ما أعرف شو أحط عنوان

**الداعية** · 2008-08-05, 22:57

السلام عليكم والرحمة

اشحالكن خواتيه الغاليات؟؟؟

والله ييت أكتب لكن لأنه ما عندي أحد أفتح له قلبي

وما أريد أنكد ع أهلي

تخيلن يا بنات...

من عرست ونا في دوامة مشاكل

مع ريلي وأهله... والله العظيم ربي يشهد وكل الناس تشهد إنه كل الغلط منهم

لأني أنا إنسانة مسالمة بطريقة ما تتصورونها

وصلت فيهم المواصيل إنه مب بس ريلي يضربني.. لأ.. حتى خواته.. لأنه شافوني من النوع السكوتي

هني اتخذت موقف ورحت عند أهلي...

وكبر الموضوع بطريقة ما تتصورونها

وما رجعت له إلا بعد فترة طويلة وبشروط موقعة وموثقة من المحكمة

مع ذلك ما لقيت الاحترام

تخيلن يا بنات.. إنه وزني تحت الخمسين ويخليني أشل فراش مبلل بالماي بروحي...

يعني غسلي ونشري بروحج.. ع قولته.. دبري عمرج بعمرج...

أمه وزنها فوق الثمانين ما يرضى إنها تحرك كرسي من مكانه.. وخواته نفس الشي...

وليش يعني.. أنا مب إنسانة؟؟؟

والله العظيم إنه معاملة الحيوان أحسن..

حتى ونا أصلي عادي يعق علي رمسة ويروح...

والرقاد.. تخيلن إنه عادي تمر 24 ساعة ويوم أيي أريد أرقد لأني خلاص أكون هلكانة.. يقول لي.. خير نعم.. شو رقاده.. قومي اشتغلي.. أقول له خلاص.. خلصت ونظفت..

يقول سيري تأكدي.. يوم أروح أحصله فار الكلينيكس والقراطيس ع الأرض..

إذا ما شليته بنضرب.. وإذا شليته بيفر غيره..

مب عارفة كيف أتصرف معاه...

وتخيلن إنه إذا استلم معاشه يربع يوزع على أمه وخواته... ويقول لي إنه مب مسؤول عني... يعني بصريح العبارة.. يقول لي دبري عمرج بروحج.. أنا مب كاد عليج..

أروح الدوام عشان أصرف عليج انتي؟؟ من تكونين؟؟

لا فلوس.. لا معاملة طيبة.. لا كلمة حلوة...

ألين متى؟؟؟

ومن فترة تبين إنه يمكن يكون فيني المرض الخبيث.. والله لو شفتن نظرات الفرحة في عينه ما تقولن هذا ريل.. حتى العدو يمكن إنه يتضايق..

ليش هالإنسان جيه ما أعرف..

ادعن لي الغاليات

المزيد من آخر المواضيع من نفس القسم:

**جلنورة** · 2008-08-05, 23:02

الله المستعااان

شو هذا ...هذا انسان مريض وماعنده شخصيه<<شو انتي مانشدتي عنه قبل لا توافقين عليه

حبيبتي والله تقطع قلبي على حالج...بس جي حراااام ..

الله يعينج ويهون عليج...فخاطريه رمسه ثجيله ماقدر اقولها وادل على المكرووه

**Cute Mamy** · 2008-08-05, 23:04

اصلا إنتي متأكدة بأنه إنسان ؟!!!!!

حبيبتي شلي بعمرج وسيدة بيت أهلج عن يطير مخج ,,

هذا مب صاحي ,, مبين إنه متعقد نفسيااااا

**العين وبس** · 2008-08-05, 23:39

المشاركة الأصلية كتبت بواسطة Cute Mamy

اصلا إنتي متأكدة بأنه إنسان ؟!!!!!

