ال تحب جلسة البيت تدخل

[وهم الحياة]

خواتي ال تحبن جلسة البيت بشو تشغلوا وقتكم في البيت لأني أحيانا أمل من جلسة البيت ، وفي نفس الوقت أنا ما أحب الطلعات الكثيرة بسبب وبدون سبب لأنها تييب أحيانا الآثام والمشاكل للشخص ، ولا تحرمونا من أفكاركم وكله ترى في ميزان حسناتكم إن شاء الله

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

[عاشقة الزعيم]

كشخة الواحد يرد اوووووووووووووووووووووووووول واحد بالموضوع ^^


الصراحة انا قاعدة بالبيت لا شغلة ولا مشغلة بس فكرت اسوويلي تجارة اشغل نفسي فيها


والحمدلله قاعدة اقضي وقتي بالتجارة الانجري

^^ والحين افكر اوقف هالفترة لاني بدخل شهري باذن الله بعد كم اسبوع


واريد افضى نفسي ^^

[الصهبا]

حاولي تخصصي لج ساعه للقران ..شوفي نضام البيت لو ما عاجبنج عفسيه من فوووق لتحت واعيدي ترتيبه
امممم افتحي النت طلعيلج مواضيع يديدة اسلاميه وتثقيفيه واجتماعيه تراه يضيع الوقت.....
لو عندج يهال يسيرن المدرسة سويلهم انشطة وخزني صووور ومواضيع للانشطة ..وتسلمي اختي هااللي عندي وان شاءالله تستيفيدي

[وهم الحياة]

تسلمون خواتي على مروركم الطيب ، وننتظر آراء الباقيات وأكيد ما بيقصرن

[الأصالة]

وااايد احب يلست البيت

بس مرات اضيق منها

بس في الاجازات احب ارقد واشوف افلام واسهر

احب اخصص وقت لقراءة القرآن وقراءة القصص والرواياات

احب ايلس في مكان هادي بعيد عن الكل وافكر اتخيل

احب الهدووء واايد

مع ان بيتنا مووووووووووول مب هادي

[السيده نفافه]

1-لقراءه:مختلفه اسلاميه. قصص ,علميه بسيطه.جرائم , رومانسيه...الخ
2-النت
3-الزراعه الداخليه والخارجيه:حلوه سيرت المشاتل والتعرف ع انواع الزرع وكيفيه العنايه به
4-تعلم الرسم:فيه كتب تعلم الرسم وطريقه مزج الالوان ورسمات جاهزه تنقلينها وتلونينها بالالوان المائيه او الزيتيه...الرسم ع الزجاج
5-حاولت اتعلم كروشيه الها بعد كتب ...اشغال يدويه
6-الكبتات :الف عليهن انضفهن وارتبهن واعطرهن واتصدق باللي ما اباه
7-اسير النادي ساعه ونصف يوم وترك
8_افكر ادخل مركز تحفيظ قران
9-المطبخ ما احبه ولا احب الطبيخ
10-الجمعيه:لاغراض البيت
11-العيال:العب وياهم سوالف.قصص.ضرايب.بلي ستيشن
12-.......شو بعد ما اذكر ......

13_امر ع الوالده اشوفها اذا محتاجه شي

[وهم الحياة]

بارك الله في كل أخت أبدت رايها وفي ميزان حسناتكم إن شاء الله

[الحيياة]

احب قعدت البيت

اجهز فطور زوجي واودعه
رياضة على الخفيف ربع ساعة
جزء مخصص للقرآن
جزء مخصص للتسبيح
اطالع بعض القنوات أو أفتح النت
ادخل المطبخ
ارتب الكبتات
اقعد مع عيالي واقولهم قصص
اكلم حد من الأهل واربيعاتي
اطلع مشوار مثل دايسو واخذ لي اغراض مميزة
احفظي قرآن
اعزمي صديقج
خذي نافورة صغيرة واقعدي اشربي شاي عدالها
سوي لعمرج خلطات للجسم للشعر
اقري كتب
اسمعي محاضرة
واحلى شي يقضي وقتي اتعلمي اتخيطين وروحي محلات الخياطة وخذي علوم واتعلمي

[هيااام]

انا اكررررره شي عندي يلست البيت
ما ادري احس داايما ابي اطلع

[قصص]

انا احب اظهر في النهار اقضي اقضي اغراضي

ويومي مقسم ( العباده / الاشراف على الخادمات في البيت / الطبخ ( حاليا احيانا ) / زيارة الوالده فديتها )

فليل اكررررررررررررررره اطلع الا للشديد القوي

انا عموما ما احب اظهر وايد كل وقتي تقريبا في البيت

حتى عيالي يعانون من هالشي يبوني اظهرهم وانا ما احب احس اني ظالمتنهم

ومثل قولتج معظم الاماكن آثام شو اراويهم من الخير

[بطرانةحلوة]

عادة دوم اسير النادي <<<<<< الاخت رياضية خخخخخخخ

لأني احس بالرياضة الوحدة تتنشط والوقت يمشي

واذا قعت بالبيت امووووووووت عالطبخ الحين قاعدة اتعلم اسوي الخبز واللقيمات وهالسوالف الصعبة خخخخخخخ قبل رمضان عشان اكون expert قبل رمضان

او اقعد عالنت

اطالع T.V

اقرى قرآن <<<<<<<<<واحاول احفظ بعض السور

وووووووووووو بس ^^









انتي شوفي شو تحبين وحاولي تضيعين وقتج فيه

غيري ديكور البيت <<<<<<<<< يعني اتغيرين اماكن الآثاث للتجديد

اتعلمي الميك اب

قعدي اكتبي مستلزمات البيت , رمضان , العيد , العيال ........... الخ

عسب اتكونين مرتبه

رمسي ربيعاتج

ارقـــــــــ ^^ ــــــــــــدي

[غلاتي أنا]

انا احب يلست البيت
بس الحمد الله ما حس ابملل
اصلا ما عندي وقت للمل طوول اليوم وانا مشغولة بالعيال والبيت و و و

[حرم المهيــري]

انا احب يلست البيت
بس الحمد الله ما حس ابملل
اصلا ما عندي وقت للمل طوول اليوم وانا مشغولة بالعيال والبيت و و و

انا شراتج واحس ان البيت احلى واستر حق الوحده عاااااااااااااااادي تطلع ما نقووووووول لأ بس يلسة البيت وااااااايد احلى

[وهم الحياة]

أثلجت صدري ردودكم لا عدمتكم أخوات إن شاء الله ..

[×أم نواري×]

امممم .. ايلس ع النت .. بس وااااااايد اتملل منه ..

اهتم بنفسي .. اسويلي اقنعة للوجه و حلاوة و تشقير و اسشور شعري .. ادش المطبخ و اشوف شو عندي من الاغراض و اطبخ وووو اشوف التلفزيون و اكلم الوالدة و خواتي و ربيعاتي .. ايلس في الحوش ويا بنتي و اخليها تلعب .. افتحت النت و اقرا شي يفيدني .. افتح الكبتات و الثلاليج و اعق الي ماباه و ارتبهن .. احااول اخلي جوو البيت رووماانسي .. يعني شبه مظلم وباارد و دخون ...