سنه أولى كي جي

[ام الغزلان]

هلااا
انا العام سجلت بتي روضه مع اني كنت متوقعه انه بتصيح كنت احسبها متعلقه فيني بس عااادي دخلنا الكلاس وطبعا المس طيوبه واايد ترحب وتعطي حلاوة و تصفق مسويه جو لليهال واخليت بنتي تختار وين تيلس طبعا يلست اعرفها على ربيعاتها في الكلاس كانت ماترد علي مستغربة من كل شي المهم قلتلها انا بسير اشوووف رااعي البااص اللي بيردج البيت وقلتلها انتي تحبين تركبين البااص شراات خالوووه قالت هيه وطلعت من عندها ورديت البيت
بس في الكلاس واايد بنات كانن يصيحن هذا اللي خوفني انهم يا اثروون على بعضهم والكل يصيح ويااهن المم رديت البيت وعقب ساعتين اتصلت على المس وسالتها قااالت واااايد اوكيه سااكته وبعدين ردت بالبااص ويووم شاافتني اقوولها اهلين حبتتي ردت من المدرسه قالتلي ما اكلمج يالشرااده وبس اليووم الثااني مااطاع اتسير الا اذا حد وصلها بالسيااره واسبووع كامل انوصها بس وبعدين عاادي بس الحمد لله ماااصااحت اهم شي لا تطروون الصيااح لليهال لا تقولولهم بتصويحون او لا تصيحون عاادي حسسوهم انهم احسن من اليهال اللي يصيحون