ابغي شوركم

**لطيييفة** · 2008-07-30, 19:54

السلام عليكم خواتي العضوات حبيت اخذ رايكم بموضوع يخص حياتي ومترددة فيه انا اعرف شخص يحبني ويموت فيني ولو اطلب منه شو متأكدة انه ما بيردني وانا احس اني اميل له والسالفة سالفة زواج يعني هو مستعد يخطبني اليوم قبل باجر بس انا مترددة ليش؟ لان انا عمري 29 وهو اصغر عني بسبع سنين مع انه فيه مواصفات اللي تحلم ابها كل بنت وعقله كبير ما شاء الله ومن اصل طيب واهم شي يحبني لدرجة مب طبيعية بس انا خايفة صراحة من كلام الناس وهل بيتقبلون هالشي والا لا واهله واهلي يعني وايد امور بس حبيت اخذ رايكم شو تنصحوني تعرفون انا كبرت بالعمر بس خايفة اني اندم اذا وافقت واذا رفضته اجرحه لانه يحلف انه ما بيفكر بغيري طول عمره ابي رايكم دخيلكم لا تبخلون علي والله يوفق الجميع واترياكم

المزيد من آخر المواضيع من نفس القسم:

**حمامة سلاااام** · 2008-07-30, 19:58

يااختي ماعرف شو طبيعة العلاقة الي تربطج في هالريال
بس صعبه تاخذين واحد اصغر عنج بسبع اسنين
يعني يوم بيكون عمرج فالاربعين هو توه 33 ؟؟؟؟
بعدين هله بيوافقون انهم يزوجونه وحده اكبر عنه بـ 7 اسنين ؟؟؟؟؟؟
مادري والله انصحج تستخيرين

**Bent_elsharjah** · 2008-07-30, 19:58

من استخار ما خاب

اكثر ي من الاستخاره وقيام الليل يا وخيتي

اما عن رأي الفرصه تي مره وحده وما دام هو ما يتعيب اتوكلي على الرحمن والناس انسيهم... الناس ما عندهم غير الملامه والعياره...... وتاكدي ه>ا حياتج انتي..... ولا تنتظر ي من الناس انها تبارك او تفرح لج الناس ما تبغى الا تحش بالخلق

اتمنى لج حياة سعيده

**دلع العيم** · 2008-07-30, 19:59

اتخيري ثم استخيري ثم استخيري

ولا تثقين فيه لين ما يوصل عند باب بيتكم ويخطبج

واكثري من الدعاء الله يوفقج الغالية وييسر لج امورج

**نبضة أمل** · 2008-07-30, 20:05

الله يعينج ويسهل امورج..ان شاء الله خير
لان هالموضوع حساس عند الكل اهلج واهله
ونحن ما انقول غير الله يجعل الخير ويسهل امورج

**Zmoon** · 2008-07-30, 20:09

سوري على الكلام بس شو هالخرابيط ما شاء الله عمرج 29 سنه يعني عاقله كيف تضحكين على نفسج (بغض النظر عن علاقتج فيه محرمه ) الولد ياهل وبعمر المراهقه يعني اذا اليوم متعلق فيج بعد سنه بيغير رايه وبيقول عيوز والسموحه.

**عيووون دبي** · 2008-07-30, 20:11

اعرف وحه خذت واحد وياها فالدوام ..

كان عمرها على اخر الثلاثينات وهو نص العشرينات تقريبا ..

يعني الفرررررررق اكثر من 10 سنين ..

لكنهم الحمدلله عاايشين ومستانسين ..

بس اول ما ملجو الناس وايد رمسو عليها حليلها ..

مع انه ما كان بينم شي ..

وتوها الحمدلله يايبه بيبي ..

فاختي انا اقول توكلي على الله ..

ولا تنسين الاستخااارة ...

هي اهم شي ..

بتعرفين اذا صدق انتي مرتاحه او لا ..

ادعي انه الله يسر اللي فيه الخير لج ..

واتمنالج كل خيــــــر ..

**موزاااانه** · 2008-07-30, 20:19

ياليت اللي ترد على الموضوع تكتب كلام فيه خير و لا تسكت و ما يحتاج التجريح الغاليه إستخيري ربج و ما خاب من إستخار الخالق و الله يكتبلج اللي فيه الخير ....

**ريلينا** · 2008-07-30, 20:20

انا اجوف ان الرياييل هالزمن يدورون عن بنيه اكبر عنهم

وانا اجوف انج لو تبينه لا تضيعينه بين ايديج لاني اجوفك ماشاءالله عاقله

يعني مب مراهقه ينقص عليج

ودام هو حبج ها اهم شي

وانتي بعد حبيبتي لا تنسين تستخيرين ربج في كل شي

وما عليج من كلام الناس

انا اعرف وحده ماخذه واحد يصغرها ب 16 سنه

ما بينهم شي

بالعكس البنت تعقل قبل الولد ب 20 سنه

**غايتي رضا ربي** · 2008-07-30, 20:23

اخوي ماخذوحده اكبر عنه بخمس سنوات

وهم عايشين حياتهم وعندهم عيال

ما فيها شي ومب عيب تاخذين واحد اصغر عنج .. المهم يقدر ع المسؤوليه

توكلي على الله واستخيري واذا فييه نصيب بياخذج ان شاء الله

وع كلام الناس ترا الناس هذا هو شغلهم ما يعرفون شي غير الرمسه
...

والحياه ما توقف عند رمسة الناس الحياه ماشيه... استخيري الغاليه وتوكلي على الله

**شمس الوادي** · 2008-07-30, 20:36

انت اللي بتعيشين وياه والا الناس الرسول صلى الله عليه وسلم كان اصغر من السيدة خديجة 25 سنة ما يندرى تاخذين واحد أكبر عنج ويسود حياتج

**لطيييفة** · 2008-07-30, 20:38

اللي ردت علي مشكورة على الرد وعلى التشجيع وانا متأكدة انها تبي لي الخير بس اللي تبي تغث وعندها رد يلوع بالجبد تحتفظ به لروحها لاني مب ناقصتنها وما له داعي تتعب روحها بالرد دامها تبي تغلط اما عن الاستخارة فهالخطوة اكيد بتيي بس حبيت اسمع رايكن ودعواتكن واسمحنلي

**M!ss angle** · 2008-07-30, 20:41

ربي يوفقج الغلا

والاستخاره اهم شي اتسوينه ....

وماخاب من استخار ....

**خدن امورد** · 2008-07-30, 21:39

الاستخااااااااااااااااارة اهم شي

**المندوس** · 2008-07-30, 22:52

اختي اهم شي تستخيرييين

بس انا احس الناس ما ترحم وانتي فكري لكم سنه جدام انتي بيكون عمرج 37 هو بيكون 30 !!!!

الموضوع: ابغي شوركم

أدوات الموضوع

عرض