مشكلتي المنتدى

[نااعمه]

السلام عليكم

انا مشكلتي مع المنتدى

بصراحه انا نزلت موضوع في القسم العام وفيه لنك لموقع فيه اصل العيم وتاريخهم وحذفو الموضوع وقالو انه يسبب مشاكل بين العضوات الحين لو نزلنا موضوع مثل هذا ليش تستوي مشاكل لهاي الدرجه وصلت فينا العنصريه انه مجرد كلمه عيمي تسوي مشكله؟ مثل ما فيه مواضيع تبين اصول العرب والقبايل من وين ياين هالموقع فيه اصول العيم ليش حذفوه؟

المزيد من آخر المواضيع من نفس القسم:

• لأنّه جعل الفقير ييعش مع المؤمنين لا مع...
• الإكتئاب طاعون العصر الحديث بحث مرجعي...
• كيف تكون إيجابيا ؟
• كيف تتعامل مع ذاتك بطريقة صحيحة؟
• كيف تقوي ذاتك؟
• كيفية تطوير الذات بطرق بسيطة
• افضل طرق لتطوير الذات وزيادة الثقة بالنفس
• اهم المهارات التي تحتاجها لتطوير الذات
• طرق تطوير الذات في مجال العمل
• اقتباسات ~ مُهرة القَصر

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[بنــت الرئيسي]

امممم والله ماعندي فكره عن مووضووووعـج !!!
اللــرفع ^^

[فطـــامي]

هههههههههههههههه حبيبتي عادي خذي بروح رياضيه اهم شي انتي تعرفين وكل الناس يعرفون اصل العيم وتاريخهم وما اظن يسبب مشاكل

[fatat.zayed]

وانا بعد ما عندي فكرة عن موضوعج ....


بس للرفع

[كفاني جرحك]

وانا بعد ما عندي فكرة عن موضوعج ....


بس للرفع

[رد روز]

انا قريت الموضووع وشفت الرابط ما اعتقد انه في شي عشاان ينحذف والمشرفات الله يهديهن
اروااحهن يلغن مواضيع بدون مشااور ولا شي

[امونة2006]

يقولون هذي قوانين المنتدى

[لوليانو]

عادي حبيبتي .... راسلي المشرفة أحسن ...

[مفتاح السعادة]

اي قوانين هاي ..... ؟؟
صراحه في مشرفات يحذفن المواضيع و ما احس انه ضروري الحذف و لاحظت هالشي في المنتدى واااااااااااايد مواضيع محذوفه و عادي يكون المحذوف اكثر عن اللي انضاف في هاليوم ...!!!!

عرب و الا عيم كلنا في الاخير بنتحاسب بافعالنا و اللي يزعل من هالموايع اسمحولي " بيبي " لانه الموضوع ما يزعل ..
و السموحه خواتي

[الأصالة]

ليش حذفوه؟؟؟؟؟

[نااعمه]

هاي معلومات عامه يعني ما اظن انه في اساءه لاي حد بس ليش المشرفات يحذفن بعض المواضيع الي ممكن تكون مفيده ماعرف لانه اغلب الاماراتين ما يعرفون انه العيم سنه واساسا عرب مافيها شي لو نزلنا موضوع نثقف فيه الناس عن مواطنين بلادهم عشان ما يعتبرونهم دخلاء عليهم ويسيئون معاملتهم

لو المنتدى بيتم جذي بصراحه بيكون وايد دكتاتوري وفيه عنصريه غير مقبوله


وشكرا لمروركم خواتي

[Pink_memo]

اختي ليش وايد متحسسه من موضوع العيم .. خلاص اتوقع الحين ماشي فرق بين عيمي ولا عربي .. و العرب بدوا ايوزن عيالهم للعيم لكن العيم الله يهداهم ما يطيعون ايوزن بناتهم للعرب ما ادري ليش ؟!!

وبعدين المشرفه حذفته لاني انا بنفسي شفت رد وحده من الاخوات الي قالت انا ما عيبيني انا ارابع وحده عيميه .. فتوقعت انه هالكلمه ممكن تثير الحساسيه و المشاكل ..

[هتاان]

عادي اختي خذي الموضوع بروح رياضيه

[سويم]

اختي ناعمه ... فعلا مثل ما قلتي الموضوع عادي ما فيه شي وعلى فكرة بروحي تعلمت معلومه وجهتيها لي عن العيم واستفدت منها لأني ما كنت أعرفها من قبل بس تعرفين إنه البنات بيدخلن فتفاصيل ثانيه .. هالتفاصيل قد تسبب اختلاف .. لأنه لكل فئه عادات وتقاليد ومعتقدات وأفكار غير عن الفئه الثانيه ... ماقصد إنه العيم غير عن العرب لا .. أقصد أنه لابد من وجود اختلاف بينهم.. وللمنتدى قوانين وأكيد خافوا من إنه تثير بينهم مشكله أو شي فحذفوا الموضوع ...

[نااعمه]

مافي حساسيه ولا شي وكل انسان حر بصداقاته وهاي الي ما تتنزل ترابع عيميه شي راجع لها هي تربت على شي محد يروم يغير تربيتها

بس ها موضوع عام يعني ماظن فيه شي اليوم بنزل موضوع عن العيم باجر بنزل موضوع عن الهنود الحمر ورا باجر عن الافارقه وين المشكله؟ كلنا عبيد الله ولكن الموضوع كان مجرد لتثقيف بعض الناس مثل الاخت الي قالت ما برابع عيم

وعن الزواج فديتج كله نصيب مثل ما في عيم ما يزوجون عيالهم لعرب شي وايد عرب بعدهم يتحرون العيم دخلاء عليهم وما يزوجون عيالهم عيم وانا ما الومهم لانهم ما يعرفون الحقيقه ونحن من واجبنا نوضح الامور وعقب كل انسان حر في يزوج عياله لمنو او يرابع منو

ومب كل موضوع فيه رد او ردين ما عجبوا المراقبه ينحذف بجذي نص مواضيع المنتدى بتنحذف عشان كم عضوه ما يعرفن يردن شرات الخلق