثر عن البرنامج
ان شاء الله ما يضيع حماسنا مع اول مشاركه لنا

وطبعا بيكون في نهايته تكريم للمتطوعين وتصوير من قبل اخبار الامارات

وبس ...

المزيد من آخر المواضيع من نفس القسم:

**الناجحه** · 2008-08-12, 01:33

الله يوفجكم اختي
وانتوا خير مثال لشباب الوطن
ربي لا هانكم
وان شاء الله اخبر اختي بدل يلستها في البيت عالفاضي
هذا الوطن ولازم انرد له الجميل بلا اجر والاجر عند رب العالمين ما يضيع

**شوق الفجيرة** · 2008-08-12, 01:38

^_^ ما تقصرين فديتج ع الكلام الطيب

رفعتي من معنوياتي
وخبريها اختيه خل تتصل فيهم وتسجل ^_^

**شوق الفجيرة** · 2008-08-12, 02:29

uppppppppppppppppp

**شوق الفجيرة** · 2008-08-12, 02:32

up up

**شوق الفجيرة** · 2008-08-12, 11:35

تسلمين اختي وما تقصرين

وبيتصلو بج ان شاء الله لما بيكون فيه فعاليه انا بعد مقدمه من سنه تقريبا

^_^

**ذكريات98** · 2008-08-12, 12:33

يزاج الله خير

**شوق الفجيرة** · 2008-08-12, 14:33

جميعا ان شاء الله

الموضوع: ●●● تَگاتف ●●●

أدوات الموضوع

عرض

العرض المتطور

●●● تَگاتف ●●●

المزيد من آخر المواضيع من نفس القسم:

المواضيع المتشابهه

● ● ● ● ● ● ● ● ● ● shoes Crystal & lace ● ● ● احذيـــه دانتيل وشوارفسكي ! ● ● ● ●

● ● ● ● ● ● ● ● ● ● shoes Crystal & lace ● ● ● احذيـــه دانتيل وشوارفسكي ! ● ● ● ●

احــــــــــــذروا ●●●●توفي طفلان والكل معرض لسبب الوفاة●●●● موضوع مهم وخطير

●●التجمع الــ(10) لأمهات المستقبل بإذن الله شهـــ(1)●(2)●(3)ــر2011●●

◄ يبـــه ورآﮓ ●● عنـي اختفيــت ●● وأمــي ماعـاد ●● بُعـده شـﮔيـت ►