ابغي شوركم

**لطيييفة** · 2008-07-30, 19:54

السلام عليكم خواتي العضوات حبيت اخذ رايكم بموضوع يخص حياتي ومترددة فيه انا اعرف شخص يحبني ويموت فيني ولو اطلب منه شو متأكدة انه ما بيردني وانا احس اني اميل له والسالفة سالفة زواج يعني هو مستعد يخطبني اليوم قبل باجر بس انا مترددة ليش؟ لان انا عمري 29 وهو اصغر عني بسبع سنين مع انه فيه مواصفات اللي تحلم ابها كل بنت وعقله كبير ما شاء الله ومن اصل طيب واهم شي يحبني لدرجة مب طبيعية بس انا خايفة صراحة من كلام الناس وهل بيتقبلون هالشي والا لا واهله واهلي يعني وايد امور بس حبيت اخذ رايكم شو تنصحوني تعرفون انا كبرت بالعمر بس خايفة اني اندم اذا وافقت واذا رفضته اجرحه لانه يحلف انه ما بيفكر بغيري طول عمره ابي رايكم دخيلكم لا تبخلون علي والله يوفق الجميع واترياكم

المزيد من آخر المواضيع من نفس القسم:

**حمامة سلاااام** · 2008-07-30, 19:58

يااختي ماعرف شو طبيعة العلاقة الي تربطج في هالريال
بس صعبه تاخذين واحد اصغر عنج بسبع اسنين
يعني يوم بيكون عمرج فالاربعين هو توه 33 ؟؟؟؟
بعدين هله بيوافقون انهم يزوجونه وحده اكبر عنه بـ 7 اسنين ؟؟؟؟؟؟
مادري والله انصحج تستخيرين

**Bent_elsharjah** · 2008-07-30, 19:58

من استخار ما خاب

اكثر ي من الاستخاره وقيام الليل يا وخيتي

اما عن رأي الفرصه تي مره وحده وما دام هو ما يتعيب اتوكلي على الرحمن والناس انسيهم... الناس ما عندهم غير الملامه والعياره...... وتاكدي ه>ا حياتج انتي..... ولا تنتظر ي من الناس انها تبارك او تفرح لج الناس ما تبغى الا تحش بالخلق

اتمنى لج حياة سعيده

**دلع العيم** · 2008-07-30, 19:59

اتخيري ثم استخيري ثم استخيري

ولا تثقين فيه لين ما يوصل عند باب بيتكم ويخطبج

واكثري من الدعاء الله يوفقج الغالية وييسر لج امورج

**نبضة أمل** · 2008-07-30, 20:05

الله يعينج ويسهل امورج..ان شاء الله خير
لان هالموضوع حساس عند الكل اهلج واهله
ونحن ما انقول غير الله يجعل الخير ويسهل امورج

**عيووون دبي** · 2008-07-30, 20:11

اعرف وحه خذت واحد وياها فالدوام ..

كان عمرها على اخر الثلاثينات وهو نص العشرينات تقريبا ..

يعني الفرررررررق اكثر من 10 سنين ..

لكنهم الحمدلله عاايشين ومستانسين ..

بس اول ما ملجو الناس وايد رمسو عليها حليلها ..

مع انه ما كان بينم شي ..

وتوها الحمدلله يايبه بيبي ..

فاختي انا اقول توكلي على الله ..

ولا تنسين الاستخااارة ...

هي اهم شي ..

بتعرفين اذا صدق انتي مرتاحه او لا ..

ادعي انه الله يسر اللي فيه الخير لج ..

واتمنالج كل خيــــــر ..

**شمس الوادي** · 2008-07-30, 20:36

انت اللي بتعيشين وياه والا الناس الرسول صلى الله عليه وسلم كان اصغر من السيدة خديجة 25 سنة ما يندرى تاخذين واحد أكبر عنج ويسود حياتج

**Zmoon** · 2008-07-30, 20:09

سوري على الكلام بس شو هالخرابيط ما شاء الله عمرج 29 سنه يعني عاقله كيف تضحكين على نفسج (بغض النظر عن علاقتج فيه محرمه ) الولد ياهل وبعمر المراهقه يعني اذا اليوم متعلق فيج بعد سنه بيغير رايه وبيقول عيوز والسموحه.

