شرح لعمل صناديق مندوس

[النــ بنت ــور]

السلام عليكم ورحمة الله وبركاته

خواتي العزيزات مليت من قعدة البيت ابي اسوي شي احس يمر العمر دون فايدة ما سويت شي ولا جربت شي ابيكم تساعدوني الغاليات ... انا موّهت عنوان الموضوع صحيح بس شسوي هذي الطريقة الوحيدة اخليكن ادشن موضوعي :1 (26):
عندي او بالاصح في بالي فكرة الي هي صناديق المندوس الي يسوونها بعض الخوات التاجرات ويزينونها بالورود والاكسسوارات .
وفكرة الصحون الستيل الي يسوون فيها حلويات الفواله والباتشي نفسي اسويها
بس المشكلة ما اعرف شلون الطريقة ... الاساسيات بسيطة ممكن نشتريها من المكاتب بس العمل يا بنات ما اعرف شلون انفذ العمل ... فيا ليت اي وحدة من البنات الي سوت الصناديق او عندها فكرة تشرح لي الطريقة لجل ابدي بشي ينفعني واقدر اكسب منه ارجووووكم انا جادة في طلبي لا اطنشوني
وما ابي الموضوع يبرد وابرد معاه.
فالي عندها استعداد تعلمنا نشرح لنا بالصور بالتفصيل شو نسوي وشو المطلوب
انا عن نفسي مستعدة من الحين ومنتظرة الي بترد على الموضوع واي شي تقولي اييبه من المكتبة تقولي عنه وببتدي معاها
وبارك الله فيكن جميعا

المزيد من آخر المواضيع من نفس القسم:

• احدث ديكورات مكاتب منزلية بتصميمات انيقة...
• ديكورات داخلية باللونين الأخضر والبني...
• صور ديكورات مطابخ لعشاق الرقي والاناقة
• صور ديكور غرف نوم مفعم بالرقي والفخامة
• اجمل تصاميم غرف طعام انيقة للعزومات والضيوف
• اروع تصاميم ديكورات مداخل غاية الرقي والجمال
• صور ديكورات مداخل منزل انيقة وعصرية
• احدث تصاميم غرف اطفال جميلة وعصرية
• اجمل ديكورات غرف طعام لاناقة منزلك في...
• ديكورات مكاتب منزلية غاية الرقي والاناقة

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[DesigneR StylisH]

الغاليه .. إنتي لو تبدين تبدعين بنفسج ..

مره ع مره .. بتستوين خبيره في الشغله ...

يعني صعب الواحد يعلم الإبداع المهم عندج الأساسيات والفكره .. وتطبيقه يكون من لمساتج ...

موفقه إن شالله .. وإنشوف قريب شغلج ..

[ريحانة]

كان ودي أساعدج
بس ماأعرف في السوالف هذي

[ShooqAlMaha]

حبيبتي الله ايوفجج إن شاء الله ............

شوفي انتي في اي اماره ؟؟؟

المهم عندنا في بوظبي وظني في باقي الامارات الاتحاد النسائي والمراءه الظبيانيه ايسون دورات اشغال يدويه وخياطه ومكياج باسعار رمزيه بعد عندج المجمع الثقافي اتصلي بالبداله وخذي الرقم للاتحاد النسائي والمجمع واساليهم عن قسم التقديم حق الدورات وبيعطونج التفاصيل ..........

صدقيني بتستانيسين اول شي بتتعلمين صنعه حلوه تشتغلينها من بيتج ويناسب وقتج الصبح ...

ثاني شي بتتعرفين على حريم طيبات بنفس اهتماماتج ...........

وانا اعرف وحده شاركت في دورة خياطه ماشاء الله الحين بتفتح محل اتخيط فساتين حق اليهال من اروع ما يكون واتنافس الموديلات الغربيه الراقيه الي فعلا تحسين انه ياهل باللبس .........

اتوكلي على الله ، والله ايوفجج في مسعاج وايوفج الجميع ..........

تحياتي ............

[النــ بنت ــور]

DesigneR StylisH
هذا الي احاول اسويه ابي ابتدي بشي على اساس بعدين ابدع فيه واستمر
ويعطيج العافية

[النــ بنت ــور]

ريحانه
تسلمين اختي ومشكورة لتشريفج موضوعي

[النــ بنت ــور]

ShooqAlMaha
هلا فيج يالغالية انا من ابوظبي .. بس مشكلتي مقدر اطلع تعرفين الزوج والبيت ومو اي وحدة ظروفها تسمح لها انها تطلع ... لو علي انا كان من زماااان اشتركت في هالدورات لكن زوجي اهو الي رافض فحبيت اشغل نفسي في البيت و اعرضهم على صديقاتي وهكذا لين احس اني قادرة اني ابدع من افكاري واستمر ان شاءالله

[النــ بنت ــور]

لالالا صراحة تفاعلكم كسّر الدنيا
هذا ونا متأملة منكن العون ... بارك الله فيكن جميعا

[عواش]

الله يسر امورج ان شاء الله ...

[النــ بنت ــور]

تسلمين اختي عواش بارك الله فيج بس يا ليتني ما كتبت الموضوع بالاصل....!

[ساحرة العيون]

والله انا مثلج ماعندي شي اسويه غير الانترنت والكمبيوتر لا عندي عيال اتسلى بهم ولاشغل اداوم عليه
ومليت من هذا الروتين شو اسزي هذه حال الدنيا ياريت الخوات يفيدونا