حملت وسقطت.....

**سمره كيوت** · 2008-07-29, 00:57

السلام عليكم ورحمة الله وبركاته انا صارلي فتره وما حدرت المنتدى بس صج اشتقت للمواضيع وللمشاركات
المهم انا صارلي معرسه بس 3 شهور بس الحمدلله صار حمل ابسرعه بس للأسف سقطت الجنين وما اكتمل عندي الحمل وماصار من نصيبي وما اقول غير الحمدلله على كل حال

اخواتي اتريا دعواتكم لي بالذريه الصالحه والله متولهه لان امنيتي في هالدنيا الستر واكون العائله الي دوم كنت اتمناها واحلم فيها

انا وريلي في خاطرنا بالذريه الصالحه والله يرزق من يشاء

دعواتكم لي وشو نصايحكم لي بنات
لاني لما كنت احمل وايد كنت اتحرك واسير وايي واشتغل في الشقه وكانت اعصابي مب مستقره وايد اعصب وازعل تتوقعون هاذا هو السبب ؟؟؟؟ ادري كل شي بيد ربي والحمدلله على كل حال بس صج ابا اكون حذره في الحمل الياي ان شاء الله عسب ما افقده

والسموحه طولت عليكن
والله يرزقكم بالذريه الصالحه االللهم ااااااااااااااميييييييييييييييييييييييييييييييين

المزيد من آخر المواضيع من نفس القسم:

**منال احمد** · 2008-07-29, 01:11

الله يعوضج إنشاء الله وتيبين توم مره وحده بنت وولد بس بغيت أقولج عادي لا تخافين أنا مثلج حملت على طول وعقيت في الشهر الثالث وبعدين حملت لما كملت سنه بالضبط والحمل الثالث كان بعد 4 شهور من ولادتي ببنتي الولى ويبت ولد والحين ملانه من اليهال وما أفكر أييب غيرهم لأنه شي وايد متعب أنج تيبين 2 ورا بعض ولا تخافين وايد ولاتفكرين في هذا الموضوع وبتحملين إنشاء الله وبتمزرين البيت يهال وبيعورون راسج وبيونسونج في نفس الوقت واسمحي لي الغاليه تراني واي ثرثاره

**thariya** · 2008-07-29, 01:17

الله يرزق الجميع عاجل غير اجل

**سمره كيوت** · 2008-07-29, 01:22

اللهم امين اشكركن خواتي على المرور وعلى الدعاء

**Bint_shj** · 2008-07-29, 11:19

حتى انا والله خاطري بياهل

**shamoOo** · 2008-07-29, 12:17

لاتحاتين يالغلا ... أنا أول ما عرست حملت على طول و الناس ما يقولون ماشاء الله ربيت يبت ولد أمووور الله يحفظة ... وعقبة اب 6 شهور حملت مرة ثانية و الله عطوني عين ... و عقيت و الله يتني حالة نفسية و عقب اب 6 شهور حملت مرة ثانية و الحمدالله جريب بربي .... الله يرزقج و لا يحرمج انشاء الله ... يوم بتحملين مرة ثانية ... لاتخبرين كل حد .... و ريحي طول الوقت .... و أعصابج ريحيها ما في شي يستاهل غير وصول النونو بالسلامة

الموضوع: حملت وسقطت.....

أدوات الموضوع

عرض

العرض المتطور