للي راحو صلاله .. ممكن اتفيدوني .. جزاكم الله خير ..

*** جـ.ـوري *** · 2008-08-10, 17:31

السلام عليكم و رحمة الله و بركاته

شحالكم خواتي ؟. عساكم بخير..

بنات حبيت استفيد منكم ..

شو الاماكن السكنيه هناك النظيفه .. ؟؟ <<

شو الاماكن السياحيه ؟؟ و الترفيهيه .. ؟؟

شو الجو .. ؟؟ يعني شو اللبس اللي ناخذه ..

جزاكم الله خير خواتي

المزيد من آخر المواضيع من نفس القسم:

**sara_91** · 2008-08-10, 17:50

هيه والله انا بعد ابا اعرف..... واذا في صور بعد احسن......

لا تبخلووون علينا بالرد......

......الله يتمم على خييير.....
...... ان شاااءالله الامور تتيسر ويتم الزواج......ياااااااارب

*** جـ.ـوري *** · 2008-08-10, 19:16

مشكوره ساره عالرد

بس اختي اي زواج يتم ؟؟ خخخخخخخ

**sara_91** · 2008-08-10, 20:16

زواجي....
لاني انخطبت الحمد الله...

**فتاة جلفار** · 2008-08-10, 20:31

جووري

انا امس يايه من صلاله

خذي لج عبايات حق الطلعات لانج ببتوصخين لانه الجو مغيم و ما بتشوفين شيء اسمه شمس عسب تجفين ملابسج و عباتج ههههه انا تلعوزت وايد خذت 3 عبي وقلت لو يبت 4 احسن لي خخخ و فريت جوتيي الله يعزج مابغيته من كثر ما توصخ و لاعت جبدي منه و زين اني خذت معاي احتياط و الصغاريه هالله هالله في ملابسهم يعني بيتوصخون اكثر منا نحن
يعني يبالكم ملابس حق الطلعات شرات المهرجان و ملابس حق الطلعات لليبال و الأماكن شرات عين مغسيل و عين دربات و الطاقه و عين صحلنوت عين جرزير و اليبل الي يوديج لقبر النبي ايوووب و عندكم قبر النبي عمران و دحقة الناقه
اصلاً من تدخلونها بتحتارون اي بقعه بتيلسون ما شاء الله تبارك الرحمن كل بقعه خضره و كل بقعه اروع من الثانيه ما شاء الله بس الجو كله رذاااذ و مغيم على طول و ما شيء شمس ,,

و بالنسبه للسكن ما قدرنا نحصل لانه كله فـــــــــــل و الحمدلله انه واحد يعرف خالي بس ساعدنا الله يجزيه الخير ياربي

**عالية الغالية** · 2008-08-10, 21:23

انا رديت من اسبوع بس كان الجو حااااااااااااااااااااااااار والشمس حاااااااااااارة

حتى انا اسودينا من الشمس

بس ع اخر يوم طاح مطر

وحميي رجع البارحة وقال ان الجو اعتدل الحينه

ومثل ما قالت فتاة جلفار كثري من العبي ولبس اليهال

وهي ذكرت كل الاماكن اللي ممكن تزورونها

ولا تنسين تمرين الصيدلية وتاخذين لج كريم عشان قرص البعوض في الاودية

لان قرص البعوض عندهم غير عن اللي عندنا

يعور ويبهدل والبقع اتم

فلما بتنزلين اي وادي ادهني عيالج وعمرج عدل بالكريم

ونحن سكنا في المنطقة السعادة في فيلا اليوم ب950 درهم

وتعرفنا ع يارنا الظفاري وعزمنا ع عرس عندهم الخميس اللي طاف بس نحن ردينا البلاد

*** جـ.ـوري *** · 2008-08-11, 01:06

فتاة جلفار

فدييييييتج تسلمين .. مااااا قصرتي .. كفيتي و وفيتي ..
نبهتيني وايد ع سالفة الثياب .. هع .. و ان شاء الله اخذ احتياطات ..

.......

عاليه الغاليه ..

تسلمين حبيبتي ..
ما قصرتي .. و ان شاء الله باخذ كريم .. و بنشوف عن السكن

بنات منو بعد يعرف اماكن ثانيه للسكن ؟؟ ابا شقه من كم حجره و كم حمام ..
اللي عندها ارقام شقق تعطيني ..

فديتكم ولدي حبيبي عمره سنه .. << يوم بنكون هناك بيكمل فديته .. << المهم طلعت من الموضوع ههههه
اخذ له ملابس شتويه يعني؟؟ كم درجة الحراره تقريبا ؟؟ ؟؟

*** جـ.ـوري *** · 2008-08-11, 01:12

بنات في وحده طرشت لي رساله تسالني

هل ان الملاريا منتشر بصلاله ؟؟؟؟؟ظ

دخيلكم ردوا علي ..

