خالتي ع عيني وراسي

**سبيشل غرنوقة** · 2008-07-30, 03:52

مرحبا حبيباتي ..

اريد اخبركم مشكلة دوم تستويلي وهي اني عندي خالة الله يساحمها .!

دوم تيي بيتنا بسبة انها تشتغل في بوظبي .. وما اهلها فالعين لكن اخوها اللي هو خالي

بس الصراحه كل ما تي بيتنا نحترمها ونسولف معاها .. بس كله تقولنا انه نحن خقاقين

معنه نحن ما سوينا شي يدل عالخقة وكل تستغلنا مثلا مره نروح انا وامي وهي المول ..

عسب اشتري بجامات تقنع امي انها مشغولة .. طبعا عقب ما اشترت وخلصت واذا هذي السالفه استوت مره بقول ما عليه لاكنها كل سبت تظهر المول ويانا .. ولا بعد من اسبوعين رايحه ويانا المول مع ابوي ...

ابوي قالي روحي مع خالتج ونتلاقى مكان جي ساعة جي .. ودخلت محل انا اشتريت منه بدلة و قلت بشتري من محلات ثانيه الله يسامحها يلست ساعه ونص في المحل ومن عقب دخلت تصلي وعقب راحت تطلب من مطعم وطبعا يا غرنوقة اتعبي الخالة الحنون ..

وودخلت محلاتها وبجي ابوي قال يلا نرد البيت ,, قالت بروح كارفور اشتري

يا خي تتتحكم ابوي حتى ينزع منها .. ولا اذا عصبت منا تخلي الكل يعصب منا و اول هم امي

ولا يا بنات تعروفنا نحن بنات وهي بعد من اعمارنا يعني مب يهال عشان تسويلي مشاكل مع اهلية

ولا اهم شي الدريول الصبح يوديها الدوام والظهر دوام و العصر تروح جلسات تجميل ودكاتره

يا خي اللي كافلين الدريول ما يحتاجون

نحن ننقع فالجامعات والمدارس نتريا الخالة

ولا حصلت وظيفة تتخقق علينا فيها .. و تقول نحن الخقاقين وتحاول تكرهنا في عماتنا اللي ما شفنا منهم الا كل خيييييييييير ..

والحين بتعرس وكل ما يستوي شي عند ريلها يا خي مب حالة عيب هالشكل جي

عطوني حل او طريقة اتعامل معها لاني اريد اغير طبعي لاني اتنرفز هي عمرها 25 وبيني وبينها الا كم سنه يعني انا مب ياهل لازم تحترم الكل
خواتي عطوني حل ؟! كيف اتعامل معها واي اسلوب

لا تقولون اللي خليج طيبه الطيب ما ينفع الكل يطيب الا هي

المزيد من آخر المواضيع من نفس القسم:

**خطيرة الملامح** · 2008-07-30, 03:55

الله يعينج الصراحه

**سبيشل غرنوقة** · 2008-07-30, 04:00

ويعين الجمييييييييييييييييييييييييييع

**pearlly** · 2008-07-30, 04:10

مرحبا الغاليه ،،

أنا بقووولج ذهب الكثير وبقي القليل ،،

يعني صبرتي كل هالمده أصبري شوي ألحين هي بتعرس وبعدين مابتجوفونها مثل قبل وبتنشغل مع ريلها ،،

ولا إذا مب قادره تتحملين ،، يوم بتظهروون مب شرط تتمشين وياااهاا !! اشردي عنها ههههههه

حاسه فيج والله ،، لكن اصبري الحين هي بتعرس وبترتااحون

وبعدين هي يوم بتخبر ريلها عن كل شي يصير ،، انغزيها قولي مثلااا ربيعتي وايد تفتن والفتنه أشد من القتل وجي من هالكلااام وإذا تغير شي واجهييها بلطف ،، قوليلها خالوه انتي كل شي بتخبرين ريلج مب زيين جي يعني مال سوااالف أونه

والسمووووووووووووووحه

**سبيشل غرنوقة** · 2008-07-30, 21:11

المشاركة الأصلية كتبت بواسطة pearlly

مرحبا الغاليه ،،

أنا بقووولج ذهب الكثير وبقي القليل ،،

يعني صبرتي كل هالمده أصبري شوي ألحين هي بتعرس وبعدين مابتجوفونها مثل قبل وبتنشغل مع ريلها ،،

ولا إذا مب قادره تتحملين ،، يوم بتظهروون مب شرط تتمشين وياااهاا !! اشردي عنها ههههههه

