الموظفات الي يشتغلن وعندهن رواتب كيف تصرف مع ريلها اذا طلب منها تصرف عالبيت

[بنت النوووور]

السلام عليكم ورحمة الله وبركاته

جيف حالكن بنات

عندي موضوع ابغي اخذ رايكن فيه

انا بعدني مب متزوجه وان شاء الله ربي يكتب لي واتزوج برجل يخاف ربه ويعرف قدري
وبيني وبينكم في خطبة ان شاء الله قادمه بس قولي الله يسرلي الريل الصالح
قولي امين

انزين نبدا بالسالفة

انا حاليا اشتغل وعندي راتب طبعا يعني اذا تزوجت وريلي طلب مني فلوس او طالبني اني اصرف في البيت وانا مب نشادة هو الريال من انا

وانا ما ابغيه اعطية

كيف اتعامل معاه وطبعا حلاته يوم ريلح هو الي يعطيج مب انتي تعطينة بنات انصحوني والبنات الي معرسات ويشتغلن كيف تصرفتو مع رياييلكم
وكل وحدة اتخبرني عنه وعن سالفتا
خبروني بليز وربي يحفظكن ويخليلكن لزواجكن

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[zgerteya]

الريال عمره مايطلب من حرمته تصرف الا في الشديد القوي وبعدين عن نفسي انا اشتغل بس مصروف البيت عليه وهو مش مقصر بس يوم حس انه مضغوووط ولا شي اسااامحه بس داايم اذكره ان الريال هو الراعي ونحن الرعيه اللي مسؤول منهم يعني شدي وارخي وكل ريال له اسلوبه والله يعطيج على قد نيتج

[dnyailwalah]

اذا تزوجت وريلي طلب مني فلوس او طالبني اني اصرف في البيت وانا مب نشادة هو الريال من انا

انا عن نفسي مستحيل ادفع شيء فاحتياجات البيت
هذا شغله
ليش اعدمه من مسؤوليته
والريال اذا عتمد انسي خلاص عقب تغيرينه


مستحيل مستحيل



انا عن نفسي راتبي لي لنفسي واذا ابا شيء اخذه للبيت من عمري روحي مايخصه ففلوسي

ويصرف عليه بعد ومن طيب خاطره
وانا الي فرضت هالشيء من البدايه

[بنت النوووور]

المبدا لازم يكون من البداية طبعا بس في رياييل يتزوجون البنات الي يشتغلن عشان يصرفن علي عمارهن او عليهم

اعرف وحدة كانت ايام الملجة كل ما ريلها يقولها خذي هذا لج اتقول لا مشكور انا اشتغل
ودوووووم علي هذي السالفة والحين يحليليها خبر خير حتى ملابسه الداخلية هي الي تشتريله هذا بس عشان كانت تستحي ف بنات هالله هالله في ريايلكم والعين الحمرة

[بنت النوووور]

upppppppppppppppp

[بنت النوووور]

بنات وينكن تعالو خبرونا عنكن

[كفاني جرحك]

انا عن نفسي ................ اول مااتزوج .. قبل العرس ب 10 ايام بقدم استقالتي و لابخبر ( سعيد الحظ ) لين بعد العرس ب 10 اياااااااااااام لوووووووووووووووووول ...

بس كيفي .. ابا اسويله مفاجاه لووووووووووووووووووووووووووووووو

[rozee]

للرفع

[حزن قلبي]

انا عن نفسي ................ اول مااتزوج .. قبل العرس ب 10 ايام بقدم استقالتي و لابخبر ( سعيد الحظ ) لين بعد العرس ب 10 اياااااااااااام لوووووووووووووووووول ...

بس كيفي .. ابا اسويله مفاجاه لووووووووووووووووووووووووووووووو

ما انصحج صدقيني بتندمين و بتقولين ياليتني ما طلعت من الشغل، بعد العرس بتحتايين وايد، و يمكن ريلج ما يقدر على مصروفج حتى لو يبا.

[بلقيس1]

السلام عليكم انا من راي ان الزوج والزوجة لازم يتعاونون خاصة اذا كان الزوج عمله بسيط لكن هذا اذا كان زوج نيته سليمة لان عندنا في بلادنا صاروا الرجال يجمعوا الفلوس وبعدين يتزوجوا عليهم

[حزن قلبي]

انا اشتغل و اخذ مصروف رمزي من ريلي ، المهم يصرف عليي، و مصاريف البيت و الكهرباء و التلفون و النت كله عليه، اللهم الطلعات و الرحلات و الفنادق و المطاعم عليي مرااااااات.
خلي ريلج يحس بالمسؤولية عن كل شي بس ساعديه بدون ما تبينين له، يعني انا مرات اشتري الاشياء الغالية بفلوسي لان ريلي اتكون ميزانيته رايحة على المصاريف، و ان احتاج اعطيه عادي.

[قايده الغزلان]

مب شرط الحرمة اللي تشتغل الريال ياخذ منها

ما ادري بس احس الريال اللي عارف واجباته عنده كرامة ويصرف عالبيت بروحه

ولو الحرمة بتساعده من طيب خاطر منها وبارادتها

وفي النهاية المشاركة بين الزوجين هي المطلوبة بس ما تعوده انه كل شي عليها

لا

ممكن كل واحد منهم يحط مبلغ ويصرفون منه عالبيت

[بنت النوووور]

في ناس يطالبون الحرمة انه تساعدها في بناء البيت المستقبل ف هذي انا يمكن اساعده بس ما اخذ قرض يمكن ندخل مع بعض جمعي بس اخذ قرض نو وي وانتو بنات

[×أم نواري×]

الرياال ما بيااخذ فلوس حرمته لو عنده كراامة .. يعني ما بيطلبهاا .. بالعكس هو بياخذلها الي تبااه .. بس طبعاا الكماالياات عليهاا و الاساسياات عليه .. هذا رايي .. و السموحة

[كفاني جرحك]

ما انصحج صدقيني بتندمين و بتقولين ياليتني ما طلعت من الشغل، بعد العرس بتحتايين وايد، و يمكن ريلج ما يقدر على مصروفج حتى لو يبا.

مااعتقد .. لاني ابا انشغل في بيتي ...

واذا مليت برجع بداوم و هذا 10% فقط