**جوريه83** · 2008-08-01, 23:09

المشاركة الأصلية كتبت بواسطة Zmoon

سوري على الكلام بس شو هالخرابيط ما شاء الله عمرج 29 سنه يعني عاقله كيف تضحكين على نفسج (بغض النظر عن علاقتج فيه محرمه ) الولد ياهل وبعمر المراهقه يعني اذا اليوم متعلق فيج بعد سنه بيغير رايه وبيقول عيوز والسموحه.

أعتقد اختي النصيحة تكون باسلوب محبب مب منفر

**موزاااانه** · 2008-07-30, 20:19

ياليت اللي ترد على الموضوع تكتب كلام فيه خير و لا تسكت و ما يحتاج التجريح الغاليه إستخيري ربج و ما خاب من إستخار الخالق و الله يكتبلج اللي فيه الخير ....

**شوكلت** · 2008-08-01, 18:44

المشاركة الأصلية كتبت بواسطة موزاااانه

ياليت اللي ترد على الموضوع تكتب كلام فيه خير و لا تسكت و ما يحتاج التجريح الغاليه إستخيري ربج و ما خاب من إستخار الخالق و الله يكتبلج اللي فيه الخير ....

معاها 100 بالمئة والرد من العضوه هذيج كان خارج اللياقة والأدب ،، تغلط وتقول اسمحيلي !!!! الغالية مافيها شي اذا الريال طيب وعاقل هو كله على العقل اذا تحسين عاقل ومتزن صلي استخارة وتوكلي على الله ،، مب لازم الناس تعرف فرق العمر ولا تخبرين،، الله يوفقج ويكتب لج كل الخير يا لطيفة

**Dubai designer** · 2008-08-01, 19:50

ماشاء الله وصلنا القرن 21 وبعده التفكير هذا مستمر
يا أختي الرسول العظيم صلى الله عليه وسلم قال : إذا جاءكم من ترضون دينه وخلقه فأنكحوه ) ثلاث مرات
ماعليج من العمر اهم شي الدين والاخلاق واذا انتي واثقة منه ومن احترامه لج وهو من اهلج واتعرفينه زين خلاص وافقي بدون تردد وماعليج من كلام الناس ترى ما يعيبها شي خذتي واحد اكبر ولا اصغر بعد ما بتفتكين من لسانهم ..
صارحيه باللي تحسين فيه في الخطوبة يعني قبل الملجة وشوفي رايه بالموضوع وطلبي منه يفكر بجد واذا مقتنع خلاص اتوكلوا على الله واذا لا بعدكم ترى على البر ..
وحده من الاهل متزوجة واحد اصغر منها بـ6 سنوات وماشاء الله زوجوا عيالهم و عايشين بخير واستقرار .. وانتي بعد ان شاء الله تتوفقين و تتزوجين اللي يحترمج ويسترج و يسعد أيامج

**ريلينا** · 2008-07-30, 20:20

انا اجوف ان الرياييل هالزمن يدورون عن بنيه اكبر عنهم

وانا اجوف انج لو تبينه لا تضيعينه بين ايديج لاني اجوفك ماشاءالله عاقله

يعني مب مراهقه ينقص عليج

ودام هو حبج ها اهم شي

وانتي بعد حبيبتي لا تنسين تستخيرين ربج في كل شي

وما عليج من كلام الناس

انا اعرف وحده ماخذه واحد يصغرها ب 16 سنه

ما بينهم شي

بالعكس البنت تعقل قبل الولد ب 20 سنه

**غايتي رضا ربي** · 2008-07-30, 20:23

اخوي ماخذوحده اكبر عنه بخمس سنوات

وهم عايشين حياتهم وعندهم عيال

ما فيها شي ومب عيب تاخذين واحد اصغر عنج .. المهم يقدر ع المسؤوليه

توكلي على الله واستخيري واذا فييه نصيب بياخذج ان شاء الله

وع كلام الناس ترا الناس هذا هو شغلهم ما يعرفون شي غير الرمسه
...

والحياه ما توقف عند رمسة الناس الحياه ماشيه... استخيري الغاليه وتوكلي على الله

**لطيييفة** · 2008-07-30, 20:38

اللي ردت علي مشكورة على الرد وعلى التشجيع وانا متأكدة انها تبي لي الخير بس اللي تبي تغث وعندها رد يلوع بالجبد تحتفظ به لروحها لاني مب ناقصتنها وما له داعي تتعب روحها بالرد دامها تبي تغلط اما عن الاستخارة فهالخطوة اكيد بتيي بس حبيت اسمع رايكن ودعواتكن واسمحنلي

الموضوع: ابغي شوركم

أدوات الموضوع

عرض

العرض المتطور