حاسه فيج والله ،، لكن اصبري الحين هي بتعرس وبترتااحون

وبعدين هي يوم بتخبر ريلها عن كل شي يصير ،، انغزيها قولي مثلااا ربيعتي وايد تفتن والفتنه أشد من القتل وجي من هالكلااام وإذا تغير شي واجهييها بلطف ،، قوليلها خالوه انتي كل شي بتخبرين ريلج مب زيين جي يعني مال سوااالف أونه

والسمووووووووووووووحه

افكارج من ذهب بس اخاف الرد يكون قوي ههههه

**نقطة تحول** · 2008-07-30, 06:46

اصبري حبيبتي تراها بتعرس وبتنشغل عنكم
انتي حاولي تشغلين نفسج باي شي ثاني وتجنبي تسيرين المول وهي في البيت لما تسير عند ربيعاتها والا اي مكان انتي سيري اتشري واذا سألتج استسمحي منها وقولي لها انج كنتي مستعيلة
في النهاية تراها خالتج يعني من لحمج ودمج ما ترومين تقطعينها بس هانت ما باقي شي

**رنوسي** · 2008-07-30, 06:47

الله يعينج يا اختي حاولي تكلمينها بطريقة لبقة وتفهمينها
وان شاء الله تسمع لج وضحي لها وجهة نظرج وشو لي ازعجج وخليج صبورة وطولي بالج عليها

**سبيشل غرنوقة** · 2008-07-30, 21:14

المشاركة الأصلية كتبت بواسطة رنوسي

الله يعينج يا اختي حاولي تكلمينها بطريقة لبقة وتفهمينها
وان شاء الله تسمع لج وضحي لها وجهة نظرج وشو لي ازعجج وخليج صبورة وطولي بالج عليها

ههههه انتو تقولون شي مب من الواقع يمكن هآآي رافضة وتحولني الى مصخره

**الفراشهـ** · 2008-07-30, 06:51

افا عليج بس خليج سياسيه

سايريها ..

اذا قالت لج انتي خقاقه .. قولي لها هاشي يحق لي وانا دلوعه وكيفي اتخقق ..( ومن هالكلام الفاضي )

يعني خليج كووول

**سبيشل غرنوقة** · 2008-07-30, 21:15

المشاركة الأصلية كتبت بواسطة الفراشهـ

افا عليج بس خليج سياسيه

سايريها ..

اذا قالت لج انتي خقاقه .. قولي لها هاشي يحق لي وانا دلوعه وكيفي اتخقق ..( ومن هالكلام الفاضي )

يعني خليج كووول

منو قالج اني ما سوي مرات بس لازم حد يسكتني دوم انا الغلطانه

**نااعمه** · 2008-07-30, 09:23

قولي لها هاتي لج دريول نحن ننقع في المدرسه بسبتج و انتي موظفه لا تقصرين على عمرج بشي وعن باقي الاشيا تراها بتعرس وبتفتكون منها خلاص

**سبيشل غرنوقة** · 2008-07-30, 21:17

المشاركة الأصلية كتبت بواسطة نااعمه

قولي لها هاتي لج دريول نحن ننقع في المدرسه بسبتج و انتي موظفه لا تقصرين على عمرج بشي وعن باقي الاشيا تراها بتعرس وبتفتكون منها خلاص

يا ريت الغلا بس امي مكبرة راسة ومرات تنزعج منها

**غاية الضوء** · 2008-07-30, 09:41

اللـــه يعينج والله ،، لو انا منج بموت من الغصة ..

اممممم ،، رمسيــــها واذا مااقتنعت خلي ابوج يرمسها

او اي حد اكبر عنها ..

**سبيشل غرنوقة** · 2008-07-30, 21:18

المشاركة الأصلية كتبت بواسطة غاية الضوء

اللـــه يعينج والله ،، لو انا منج بموت من الغصة ..

اممممم ،، رمسيــــها واذا مااقتنعت خلي ابوج يرمسها

او اي حد اكبر عنها ..

ابوي صعبه بيكون موقفهم تدرون وبتروح تقول يرقون من البيت وجي

**x REEM x** · 2008-07-30, 16:34

الله يعينكم ،، انا ما اتحمل هالوضع

الموضوع: خالتي ع عيني وراسي

أدوات الموضوع

عرض

العرض المتطور

خالتي ع عيني وراسي

المزيد من آخر المواضيع من نفس القسم:

المواضيع المتشابهه

بنت بلادي على عيني وراسي بس كل شي له حد ولا انتووا شو راايكم؟؟!!!!!

على عيني وراسي

خدامت خالتي جزاء اهمالها لولد خالتي...... تبون تعرفون ادخلو

تبجي عيني يوم اشوف هالمناظر يا ولد بلادي.. موقف حدث امام عيني البارحه..