حبيبتي شلي بعمرج وسيدة بيت أهلج عن يطير مخج ,,

هذا مب صاحي ,, مبين إنه متعقد نفسيااااا

**ام مزوونه** · 2008-08-05, 23:08

الله يصبرج
حاولي تغير ريليج اذا ما تبين تخسرينه
سويله هدايا بالكلمه الحلوه شويه شويه بيتغير
واذ ما قدرتي ادعي ان الله يشفيه ويهديه

**عالية الغالية** · 2008-08-05, 23:15

الله يهديه

عليج بقيام الليل والاستغفار

بس نصيحة

لاتحطين ذهبج واغراضج الغالية في البيت عنده عاااااااااادي يقول هذا من بيزاتي ويضيع حقج

والله يشفيج ويعافيج من كل مرض وبلية واهتمي بنفسج وبصحتج وخليه يزول

**khaleejiya** · 2008-08-05, 23:45

استغفر الله هذا مب زواج!!
وين اهله؟ هم راضيين عن اللي يسويه فيج؟ انزين اهلج وين؟؟؟ لازم حد يتدخل ما يصير اتمين على هالوضع اما يتعدل او كلن يروح بطريق
واختي لا تفاولين على عمرج بالمرض انتي قلتي "يمكن" يعني مب اكيد
يارب مايكون فيج الا العافيه يااارب

**حنين البدر** · 2008-08-08, 23:37

المشاركة الأصلية كتبت بواسطة khaleejiya

استغفر الله هذا مب زواج!!
وين اهله؟ هم راضيين عن اللي يسويه فيج؟ انزين اهلج وين؟؟؟ لازم حد يتدخل ما يصير اتمين على هالوضع اما يتعدل او كلن يروح بطريق
واختي لا تفاولين على عمرج بالمرض انتي قلتي "يمكن" يعني مب اكيد
يارب مايكون فيج الا العافيه يااارب

أختي حددي موقفج معاه من ألحين .. باجر بيصير عندج عيال منه ... وبتتبهدلين أكثر ... وهذا شكله مو قد زواج ولا غيره ... هذا من الحين جذا .. باجر شو رايح يسوي ...

ربي يهديه .. انا مو قصدي أخرب بيتج .. بس هذا ما يستاهل تعيشين عنده .. وما يعرف معنى زوجة وبيت ومسؤولية ولا حتى أهله ...

ربي يصبرج ويشفيه الغالية ويهون عليج ..

**ونااااسه** · 2008-08-06, 00:00

حبيبتي قطعتي قلبي لاكلف الله نفسا الا وسعها بيت ابوج اولى بج على شو صابره ؟؟؟؟؟؟؟؟ واكيد اهلج مايرضون لج بالذل والاهانه والله لو مشاكل عاديه انا بقولج صبري وتحملي ريلج لكن لهاي الدرجه ؟؟؟؟؟؟؟؟؟ لا والله ماتم عند دقيقه

**غــ مرحوم ـلا** · 2008-08-06, 00:22

الله يعينج ويصبرج

**جرجيرة** · 2008-08-06, 00:26

الله يشفيج ان شاء الله

**الرحيق** · 2008-08-09, 00:10

سبحان الله شو هالانسان..
اختي الله سبحانه وتعالى لما شرع الزواج شرع الطلاق بعد.. وكثير من الحالات ما يكون حلها الا بالطلاق لان الزواج سكن وعشره طيبه ومعامله حسنه .. اختي حتى الحيوان يرحمونه ولا يحملونه فوق طاقته ..
الله يعينج ويصبرج لو كنت بدالج والله ولا ليله اعيشها مع ناس جي ..

**ام بدر** · 2008-08-06, 01:15

احسه مب صاحي

وانتي شو مخلنج تستحملين كل هالاهانات..بيت هلج ارحملج ..

الله يفك ضيقتج يا رب

**OM MUBARK** · 2008-08-06, 01:17

الله يكون ف عونج يارب
ويهدي ريلج ..

**زهرة العين** · 2008-08-06, 01:34

إختي الين متى بتصبرين هذا شكله ما يباج ،،،،احسلج تروحين بيت اهلج وصدقيني باجر الله بيعوضج باحسن منه ،،،،،ما انعدموا الريايل ،،،،داري على صحتج احسن محد بينفعج يوم بطيحين مريضة ،،،الله يبعد عنج المرض وإن شالله ما تشوفين الشر آميييييييييييين

الموضوع: ما أعرف شو أحط عنوان

أدوات الموضوع

عرض

العرض المتطور

ما أعرف شو أحط عنوان

المزيد من آخر المواضيع من نفس القسم:

المواضيع المتشابهه

ما بحط عنوان.........

والله ما قدرت احط لها عنوان انتوا حطوا لها عنوان

ممكن أعرف وين ممكن أعرف اتعلم التصوير

صج أبا أعرف رايكن في شخصيتي ....... حلوة ولاّ.......... صج والله خاطري أعرف