ابرة الظهر في مستشفى الوصل

***لمياء*** · 2008-08-05, 21:33

السلام عليكم جميعا

من يومين كنت عندي موعد في المستشفى الوصل سألتني دكتورة هل تبين ابرة الظهر قلتلها اعطيني فكرة عنها سلبياتها و ايجابيتها قالتلي : اللي يحبون ايجربون هالابرة نعطيهم موعد مع دكتورة بنج و هي بتشرح كل شي و اعطوني موعد تاريخ 18/8 عسب اشوف دكتورة بنج

ها خواتي شو رأيكم؟؟؟ اعطوني من تجاربكم او تجارب معارفكم و جزاكم الله الف خير

المزيد من آخر المواضيع من نفس القسم:

**هيااام** · 2008-08-05, 22:43

ان شاء الله البنا ت يفيدونك

**عسل نادر** · 2008-08-05, 23:26

الصراحة ما اعرف و ان شاء الله البنات يفيدونج

**اشتكي من** · 2008-08-06, 01:32

كل اللي أعرف عنها أنه أي غلطه في هالأبره أتسوي شلل لا سمح الله

**nnoo** · 2008-08-06, 01:34

والله انا سمعت انه سلبياتها اكثر عن ايجابياتها..

**shamoOo** · 2008-08-06, 02:40

الغالية ...انا جربتها في الوصل بالبيبي الأول .... ريحتني حزة الولادة ... بس عقب تم ظهري إعورني وايد .... لين اليوم معنه بربي جريب ان شاء الله

**قصايد الهاملي** · 2008-08-06, 10:00

ماايدها وايد اقرا عن سلبيتها وحتى ايجابياتها

ف النهايه الوحده تتحمل الم يوم واحد احسن بدال ماتتحمل الم شهور وسنين

السمووحه

**حبيبه ريلي** · 2008-08-06, 10:02

الصراحة ما اعرف و ان شاء الله البنات يفيدونج

***لمياء*** · 2008-08-06, 19:04

مشكورررررين خواتي و ما قصرتوا و نبا مزيد من آراء

**BenToooH** · 2008-08-06, 21:54

اممممممم صح ان اي غلطة ممكن تسبب مضاعفات خطيرة
بس ما اتوقع هالشي يصير الا نادرا لأن الدكاترة اللي يعطون هالابرة متمرسين وشاطرين .. يعني مب أي دكتورة بتظرب هالابرة!!
وايد سمعت حريم مجربينها ويقولون انها تريح وايد وقت الولادة (بس ماعندي فكرة لو تأثر عقب!)

بس عن نفسي اشوف ان مالها داعي .. يعني التعب هذا مكتووب لنا احنا الحريم ... ((نتحمل شو ورانا >.<))
وانشالله كل شي بأجره ..... والولادة الا هي ساعات وعقب راحة بـشوفة البيبي المنتظر ^_^
يمكن تعب الولادة يخلينا نحس أكثر بقيمة العيال =)

انتي روحي لموعدج ويا مالت البنج وشوفي شو تقووول .. واستخيري جان تاخذينها ولا لا ^_^
الله يسهل علييييج

***لمياء*** · 2008-08-07, 21:48

و يسهل ع الجميع ان شاء الله

**sweetlade** · 2008-08-08, 03:28

والله صرت محتارة

لأن كل ولاداتي بالقيصرية وجربتها في الولادة السابقة ، فحسيت بفرق كبير بينها وبين التخدير الكامل ، يعني بالنسبة لي كان التخدير النصفي أفضل ، ولازم بيكون في ألم بعد الولادة بأي طريقة ، بس بالنصفي كان الألم أخف عن الكامل ، وبعد ماطلعت من المستشفى ودروا اللي حوالي بأني سويت تخدير نصفي لاموني وقالولي إنه ممكن يصيرلج شلل ومن هالسوالف اللي ماتخلص ، وقلتلهم الحمدلله الله ستر ، وآمسات يايه من عند دكتور التخدير وموقعة على تخدير نصفي بعد بتاريخ 12-8 ، والله كريم لأني متوكلة عليه ، وعسى الله يبيلي اللي في بطني معافى سليم الخلق والخلقة ، اللهم آآآآآآمييين ، ودعواتكم الصادقة وياي هاليومين لأني بأمس الحاجة لها .

آسفة طولت عليج ، وان شاء الله تقومين بالسلامة .

***لمياء*** · 2008-08-11, 19:54

الله يسهل عليج يا غالية

بسألج هل عقب الولادة قصدي بشهور مب ايام حسيتي بعوار في الظهر او... يعني اي اثر جانبي؟؟؟؟؟

**الريشه** · 2008-08-11, 20:00

انا بعد ما ااااايدها لان سلبياتها اكثر من ايجابياتها
لكن اذا الامر لازم يعني عمليه لا سمح الله عاد هاك الحزه لا حول ولا قوه اخذها لازم وغصبن عنج بس صج تخوف
والله يقوووومج بالسلامه

**دهن عود ملكي** · 2008-08-11, 23:54

الحمدلله رب العالمين خذت الابره بس مب في الوصل..في الامريكي...وكانت تجربه روعه وبكررها في ولادتي الثانيه اذا الله راد...واللي تقول شلل..ترا هذا كان يصير في العصر الحجري اول ما اكتشفوا الابره...عمرنا ما سمعنا حاله شلل ولله الحمد

الموضوع: ابرة الظهر في مستشفى الوصل

أدوات الموضوع

عرض