خفت الصراحه

**منال احمد** · 2008-08-11, 01:36

تبين الصراحه غناتي أنا اليوم واصله البلاد وماتحملت ايلس في صلاله إلا ثلاث أيام بصراحه لو الامارات حاره بس والله بلادنا بلاد عز وخير ونظافه أولا تبهدلنا في السكن كله فل مافي مكان وبالحسره حصلنا شقه بغينا نموت من ريحتها والحمد لله كنت شاله معاي بوكس العطور والبخور وكثر ما ابخر مافي فايده والله أني قعدت أصيح في الغرفه بدموع عشان ريلي مايشوفني وهو قعد في الصاله بس اكتشفت أنه بعد قاعد يصيح لأن مسكين كان مودني ومحط في باله أنا بنقعد في فندق ومكان نظيف وبنستانس ولكن انصدمنا بالمكان ومن الصدمه ماكلمت ريلي ولا كلمه بس شفته بنظره عرف اني مقهوره ومضايجه المهم من التعب رقدت وانا أصيح وبعد ساعه نشيت وطلعنا ندور مكان ثاني ومافي فايده عاد رجعنا للبنايه أم ريحه خايسه وسرت الرسبشن وقلت لهم إني بكنسل قال اوكي بس تدفعين عن اليوم 750وعن باجر 350 حتى لو بتطلعين الحين وجان أنقهر وحرجت وقلت له مره ثانيه يوم بتأجرون على الناس أجرو شي نظيف مب مغبر ورحته خايسه ماينقهر واحتشرت عليه وطرش المصري عشان يجيك وقال تكرمين البلوعه مطلعه هالريحه وكل سنه نعاني من هالمشكله قلت له نظفو وأنا محرجه وطلعت ورديت فليل طبعا الريحه ماخازت بس خفت والغبار مكانه اسمحيلي قلت لج قصة حياتي بس عشان ماتعانين مثلي وأنصحج ماتسيرين إلا لما تحجزين من اهنه قبل ماتسيرين وتتأكدين أنه مكان نظيف وبالنسبه حق الثياب يعني الجو حلو مثل شتانا ولازم تشيلين وايد ثياب لأن وايد طين ويمكن تحتاجين تبدلين اليهال أكثر من مره في اليوم وكثري من العبي والسموحه الغاليه

*** جـ.ـوري *** · 2008-08-11, 02:00

مشكووووووره الغاليه

بالعكس فديتج انتي اتحذريني عسب ما اطيح بنفس المشكله .. ترا حبوبه الواحد لازم ياخذ ارقام شقق من هنا عسب يحجز .. مو يروح جذ ه .. عسب يامن المكان اللي بييلس فيه ..و ان شاء الله البنات يفيدووووني بارقام شقق ..
عسب ما اتوهق.. و عن الملابس فديتج ان شاء الله باخذ احتياطي و اكثر .. انا دوم حتى لو هنا اخذ زياده .. كيف بالسفر .. ههههههههه ..

**حبگ سبانيے** · 2008-08-11, 02:02

اخوي بعد قال الحجز فللللللللللللللللللللللللللللللللللللل ابشن >>شو يخص ابشن احيييييين ههههه
يعني انتي وحظج
لو حظج عثر مابتحصلين
ولو حظج كويس بتحصلين
اهم شي لو شفتي عبدالله بالخير هناك سلمي عليه
ههههههههههههههههههههههههههههههههه>>> والله بنصلخ

المهم
انا مابعرفش حاجه
بس داشه عرض

وتروحون وتردون بالسلاااااااااااااااامه يااااربي
متى رايحين صلاله ؟؟

وااااه ذكرتيني بصلاااااااااااااااااااااااااااااااااااااااااااله
صدج ايامها حلوووووووووووووووه
خصوصا ريحه الللبان في الشقق
ويع

**حبگ سبانيے** · 2008-08-11, 02:03

لازم ياخذ ارقام شقق من هنا

من هنا ؟؟؟

والا هني ؟؟؟

تاكدي وين مصدرين جوازج

خربت لج الموضوع نياههاهاهاها

فمان الله

**مسافرة 747** · 2008-08-11, 14:16

هلا اختي

طرشت لأختي اسألها وردت انه في مكان حلو وهو للعوائل فقط
عندهم شقق مفروشة مستواها مثل الفنادق
اسم المجمع مركز الدينة

بطرش لك الرقم على الخاص

الله يوفقك ويعجبك المكان ... انا مثلك اهم شي المكان اللي بسكن فيه لأني اقرف من اقل شي

**جورجي6** · 2008-08-11, 16:12

انا من كم يوم راده من صلالة ..والله استانسنا فيها ..
انا رايحة تاريخ 23-7 وكان الجو معاهم ما اعتدل يعني حار شوية لكن سوينا هالشي لان الايجارات تكون رخيصة ..حصلنا شقة نظيفةتتكون من غرفتين وصالة كبيرة ومطبخ في بناية يديدة ونظيفة وهي السفير للشقق في صلالة اليديدة

وحجزنا لمدة عشرة ايام ب330ولماجددنا العقد غلوا الايجار فاصبح600
ولما سالنا عن السبب قالوا تغلا الايجارات بشهر ثمانية ..
وحجزنا لمدة اربع تقريبا زيادة وبعدين ردينا
من الاماكن السياحية واللي انصحج تروحينها ويمكن وايدين ما يعرفونها ..
خور روري - جبال سمحان - دربات -طوي عتير - المغسيل - العيون

*** جـ.ـوري *** · 2008-08-11, 16:34

مشكوووووره حبوبه و ما قصرتي ان شاء الله استفيد و القى حجز ..

الموضوع: للي راحو صلاله .. ممكن اتفيدوني .. جزاكم الله خير ..

أدوات الموضوع

عرض

للي راحو صلاله .. ممكن اتفيدوني .. جزاكم الله خير ..

المزيد من آخر المواضيع من نفس القسم:

المواضيع المتشابهه

جزاكم الله خير ممكن تساعدوني

اخواتي جزاكم الله خير ممكن؟؟

ممكن اتفيدوني يزاكم الله خير...

ممكن سؤال ديني ممكن اتردون علي جزاكم الله كل خير

ممكن اتفيدوني .... الله ايخليكم ضروري !!؟؟