كلمة الحق تزعل..؟؟!!

[قمّاري]

صباح الخير للمتزواجات الي ناشات شراتي من الصبح حق كراف البيت

وصباح الخير للمعزبات وطبعا باخات رقده .<< يا حظكم


ادش في الموضوع على طووول اليوم الصبح كلمت ريلي في موضوع ...

هووو صار له كم يوم يتم يالس في البيت يطالع مسلسل اجنبي ومندددددمج فيه

ولا قاعد على النت يلعب العاب ... ريلي اعرفه عدل مب راعي خرابيط بس الشي لازاد عن حده ما يسكت عنه

يعني قعدته في البيت مب عشاني اصلا لابسني طووو ل الوقت حتى يوم ارمسه ما يسمعلي عدل من كثر ما هووو مندمج في المسلسل

واذا ما سوى هالاثنين يطلع يلعب ويا عيال عمه ورقه ولا بلاي استيشن ...

انزين انا ويني عن كل هذا ...؟؟؟!!!

قتله هالرمسه صار لك كم يوم على هالحال يقولي انا مب لابسنج صح اني اطالع وايد التلفزيون بس مب في خاطري شي علج قتله ادري ان مب في خاطرك شي علي بس اذا ماا اطالع بتلعب واذا ما بتلعب بتطلع يا ورقه يا بلاي استيشن

قالي شو المطلوب >>> شوووفووو الرد يعني مب عايبنه

قتله ما يحتاي اقووولك شووو المطلوب انت تعرف شووو اللي عليك وانت ما كنت تقصر معي في شي

قالي يعني احين انا طلعت مقصر قتله هيه .... وبعدهاااا طلع ولا كلمني


ابا اعرف شوو اللي يزعل ... على فكره ريلي مب زعاااال وانسان وايد صريح معاي

ودايما يقووول ماحب حد يزعل من كلمة الحق

وهووو الحين بره ما ادري وينه....

وووووبس حبيت آخذ رايكم

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

[أم هـــزاع]

والله حبيبتي ماعرف شو اقولج

الحال عندج وعندنا

خليها على الله

[قمّاري]

الله يعينا ويصبرنا مشكوره اختي ام هزاع على مرووورج الطيب

[RAK violet]

يمكن منتضايج من شي
ريلي يتصرف جي من يتضايج
خليه لي يهدأ وبروحه عقب بيقولج
والله يوفقج ويباركلم في بعض

[غلاي ميمو]

فالبداية أحب اصبح عليج عزيزتي ,,

المهم ,, نرجع للموضوع أول شيء الريال ما يحب انه زوجته تحسسه بالتقصير مهما كانت معاملته لها ,,

و بعد الزوجات غالبا ما يتصروفون بطريقة عفويه من احاسيسهم ومشاعرهم بدون ما ينظرون لطرف الأخر

هل هو مرتاح ولا فيه شي مضايقنه ؟؟؟

مع العلم أنه الزوجة احيانا ما تكون مقصره في حق ريلها أبدا و اكييييييد هو حاس بهذا الشيء ,, بس كل انسان له فتره يختلي فيها مع نفسه عشان يجدد الروتين اليومي ..

هذا من وجهة نظري والله يهدي سركم و يزيد حبكم لبعض و شوقكم لبعض ,,

[shamoOo]

يمكن يالس يفكر في شيء ... ريلي من النوع الهادي وايد يوم يفكر جي يسوي .....إما يطالع مسلسسل أجنبي على الاب توم ... أو يلعب على الpsp ....

و يسويلي طااااااااف ... و يوم أنصرع عليه يقولي و الله مب امسولج طاف بس أفكر

[نااعمه]

اختي خليه على راحته يمكن فتره وتعدي لا تظغطين عليه الريايل مرات يحبون ياخذون بريك من حريمهم
بس لو مصخها وطولت السالفه غيروا جو يمكن هو مل من الروتين بروحه مب عارف شو يسوي بس لا تحسسينه انه مقصر لانه ماشوفه مقصر هو متغيرعليج شوي الظاهر بسبب الملل والروتين مثل ما قلت لج وبيني وبينج هالايام منو مب ملان في هالحر والزحمه والغلا والمشاكل اليوميه الله يصلح حالكم

[قمّاري]

مشكورات اخواتي الحبيبات على ردووودكم


انا من اسبوع راجعهمن ماليزيا ... وهووو من رجعنا وهووو بس يطالع هالمسلسل ... قلت في خاطري يمكن مثل ما قلتوا يبا ياخذ بريك ووقت حقه برووحه ... خليته اسبوع كامل على هالحال وانا لا اتكلم ولا اقوووول اي شي

يطلع ويلعب ويا عيال عمه ويقعد في البيت عشان بس هالمسلسل ... بس بعد انا لي وقتي ... يعني حتى مره حاولت اتكلم في موضوووع مهم يخصنا نحن الاثنين رد علي بكلمتين ولبسني وانا اتكلم وجني اتكلم مع يدار وهووو يطالع هالتلفزيون

مب حاله هاي الصراحه .... ع العمووووم اشكركم مره ثانيه ... وحبيت ان نتناقش في بعض هالمشاكل البسيطه تستوي بين الازواج

والحمدلله ريلي احسن عن مية ريال ... وفي النهايه ريلي ما يحب الزعل وبيرجع ولا كأنه شي صار وبيتغير ان شاء الله للأحسن

[دلوعتهـ^.^]

يا ختي هم الرياييل جــي
الحين تلقييــنه يشووووف عمــره احســن ريال فالدنيا >> وفخاطره يقول تحمد ربها هاي اني يالس فالبيــت
ماعليه اصبري وكل شي بالهداوه يمكن هو ماعرف شو تبين بالضبط على باله اذا يلس بالبيت بيرضيج ،’

انا ريلي دوم جي واخر شـي يقولي لو امـوت >بسم الله عليه ،’ بعد ما بيعيبج شي

[حتاويه]

والله ريلي نسخه من ريلج بدل ما يسولهم شغله مفيده
يقعدون يطالعون التلفزيون وإذا مل وسار عند إخوانه
بيلعب وياهم بلي ستيشن .............................
مع إنه في أشياء واييد فالبيت تبا تصليح وتعديل
بس شو نسوي تعبنا من الحنه والرنه
الله يعينا ويهديهم

[بنت الاسياد]

هذا اللله يسلمج فيروس منتشر ...الخير عنا وعندج

[قمّاري]

دلووووعه + حتاويه

مشكورات فديتكن على المرور والله يعينا ويعينكم


بنت الاسياد

هههههههههه ضحكتيني والله ... حلوه فايروس منتشر

الله يصبرج ويصبرنا

[عيو دبي ون]

عاااااااااادي حبوبه ..
هم جيييييييييييييييه .. ما يحبون حد ينااااقشهم ..
الله يهدييييييييييييييييييييييييييييييييهم ...

[Hno0odah]

الحال من بعضه

بس شو اقول غير لاحول ولا قوه

[حزن قلبي]

نفس المشكلة، اول ريلي كان كله يطلع و يتأخر عن البيت
و بعدين لما نبهته كان كله يقعد على النت،
و يوم اشتكيت من بعده، قال لي ما عرفت لج طلعنا اتنازعتي ، يلسنا اتنازعتي،
و سرت و شريت له بلاي استيشن ، كل وقته البلاي ستيشن بس طلعاته ويا الربع ما يطوفها ، يعني ما سويت شي.
بس بين فترة و الثانية يوم امل اخرب عليه لعبته عشان ينشغل وياي و مرات ادس السيديهات. وها امشي عمري. و الحمدلله.