انتبهوا يا زوجااات

**ام مروه333** · 2008-07-30, 19:42

السلام عليكم ورحمة الله وبركاته

قرأت موضوع احدى الاخوات في منتدى ثاني وعجبني موضوعها وحبيت انقله عندي صديقتي حامل بالشهر السابع ومبهذله نفسها بالشكل الخارجي

ورحت معها السوق واقولها اشترى قميص النوم هذا وايد حلو للحوامل

خاصة ان زوجها مسافر وبرجع بعد اسبوع

قالت لالالالا ان شاء الله من زين شكلي البس قميص نوم بعد

طبعا اعطيكم نبذه عن شكلها قبل وبعد الحمل

قبل الحمل

طويلة -ممشوقه القوام -مهتمة ببشرتها -كل اسبوع تحط حنه او زيت لشعرها

بعد الحمل

اول 3 شهور نساة عند اهلها ومن 4 شهور رجعت بيتها ولكن بدون اهتمام دايما عليها

دراعه ورابطه شعرها مع ان طويل واسود وفيه لمعه وحلو

ومنسدحه بالصاله وبيدها الريموت

طبعااا انا هالحال ما يعجبني

مريتها من يومين وقلت لها بعمل لك نيو لوك وقالت

لالالالالا خليها بعد الاربعين عشان اتغير على زوجي!!!!

قلت لها يا الهبله الى متى هذا الجهل والاهمال

فتحوا عينكم ترى الحين الازواج يشوفون البنات بالتلفزيون والشارع والاسواق

وانتي بالبيت مبهذله نفسك ليه

من حقة يشوفك قمر ؟؟؟

اخذتها ورحنا الصالون وقلت للموظفه اعملي لها خصل نحاسي وقصي لها قصة الفراوله

طبعا هي رفضت بس بسهوله اقنعتها

وبعد الصبغ والاستشوار عملت تنظيف بشره وبدكير وشيره وبرافين

ورحت معها السوق واشترينا ملابس اقطان بالوان صيفية حلوه

ووصيتها انها ما تربط شعرها لان احلى ما فيها

وانها لاتتشكى جدام زوجها بالثقل والتعب جنها عجوز

المهم من امس ما اتصلت عليي وقبل شوي

اتصلت وصوتها صاير حلو

تقول والله ادعي لج بكل صلاة

زوجي جا من السفر ولما دخل الصاله

شهق وقال

انتي ولدتي

ضحكت وقلت له لا يا حبيبي بس حبيت اعمل لك مفاجأة لما ترجع من السفر

تقول هالليله بس يطالعني باعجاب ويقول هالحمل مخليج وايد حلوه

<<<ما يدري شمهببين بالصالون 4 ساعات

المهم عزيزاتي

يا ليت يا متزوجات تنتبهون لهذه النقطه

مش اذا الوحده حملت مرضت او تمارضت ترى الحمل حاله بيولوجيه طبيعية

والزوج بالعموم ما يحب كثرة التشكي والتذمر

صدقوني لا تقولين زوجي واثقه منه او صغير او كبير

الرجل يظل رجل بطبيعته مخلوق بصري يحب النظر والمراة مخلوق عاطفي تعطي

العاطفه هذا كلام حبيبتي د .فوزيه دريع

على فكره اليوم اتابع باب الحاره

لاحظت صفة بالسوريات عجبتني وهو ان الزوج له تقدير واحترام وادب وذوق

بمعنى زوجها بيطلع تقوله انت تاج راسي....

زوجها بياكل تقوله انتي سيدي....

زوجها تبي تناديه تقوله يا ابن عمي ميشان خاطري اقعد معي....

وولك تقبرني .....آسفه ....مو قصدي

الفاظ جميله بين الازواج وانا صايره من الظهر اكلم زوجي سوري واعمل نفسهم وهو يضحك عليي

المزيد من آخر المواضيع من نفس القسم:

**خطيرة الملامح** · 2008-07-30, 19:51

ياي موضوع وايد حلو انا صح مش معرسه بس ما احب اشوف حد حامل ومايهتم بنفسه

**تفاحةالجنة** · 2008-07-30, 19:51

جزاك الله خير على النصيحه
صدقتي والله في وايد حريم يهملون اعمارهن وقت الحمل

**فيء** · 2008-07-30, 19:52

فعلا ... مب بس عشان الزوج ، بعد الوحدة عشان نفسها..

يعني كفاية الحمل يغير في شكل الوحدة ، ويصيبها احباط من زيادة الوزن..

شي حلو انها تغير من لبسها وستايلها بين فترة والثانية..

عشان تحس نفسها بنوتة وشبابية ..

^_^

**أم بيسان** · 2008-07-30, 19:53

معك حق اختي جزاك الله خير

**فن القفطان** · 2008-07-30, 20:04

مشكوورة حبيبتي ما قصرتي و الله

**pink 7** · 2008-07-30, 20:19

الموضوع وااايد حلو ...

**منوه الحلوه** · 2008-07-30, 20:22

جزاك الله خير على النصيحه

**الوهميه001** · 2008-07-30, 20:24

جزاك الله خير

**تاج الغلا** · 2008-07-30, 20:26

وايد حريم ينسن عمارهن في الحمل جنه محد حمل غيرهن ،،،،

**حنين البدر** · 2008-07-30, 20:31

فعلا كلامج صحيح أختي... ربي يجزيج خير

**ميرا99** · 2008-07-30, 20:41

فعلا

انا اشوف خاصه فى الحمل التغيير مطلوب

سلمت يمينك

**الدلووعة** · 2008-07-30, 21:04

يسلموووووووووووووو

**الصهبا** · 2008-07-31, 00:23

مشكورة على الموضوع الحلو

**بنت الطموح** · 2008-07-31, 00:27

جزاج الله الف خير النصيحه الغالية واتمنى لكل متزوجه حياه سعيده مع اسرتها .
شكرا لج

الموضوع: انتبهوا يا زوجااات

أدوات الموضوع

عرض

العرض المتطور

انتبهوا يا زوجااات

المزيد من آخر المواضيع من نفس القسم:

المواضيع المتشابهه

انتبهوا

انتبهوا !!!!!!!!!!!!!!!!!!!!!!!

انتبهوا يا ناس

انتبهوا!!!